6
Təlim nəticəsi 1: Çilingər işinin təşkili barədə bilir və qaydalara əsasən iş yerini hazırlamağı bacarır
1.1.1.
Çilingər işlərinin növlərini və məqsədini izah edir
Çilingər işinin məqsədi və növləri
Çilingərlik işləri metalların soyuq emalı prosesidir. Bu işlər əl ilə,
həm də
mexanikləşdirilmiş alətlərlə yerinə yetirilir. çilingərlik işlərinin məqsədi emal olunan
detala çertyojda nəzərdə tutulmuş formanı, ölçüləri vermək və səthlərin kələ-
kötürlüyünü dəf etməkdir. Görüləcək işə uyğun əməliyyatların
yerinə yetirilmə
keyfiyyəti çilingərin səriştəsindən,
istifadə olunan alətlərdən, eləcə də emal edilən materialdan asılıdır.
Çilingərlik işlərinə aşağıdakı əməliyyatlar daxildir: nişanlama, çapma, metalları
düzəltmə və
əymə, metalları əl mişarı və qayçı ilə kəsmə, yeyələmə, deşmə, deşikləri zengerləmə və rayberləmə,
yivaçma, şaberləmə, sürtmə, lehimləmə, yapışdırma.
Metal detalları çilingərlik üsulu ilə emal etdikdə görüləcək işə uyğun əməliyyatları
müəyyən
qayda ilə yerinə yetirmək tələb olunur. bu halda əməliyyatlar bir-birinin ardınca icra olunur.
Detalların emal ardıcıllığını müəyyən edərkən detalların (pəstahın) hansı vəziyyətdə olmasını
nəzərə almaq lazımdır. Daha kobud emaldan sonra axırıncı emal (bəzək emalı) aparılmalıdır.
Təmirçi-çilingər işlərində avadanlığın işləmə qabiliyyətini saxlamaq əsas şərtlərdən biridir; bu
halda yeyilib köhnəlmiş və zədələnmiş hissələri təmir edir və ya yenisi ilə əvəz edirlər.
Şəkil 1.1 Çilingərlik işlərinə dair bəzi görüntülər
1.1.2.
Tələbələr üçün fəaliyyətlər
Digər mənbələrdən istifadə etməklə əl ilə görülən çilingərlik işlərinə dair ilkin axtarışlar
aparın və təqdimatını hazırlayın
Başqa mənbələrdən istifadə etməklə mexanikləşdirilmiş alətlərlə yerinə yetirilən
çilingərlik işlərinə dair ilkin axtarışlar aparın və təqdimatını hazırlayın
Çilingərlik əməliyyatlarına dair axtarışlar aparın və əldə etdiklərinizə dair qeydlər aparın
və təqdimatını hazırlayın
1.1.3. Qiymətləndirmə
Aşağıdakı qiymətləndirmə meyarına əsasən qiymətləndirəcəksiniz:
Dostları ilə paylaş: