maq istəyirəm… respublikamızın ən böyük ali məktəbləri olan…
Azərbaycan Dövlət Universiteti və Kənd Təsərrüfatı İnstitutu son
dərəcə ağır bir şərait içərisindədirlər. Bu iki ali məktəbdə 10
mindən artıq adam oxuyur, laboratoriyalar isə təchiz
edilməmişdir, avadanlıq qoyulmamışdır, lazımi kabinetlər
yoxdur».
1958-1961-ci illərdə S.Rəhimov respublika Nazirlər
Sovetinin Sənayedə Təhlükəsiz İş Aparılması Üzərində Nəzarət
və Dağ-Mədən Nəzarəti Dövlət Komitəsinə sədrlik etmişdir,
1961-1965-ci illərdə isə o, Bakı Baş Tikinti İdarəsinin rəisi ol-
muşdur. S.Rəhimov bir tikinti təşkilatının başçısı kimi Bakı şə-
hərinin abadlaşdırılmasında, yeni-yeni mikrorayonlar salın-
masında, sənaye müəssisələrinin, kinoteatr və mədəniyyət saray-
larının tikilib istifadəyə verilməsində yaxından iştirak etmişdir.
S.Rəhimov 1965-1975-ci illərdə Azərbaycan SSR Yüngül
Sənaye Nazirliyinə başçılıq etmişdir. O, düz on il bu məsul
vəzifədə çalışaraq respublika yüngül sənayesinin hərtərəfli
inkişaf etməsində, sənaye müəssisələrinin yeni texniki avadanlıq
və yenidən qurulmasında, xalq istehlakı mallarının istehsalının
artırılması üçün xeyli əmək sərf etmişdir.
S.Rəhimov dəfələrlə Azərbaycan KP MK və onun büro-
sunun, Azərbaycan SSR Ali Soveti və onun rəyasət heyətinin
üzvü olmuş, Azərbaycan, SSRİ Ali sovetlərinin deputatı,
keçirilmiş plenum, konfrans, qurultay və sessiyalarda
nümayəndə kimi iştirak etmişdir.
Onun xidmətləri Lenin ordeni, Qırmızı Bayraq, Qırmızı
Əmək Bayrağı, Şərəf nişanı ordenləri və medallarla qeyd olun-
muşdur.
S.Rəhimov 1975-ci il iyunun 11-də Bakı şəhərində vəfat
etmiş və Fəxri xiyabanda dəfn olunmuşdur.
* * *
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.87, iş 1350.
- Azərbaycan SSR Ali Sovetinin deputatları. Altıncı
çağırış. Bakı, 1965.
84
- Azərbaycan SSR Ali Sovetinin deputatları. Yeddinci
çağırış. Bakı, 1968.
- Dördüncü çağırış SSRİ Ali Sovetinin iclasları (dördüncü
sessiya; 26-29 dekabr 1956-cı il). Stenoqrafik hesabat. M., 1956.
- «Kommunist» qəz., 1975, 13 iyun, №137.
85
VƏLİ YUSİF OĞLU AXUNDOV
iyul 1958 – iyul 1959
Azərbaycanın görkəmli ictimai, siyasi
və dövlət xadimlərindən, ziyalılarından söz
düşdükdə Vəli Axundovun adı xüsusi
hörmətlə çəkilir. Vəli Yusif oğlu Axundov
1916-cı il mayın 14-də Bakı quberniyasının
Saray kəndində fəhlə ailəsində anadan ol-
muşdur. İlk təhsilini Saray kənd məktəbində
alan Vəli 1929-cu ildə həmin məktəbi bitirib
Biləcəri stansiyasındakı fabrik-zavod
məktəbinə daxil olmuşdur. O, 1931-ci ildə sənət məktəbini
bitirib Bakı Sənaye texnikumuna daxil olmuşdur. 1935-ci ildə
texnikumun kimya şöbəsini bitirib kimyaçı texnik peşəsinə
yiyələnmişdir. O, təhsilini davam etdirmək və ali təhsil almaq
məqsədi ilə əvvəlcə Azərbaycan Sənaye İnstitutunun hazırlıq
kursunda oxumuş, 1937-ci ildə isə Azərbaycan Tibb İnstitutuna
daxil olmuşdur. V.Axundov institutda oxumaqla yanaşı ATİ-nin
ictimai elmlər kafedrasının laborantı, «Tibbi kadrlar uğrunda»
qəzetin redaktoru və komsomol komitəsinin katibi vəzifəsində
çalışmışdır. 1941-ci ildə ATİ-ni müvəffəqiyyətlə bitirən
V.Axundov orduya çağırılır.
V.Axundov 1941-1945-ci illər Böyük Vətən
müharibəsində 20-ci atıcı diviziyanın tərkibində bir həkim kimi
adi həkim-əsgərdən xüsusi tibbi-sanitar batalyonunun komandiri
vəzifəsinədək yüksəlmiş, Rusiya, Belorusiya, Almaniya,
Çexoslovakiya ərazisində gedən döyüşlərdə iştirak etmişdir.
1946-cı ildə ordudan tərxis olunan V.Axundov ATİ-na qa-
yıtmış, tibb tarixi kafedrasının assistenti qəbul edilmiş və Epi-
demiologiya, Mikrobiologiya və Gigiyena İnstitutunun elmi
işçisi, direktoru olmuşdur. Lakin o, tezliklə Azərbaycan Tibb
İşçiləri Həmkarlar İttifaqı Respublika Komitəsinin sədri seçilir.
86
V.Axundov 1946-1949-cu illərdə bu vəzifədə çalışmış, ilk
gündən həmkarlar ittifaqı aparatının və onun rayon
komitələrinin bacarıqlı, enerjili kadrlarla möhkəmləndirilməsi,
tibb işçiləri arasında mədəni-kütləvi tədbirlərin yaxşılaşdırıl-
ması, respublika əhalisinin tibbi və sanitariya-profilaktik
müalicəsinin yaxşılaşdırılması sahəsində fəal iştirak etmişdir.
V.Axundov 1949-1952-ci illərdə Azərbaycan SSR səhiyyə
nazirinin müavini, 1952-1953-cü illərdə isə Bakı Vilayəti
səhiyyə şöbəsinin müdiri olmuşdur. O, bu vəzifələrdə Bakı
vilayətində səhiyyə işinin yaxşılaşdırılmasında özünü işi bilən,
bacarıqlı bir rəhbər-təşkilatçı olduğnu göstərmişdir.
1953-1954-cü illərdə V.Axundov Azərbaycan KP MK-da
inzibati, ticarət-maliyyə və plan orqanları şöbəsi müdirinin
müavini vəzifəsində işləmişdir.
V.Axundov 1954-1958-ci illərdə isə Azərbaycan SSR
səhiyyə naziri vəzifəsini aparmışdır. O, Azərbaycanda səhiyyə
işinin yaxşılaşdırılması, zəhmətkeşlərin səhhətinin qorunması,
yeni-yeni tibb müəssisələrinin açılması, bacarıqlı tibb işçiləri ilə
təmin edilməsi, xəstəxana və poliklinikaların müasir tibb
avadanlıqları ilə təmin olunmaları üçün xeyli səy göstərmişdir.
O, 1958-ci il fevralında Azərbaycan KP MK katiblərindən
biri seçilmiş, bir qədərdən sonra – 1958-ci ilin iyulunda isə
Azərbaycan SSR Nazirlər Sovetinin sədri vəzifəsinə təyin
edilmişdir. O, bu məsul dövlət vəzifəsində 1959-cu ilin iyuluna
qədər çalışmışdır. V.Axundov bu vəzifələrdə özünü bacarıqlı,
tələbkar, hazırlıqlı, istedadlı, işgüzar bir rəhbər işçi olduğunu
göstərmiş və Azərbaycanın hərtərəfli inkişafı sahəsində xeyli
əmək sərf etmişdir.
Getdikcə bir rəhbər işçi kimi inkişaf edən V.Y.Axundov
işgüzarlığı, təvazökarlığı, özünə və tabeliyində olanlara yüksək
tələbkarlığı və prinsipiallığı, kamil dünyagörüşlülüyü ona xalq
arasında böyük nüfuz qazandırmışdır.
87
Dostları ilə paylaş: |