baxışları və fəaliyyəti» mövzusunda dissertasiya müdafiə etmiş və
ona tarix elmləri namizədi elmi dərəcəsi verilmişdir.
2004-cü ilin sentyabrından H.Həsənov Azərbaycanın
Macarıstanda fövqəladə və səlahiyyətli səfiridir. Azərbaycan
Respublikasının Prezidenti İ.Əliyevin 2004-cü il sentyabrın 1-də
imzaladığı sərəncamında oxuyuruq: «Həsən Əziz oğlu Həsənov
Azərbaycan Respublikasının Macarıstan Respublikasında fövqə-
ladə və səlahiyyətli səfiri təyin edilsin».
H.Həsənov bir çox orden və medallarla təltif edilmişdir.
* * *
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.68, iş 31; siy.85, iş 57; f.2,
siy.25, iş 310.
- Azərbaycan beynəlxalq aləmdə. I-IV c. Bakı, 1996-1999.
- Azərbaycan Respublikası Ali Sovetinin məlumatı. Bakı,
1993-1995.
- Azərbaycanda kim-kimdir? Sorğu-məlumat kitabı. Bakı.
Azərbaycan Ensiklopediyası NPB, 1999.
- «Azərbaycan» qəz., 1992-2002.
- «Baku» qaz., 1990, 29 ənvarə, №16.
- Vstuplenie premğer-ministra Azerbaydjanskoy
Respubliki Qasana Qasanova v Evropeyskom Parlamente.
Brösselğ, 18 fevralə, 1992 q.
- «Kommunist» qəz., 1975-1988.
- Həsənov Ə. Azərbaycanın ABŞ və Avropa dövlətləri ilə
münasibətləri (1991-1996). Bakı, 2000.
- Həsənov H. Nəriman Nərimanov – milli təmayüllü
kommunist. Bakı, 2004.
- Qasımov M. Azərbaycan beynəlxalq münasibətlər
sistemində (1991-1995-ci illər). Bakı, 1996.
- Qasımov M. Azərbaycanın xarici siyasəti (konsepsiya
məsələləri). Bakı, 1997.
- Qasımlı M., Hüseynova E. Azərbaycanın xarici işlər
nazirləri. Bakı, 2003.
116
- Musayev M. Azərbaycanlı deputatlar SSRİ
parlamentində (1938-1988). Bakı, 2000.
- Həsənov H. (Əzizoğlu). Brüsseldən məktublar. Bakı,
2003.
- «XXI əsr. Dirçəliş» jurnalı, 1993, №1.
- «Respublika» qəz., 2004, 2 sentyabr, №203.
117
RƏHİM ƏLİHÜSEYN OĞLU HÜSEYNOV
may 1992 – yanvar 1993
Azərbaycan xalq təsərrüfatının,
ümumiyyətlə, iqtisadiyyatının hərtərəfli
inkişafında mühüm rol oynayanlardan,
işgüzar və bacarıqlı dövlət xadimlərindən
söz düşəndə R.Hüseynovun adı xüsusi
hörmətlə çəkilir.
Rəhim Əlihüseyn oğlu Hüseyqov 1936-
cı il aprelin 5-də Bakı şəhərində ziyalı bir
ailədə doğulub boya-başa çatmışdır. 1943-cü
ildə Lənkəran şəhərində birinci sinfə daxil olmuş R.Hüseynov
1953-cü ildə Bakı şəhərində orta məktəbi müvəffəqiyyətlə
bitirmişdir. O, təhsilini davam etdirmək üçün Moskvaya gedir.
Burada Azərbaycanda çox nadir bir peşə sayılan polad istehsalı
sahəsində mütəxəssis olmaq üçün 1953-cü ildə Moskva Polad
İnstitutuna daxil olur. R.Hüseynov tələbəlik illərində biliyini
zənginləşdirmək məqsədilə qara və əlvan metallurgiyaya aid
çoxlu ədəbiyyat oxuyur. O, bu sahədə biliyi ilə tələbələr
içərisində fərqlənir və müəllimlərin hörmətini qazanır. 1959-cu
ildə Moskva Polad İnstitutunu metallurq-mühəndis kimi bitirən
R.Hüseynov vətənə qayıdaraq Azərbaycan Boru-Prokat
zavodunda əmək fəaliyyətinə başlayır. 1959-1962-ci illərdə
R.Hüseynov bu zavodda əvvəl usta köməkçisi, sonralar isə boru-
prokat sexində usta, sexin baş texnoloqu, rəisi vəzifələrində
çalışmış və gənc olmasına baxmayaraq, öhdəsinə düşən vəzifələri
bacarıqla yerinə yetirmiş, özünü bu sahəni bilən bir mütəxəssis
kimi təsdiq etmişdir.
R.Hüseynov 1962-1965-ci illərdə Azərbaycan SSR Dövlət
Plan Komitəsində baş mütəxəssis, şöbə rəisi vəzifələrində
çalışmış, respublika sənayenin və kənd təsərrüfatının planlaşdı-
rılmasında, əlaqələrinin planlı aparılmasında, iqtisadiyyatının
inkişaf etməsində xeyli əmək sərf etmiş və artıq Azərbaycanda
mütəxəssis-iqtsiadçı kimi tanınmağa başlamışdır.
118
1964-1965-ci illərdə SSRİ məkanında xalq təsərrüfatının
müxtəlif sahələrini daha da inkişaf və təkmilləşdirmək məqsədi
ilə idarəçilik strukturunda bir sıra dəyişikliklər baş vermişdir.
Bir sıra idarələr, istehsalat müəssisələri, komitələr, nazirliklər
dəyişilmiş, ləğv edilmiş və yeniləri yaradılmışdır. Bu
dəyişikliklər özünü Azərbaycanda da göstərmişdir. Bu dövrdə
Azərbaycanda bir sıra komitə və nazirliklərlə yanaşı Baş Maddi-
Texniki Təchizat İdarəsi də təşkil olunmuşdur.
R.Hüseynov 1965-1974-cü illərdə Baş Maddi-Texniki
Təchizat İdarəsi rəisinin müavini, 1974-1989-cu illərdə isə
Respublika Dövlət Maddi-Texniki Təchizat Komitəsinin sədri
vəzifələrində çalışmışdır. O, bu vəzifələrdə 24 il işləyərək
Azərbaycanın hərtərəfli inkişaf etməsi, sənayenin, kənd
təsərrüfatının, elm və mədəniyyətin, maarif və incəsənətin yeni
avadanlıqla və texnika ilə təmini, onların istehsalata tətbiqi,
Bakı ilə yanaşı Sumqayıt, Gəncə, Mingəçevir, Əli Bayramlı və
b. şəhər və kəndlərdə tikinti-abadlıq işlərinin aparılması, yeni-
yeni müəssisələr salınması və onların lazımi avadanlıqlarla
təchiz olunması işində xeyli əmək sərf etmişdir.
1989-1992-ci illərdə R.Hüseynov Azərbaycan Dövlət Plan
Komitəsinin sədri və Azərbaycan SSR Nazirlər Soveti sədrinin
birinci müavini olmuşdur. O, bu vəzifədə də öz iş ənənələrinə
sadiq qalaraq respublikada ictimai və siyasi vəziyyətin ağır
olmasına, iqtisadiyyatın və təsərrüfatın dağılmağa başlanmasına
baxmayaraq, qarşısını almağa, iqtisadi-sosial və xalq təsərrüfatı
problemləri düzgün istiqamətləndirməyə, erməni təcavüzünün
qarşısını almağa səy göstərmiş və Plan Komitəsinin işinin
səmərəli aparılması üçün respublikada təcrübəli, bacarıqlı
iqtisadçıları komitəyə cəlb etmişdir.
Azərbaycan müstəqillik əldə etdikdən sonra R.Hüseynov
Dövlət Plan Komitəsinin beynəlxalq əlaqələrinin yaradılmasına,
Azərbaycanın bir müstəqil dövlət kimi tanınmasına, güclü
iqtisadi potensiala malik olduğunu nümayiş etdirməyə də səy
göstərmişdir.
119
Dostları ilə paylaş: |