76
TEYMUR İMANQULU OĞLU QULİYEV
noyabr 1937 – aprel 1953
iyul 1953 – fevral 1954
Azərbaycanın dövlət xadimlərindən
biri T.Quliyev olmuşdur. Teymur İmanqulu
oğlu Quliyev 1896-cı ildə Qaryagin (indi
Füzuli) qəzasının Cəbrayıl kəndində kəndli
ailəsində anadan olmuşdur. O, ilk təhsilini
iki sinifli kənd məktəbində almış, 1909-cu
ildə məktəbi bitirib Gürcüstanın Qori
şəhərinə gedərək seminariyaya daxil olmuş-
dur. O, dünya, rus klassiklərinin əsərləri ilə
tanış olmuş və dünyagörüşü xeyli dəyişmiş, gənc Teymurda
vətənə, xalqa xidmət etmək əhval-ruhiyyəsi yüksəlmişdir.
1914-cü ildə Qori müəllimlər seminariyasını müvəffəqiy-
yətlə bitirən T.Quliyev gənc müəllim kimi Cəbrayıl kəndinə
gəlmiş və iki sinifli kənd məktəbində müəllimlik etməyə ba-
şlamışdır. O, 1918-ci ilin ortalarına kimi müəllimlik edərək
kəndli balalarının məktəbə oxumağa cəlb olunması sahəsində
xeyli iş görmüşdür. Ailə vəziyyətinin ağırlığı onu müəllimlikdən
uzaqlaşmağa məcbur etmişdir.
1918-1919-cu illərdə T.Quliyev Culfa-Bakı dəmiryolunun
çəkilişində işləmişdir. 1919-1920-ci illərdə isə o, Cəbrayıl poç-
tunda çalışmış və burada ikinci peşə – teleqrafçı peşəsini
öyrənmişdir. Eyni zamanda o, burada inqilabi hərəkata qoşul-
muş, əvvəlcə dəmiryol fəhlələri, sonra isə əsgərlər arasında
təbliğati iş aparmışdır. Təbliğatçılıq fəaliyyəti üçün həbs ol-
unacağını hiss edən T.Quliyev gizli fəaliyyətə keçməyə məcbur
olur.
1920-1921-ci illərdə T.Quliyev əvvəllər Cəbrayıl inqilab
komitəsinin, sonralar yoxsul komitəsinin sədri, yetim uşaqlar yur-
dunun direktoru vəzifəsində çalışmışdır. O, bu vəzifələrdə
77
Cəbrayıl kəndində yoxsulları yeni hakimiyyət orqanlarını müdafiə
etməyə, onu möhkəmləndirməyə cəlb etmiş, yoxsul və kimsəsiz
uşaqları bir yerə topolayıb yetimlər evi yaratmış və onlara
hərtərəfli yardım göstərilməsi işinə xeyli əmək sərf etmişdir.
1921-1934-cü illərdə Azərbaycan Fövqəladə Komissiyası-
nın orqanlarında işləmişdir:
T.Quliyev 1921-ci ildə Qaryagin qəza komitəsinin
göstərişi ilə antisovet qüvvələrə qarşı mübarizə aparmaq üçün
Azərbaycan Fövqəladə Komissiyası müvəkkilinin köməkçisi və
siyasi bürosunun rəisi olmuşdur. O, bu zaman yeni yaranmaqda
olan hökumətin ziddinə gedən dəstələrin məhv olunmasında fəal
iştirak etmişdir.
1923-1929-cu illərdə o, Bakıda Azərbaycan Dövlət Siyasi
İdarəsində gizli şöbənin və xüsusi şöbənin rəisi vəzifələrində
çalışmışdır. O, bu vəzifələrdə işlərkən Azərbaycanın müxtəlif
rayonlarına ezam olunmuşdur. T.Quliyev antisovet qüvvələrə
qarşı mübarizə aparmış, təşkilati işlərlə məşğul olmuş, yeni –
gənc siyasi idarə işçilərinə qarşıda duran problemləri başa
salmış və dövlət işində əyintilərə, möhtəkirlərə qarşı amansız
olmağa çağırmışdır.
T.Quliyev 1929-1930-cu illərdə Azərbaycan Dövlət Siyasi
İdarəsinin Lənkəran şöbəsinin rəisi olmuş, 1930-1931-ci illərdə
isə Gəncə xüsusi əməliyyat şöbəsinin rəisi vəzifəsində
işləmişdir. O, bu dövrdə Azərbaycanda din pərdəsi altında
genişlənən hərəkatlara, kolxoz və sovxozların komsomol
təşkilatlarının yaradılması əleyhinə çıxan qolçomaqlara qarşı
aparılan mübarizədə fəal iştirak etmişdir.
Gəncə hadisələri yatırıldıqdan sonra Bakıya çağırılan
T.Quliyev 1931-1934-cü illərdə Azərbaycan Dövlət Siyasi
İdarəsinin mərkəzi aparatında iqtisadi şöbə rəisinin müavini
vəzifəsini daşımışdır.
1934-1937-ci illərdə T.Quliyev Azərbaycan SSR Ali
Məhkəməsi xüsusi kollegiyasının sədri, Azərbaycan SSR Ali
Məhkəməsinin sədri olmuşdur. O, bu illərdə respublikada məh-
78
kəmə işlərinin sistemləşdirilməsi, düzgün aparılması, qanunçu-
luğun möhkəmləndirilməsi və qorunması sahəsində böyük işlər
görmüş və hər cür qanun pozanlara, əliəyrilərə, dövlət mülkiy-
yətini mənimsəyənlərə qarqı amansız mübarizə aparmışdır. Belə
fəaliyyətinə görə o, «Fəxri çekist» nişanı və döyüş silahı ilə təltif
edilmişdir.
Azərbaycan SSR Mərkəzi İcraiyyə Komitəsinin rəyasət
heyətinin 1937-ci il 3 noyabr tarixli qərarı ilə T.Quliyev
Azərbaycan SSR XKS sədri təyin edilmişdir. Qərarı MİK
sədrinin vəzifəsini icra edən M.Qasımov və katibi
M.Şəmsəddinski imzalamışlar.
1937-1954-cü illərdə T.Quliyev respublikanın ən yüksək
vəzifələrindən birində – Azərbaycan SSR Xalq Komissarları
Sovetinin (sonralar Nazirlər Sovetinin) sədri vəzifəsində çalış-
mışdır. O, bu məsul vəzifədə özünün tükənməz qüvvəsini
Azərbaycanın sənaye və kənd təsərrüfatının, elm və
mədəniyyətinin inkişaf etməsi, qabaqcıl respublikaya çevrilməsi
işinə sərf etmişdir.
T.Quliyevin sədrlik etdiyi Azərbaycan SSR hökuməti
Böyük Vətən müharibəsi illərində alman faşist işğalçıları
üzərində qələbə üçün döyüşən cəbhənin lazım olan hər şeylə
fasiləsiz təmin olunması uğrunda zəhmətkeşləri gərgin və çətin
mübarizəyə qaldırmışdır.
Azərbaycan xalqının təsərrüfatın və mədəniyyətin bütün
sahələrinin inkişafında və müvəffəqiyyətlər qazanmasında re-
spublika Nazirlər Soveti və ona sədrlik etmiş T.Quliyevin
xidmətləri böyük olmuşdur.
O, SSRİ Ali Sovetinin ikinci sessiyasının 1951-ci il martın
8-də ikinci iclasındakı
çıxışında Azərbaycanın
müvəffəqiyyətlərindən danışaraq demişdir: «Ölkəmizin başqa
xalqları kimi Azərbaycan xalqı da var qüvvəsilə… respublikada
xalq təsərrüfatının və mədəniyyətin bütün sahələrini daha da
inkişaf etdirməyə çalışır… Azərbaycan neftçiləri dənizdəki yeni
79
Dostları ilə paylaş: |