zavodların, elektrik stansiyalarının Azərbaycanın müxtəlif
rayonlarında tikilməsi, şəhər və kəndlərin planlı qaydada abad-
laşdırılması sahələrinə kapital qoyulması, yeni tikilən
müəssisələrin bacarıqlı kadrlarla təmin olunması işinə xeyli fikir
vermişdir.
Azərbaycan KP MK-nın birinci katibi H.Ə.Əliyevin tövsi-
yəsi ilə Ə.İbrahimov 1970-1981-ci illərdə Azərbaycan SSR
Nazirlər Sovetinə sədrlik etmiş və SSRİ Nazirlər Sovetinin üzvü
olmuşdur. Artıq təcrübəli və bacarıqlı təşkilatçı kimi özünü
göstərmiş Ə.İbrahimov respublikanın bu məsul vəzifəsində
Azərbaycan sənayesinin, iqtisadiyyatının, mədəniyyətinin
hərtərəfli inkişaf etməsi işində var qüvvəsi ilə çalışmış, böyük
əmək sərf etmişdir.
Ə.İbrahimov 1981-ci ilin yanvarında öz xahişi ilə İttifaq
əhəmiyyətli pensiyaya getdiyi üçün Azərbaycan SSR Nazirlər
Soveti sədri vəzifəsindən çıxmışdır. H.Əliyevin imzaladığı,
1981-ci il yanvarın 16-da Azərbaycan KP MK-nın çıxardığı
qərarda yazılır: «Ə.İ.İbrahimovun pensiyaya getməsi ilə
əlaqədar Azərbaycan SSR Nazirlər Sovetinin sədri vəzifəsindən
azad edilməsi haqqında xahişini yerinə yetirmək».
Ə.İbrahimov dəfələrlə Azərbaycan KP MK və Sov. İKP
MK üzvlüyünə namizəd, Azərbaycan KP MK və bürosunun,
Azərbaycan Ali Soveti rəyasət heyətinin üzvü, plenum, konfrans
və qurultayların nümayəndəsi, SSRİ və Azərbaycan SSR Ali
Sovetinin deputatı seçilmiş və sessiyaların işində iştirak etmişdir.
Ə.İbrahimovun əmək fəaliyyəti dövlət tərəfindən yüksək
qiymətləndirilmişdir. O, 3 dəfə Lenin ordeni, 3 dəfə Qırmızı
Əmək Bayrağı ordeqi və müxtəlif medallarla təltif edilmişdir.
Ə.İbrahimov 1990-cı il fevralın 15-də Bakı şəhərində vəfat
etmişdir.
* * *
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.77, iş 1224.
- Azərbaycan Sovet Ensiklopediyası. C.IV. Bakı, 1980.
104
- Azərbaycan SSR Ali Sovetinin deputatları. Onuncu
çağırış. Bakı, 1982.
105
HƏSƏN NEYMƏT OĞLU SEYİDOV
yanvar 1981 – yanvar 1989
Azərbaycanın siyasi və dövlət xadim-
lərindən biri H.Seyidov olmuşdur.
Həsən Neymət oğlu Seyidov 1932-ci il
avqustun 16-da Gürcüstan Respublikasının
Marneuli rayonunun Qaçağan kəndində orta-
bab kəndli ailəsində anadan olmuşdur. O,
1951-ci ildə kənd orta məktəbini bitirib
Bakıya gəlmişdir.
H.Seyidov 1951-ci ildə Ç.İldırım adına
Azərbaycan Politexnik İnstitununun mexanika fakultəsinə daxil
olmuşdur. 1956-cı ildə institutu müvəffəqiyyətlə bitirən
H.Seyidov Bakı şəhərindəki l.Şmidt adına maşınqayırma
zavoduna işə göndərilir. O, bu zavodda 1956-1965-ci illərdə usta
köməkçisi, böyük mühəndis-texnoloq, növbə, sahə rəisi, zavodun
baş mühəndisinin müavini işləmişdir. Bu vəzifələrdə özünü
çalışqan, istehsalat təşəbbüsləri irəli sürən işçi, fəal ictimaiyyətçi
kimi göstərmişdir. Zavod işçilərinin və rəhbər dairələrin nüfuzunu
qazanmış H.Seyidov zavoda direktor təyin edilmişdir. O, 1965-
1971-ci illərdə l.Şmidt adına maşınqayırma zavodunun direktoru
olmuşdur. H.Seyidov direktor olduğu ilk gündən zavodda birinci
növbədə nizam-intizamın möhkəmlənməsinə, istehsalatın
təmərküzləşdirilməsinə, yeni-yeni neft avadanlıqlarının və qazıma
dəzgahlarının istehsalının artırılmasına, keyfiyyətlərinin yaxşılaş-
dırılmasına, dünya standartlarına uyğunlaşmasına xeyli fikir
vermişdir. O, zavodun ölkə miqyasında maşınqayırma
müəssisələri arasında qabaqcıllar sırasında adının çəkilməsinə
nail olmuşdur.
Özünü bacarıqlı istehsalat rəhbəri kimi göstərən H.Seyi-
dov 1971-1981-ci illərdə Azərbaycan KP MK-nın əvvəlcə
sənaye-nəqliyyat şöbəsinin müdiri, sonralar isə Azərbaycan KP
MK katibi vəzifələrində çalışmışdır. O, bu vəzifələrdə sənaye
sahəsini bilən bir mütəxəssis kimi MK-nın sənaye problemləri
106
ilə məşğul olmuş və Azərbaycan sənayesinin müxtəlif sahələri-
nin hərtərəfli inkişaf etməsinə, yeni texnika və texnologiyanın
istehsalata tətbiq olunmasına, Sumqayıt, Daşkəsən, Əli Bayram-
lıda müxtəlif sənaye müəssisələrinin tikilib istifadəyə
verilməsinə səylə çalışmışdır.
H.Əliyevin tövsiyəsi əsasında H.Seyidov 1981-1989-cu
illərdə Azərbaycan Nazirlər Sovetinin sədri olmuşdur. O, baş
nazir kimi Azərbaycan xalq təsərrüfatının daha da tərəqqi
etməsi, şəhər və kəndlərinin abadlaşdırılması, respublika zəh-
mətkeşlərinin maddi rifahının yaxşılaşdırılması, sənaye və kənd
təsərrüfatı məhsulları istehsalı sahəsində qarşısında duran dövlət
tapşırıqlarının yerinə yetirilməsi işinə xeyli əmək sərf etmişdir.
H.Seyidov 1989-2004-cü illərdə «Azərinkom» informasiya-
kommersiya birliyinin rəhbəri olmuşdur.
H.Seyidov dəfələrlə Azərbaycan KP MK-nın plenum, kon-
frans, qurultaylarının nümayəndəsi seçilmiş, Azərbaycan KP
MK üzvlüyünə namizəd, üzv, Sov. İKP MK üzvlüyünə namizəd
seçilmişdir. SSRİ, Azərbaycan SSR Ali Sovetinin deputatı,
Azərbaycan Ali Soveti rəyasət heyətinin və SSRİ Nazirlər
Sovetinin üzvü olmuşdur.
H.Seyidov Lenin ordeni, iki dəfə Qırmızı Əmək Bayrağı
ordeni və müxtəlif medallarla təltif olunmuşdur.
H.Seyidov 2004-cü il dekabrın 8-də vəfat etmiş və Fəxri
xiyabanda dəfn olunmuşdur.
* * *
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.61, iş 48; f.1, siy.62, iş 138;
f.1, siy.68, iş 362.
- Azərbaycan Sovet Ensiklopediyası. C.VIII. Bakı, 1984.
- Azərbaycan SSR Ali Sovetinin deputatları. Səkkizinci
çağırış. Bakı, 1973.
- Azərbaycan SSR Ali Sovetinin deputatları. Onuncu
çağırış. Bakı, 1982.
- «Azərbaycan» qəz., 2004, 9 dekabr, №285.
107
Dostları ilə paylaş: |