50
1992-ci il iyunun 7-də Azərbaycan Respublikası Prezidentliyinə seçkilər keçirildi. Respublikanın
Prezidenti Azərbaycanın Xalq Cəbhəsinin sədri Əbülfəz Elçibəy oldu.
Siyasi böhranın dərinləĢməsi. Xalq Cəbhəsinin hakimiyyəti ələ keçirməsi bu təşkilatın daxildən
parçalanmasını və zəifləməsini daha da sürətləndirdi. AXC fəlakətinin əsas səbəbi xalqın rifahı naminə
cəmiyyəti yeniləşdirmək yollarını göstərən konstruktiv proqramın olmaması, əsasən, populistlərə
arxalanıb, ağıllı siyasətçiləri, aparıcı ziyalıları özündən uzaqlaşdırması idi.
Bu zaman siyasət səhnəsinə onlarla yeni partiya və hərəkat atılmışdı. Hələ 1991-ci ilin payızında
"Azərbaycan Qarabağa nicat cəmiyyəti", "Azərbaycan islam partiyası", "Vahid Azərbaycan uğrunda
mübarizə ittifaqı", "Azərbaycanın Gənc Sosial-Demokratik Təşkilatı", AXC yanında "Gənc Türklər
Təşkilatı", 1992-ci ilin yayında "Azərbaycan Milli İstiqlal Partiyası", "Türk Dünyası Birliyi Partiyası",
"Çağdaş Turan Partiyası" yaranmış, həmin ilin payızında "Müsavat" partiyasının bərpa qurultayı
keçirilmiş, "Yeni Azərbaycan Partiyası" təşkil edilmiş, "Boz Qurd" partiyası fəaliyyətə başlamışdı. 1993-
cü ilin yayında "Azərbaycan Demokratik İstiqlal", "Azərbaycan Xalqlarının Bərabərliyi" partiyaları təşkil
olunmuşdu.
1993-cü ilin ortalarında respublikada 30-a qədər siyasi partiya, cəmiyyət və hərəkat fəaliyyət
göstərirdi. Onların arasında xaricdəki soydaşlarla mədəni əlaqələr - "Vətən" cəmiyyəti, Azərbaycan
Mədəniyyət Fondu, "İnkişaf assosiasiyası, xüsusən onun Z.Tağıyev adına xeyriyyə fondu, "Bakılı"
cəmiyyəti, "Bakı incəsənət mərkəzi" və b. seçilirdi. Milli azlıqların ictimai-mədəni-siyasi təşkilatları, o
cümlədən "Rus" icması, "Sodrujestvo" cəmiyyəti, "Slavyan Mədəniyyət mərkəzi", "Samur" ləzgi milli
mərkəzi, "Avar cəmiyyəti", kürd, tat, tatar, talış və s. icmaları, habelə müxtəlif dini icmalar formalaşmağa
başladı.
1992-ci ilin fevralında Azərbaycan Həmkarlar İttifaqları Konfederasiyası təsis edildi.
Əhalinin təşkilatlanma tələbinin yüksəldiyi belə bir dövrdə meydana gəlmiş siyasi qüvvələrin
marağını nəzərə almamaq AXC-Müsavat cütlüyünün ciddi qüsuru idi.
Xalq Cəbhəsi-Müsavat hakimiyyəti dövründə respublikada siyasi və iqtisadi böhran dərinləşdi.
İdarəçilik işinə əsasən təcrübəsiz, siyasi cəhətdən qeyri-yetkin adamlar gətirildi. Dövlətçilik dağılmağa
başladı.
Hakimiyyəti ələ keçirənə qədər addımbaşı demokratiyadan dəm vuranlar rəhbərliyi müxtəlif siyasi
ambisiyalı fərasətsiz siyasətbazlara verməklə güc orqanlarına nəzarəti, demək olar ki, itirmiş, ölkədə
qanunsuzluq, hərki-hərkilik daha da dərinləşmişdi. Ən təhlükəli hal orduya rəhbərliyin əldən verilməsi
idi. Rəhim Qazıyev ordudan öz məqsədi üçün istifadə etməyə çalışırdı. Daxili işlər nazirliyini ələ
keçirmiş İsgəndər Həmidov öz tərəfdarları hesabına polisin sayını 10 min nəfərdən çox artırmışdı.
"SSRİ hərbi əmlakının bölüşdürülməsi haqqında" 1992-ci il 15 may tarixli Daşkənd müqaviləsinə
əsasən 4-cü ordunun silahlarının təhvil verilməsi Azərbaycanın ordu təchizatını nisbətən yaxşılaşdırdı.
Operativ- faktiki işlər aparıldı. Bakı Ali Ümumqoşun (1991, 17 dekabr) və Ali Hərbi Dənizçilik
məktəbləri (1992, 3 iyun) Müdafiə Nazirliyinə verilmişdi. Bakı Ali Ümumqoşun Komandirləri məktəbi
Bakı Ali Birləşmiş Komandirlər məktəbi adlandırıldı. Kiçik hərbi mütəxəssislərin hazırlanması üçün
iyunun 1-dən Goran təlim mərkəzi bazası ayrıldı.
Azərbaycan hərbi hava qüvvələri Səngəçalda yerləşən MDB aviasiya hissəsi texniki bazasında
yaradıldı. Hissənin texnikası hələ 1991-ci ilin sonlarından çıxarılmağa başlamışdı. Lakin burada xidmət
edən azərbaycanlı zabitlərin sayıqlığı sayəsində hissədə olan 9 Mİ-24 vertolyotunun hamısı respublikada
qaldı. Sonra MDB ölkələri rəhbərləri müşavirəsinin qərarına əsasən hissənin vertolyotları və texnikası
Azərbaycan Müdafiə Nazirliyinə verildi. Fevralın 20-də ilk Azərbaycan aviaeskadrilyası təşkil edildi və
həmin gün Azərbaycan tarixinə hərbi hava qüvvələri günü kimi daxil oldu. 1992-ci ilin iyununda bu
eskadrilya əsasında ilk aviapolk yaradıldı.
1992-ci il aprelin 7-də Azərbaycan Respublikası hərbi dəniz qüvvələri qərargahı, mühafizə və
təminat rotası yaradıldı.
MDB qoşunları komandanlığı hərbi dəniz qüvvələri Baş qərargahı ilə danışıqlar nəticəsində aprelin
15-də "Xəzər donanması qüvvə və vasitələrinin bir hissəsinin Azərbaycan Respublikasına verilməsi
şərtləri və prinsipləri haqqında protokol" imzalandı.
Donanmanın qüvvə və vəsaitinin 25 faizi Azərbaycan Respublikasının ixtiyarına keçdi. İyunun 26-
da "Bakı" keşikçi gəmisində Azərbaycan Respublikasının dövlət bayrağı qaldırıldı.
Lakin respublikada yenə də Müdafiə Nazirliyi strukturuna daxil olmayan müxtəlif müdafiə
komitələrinə və şuralarına aid çoxlu silahlı dəstələr fəaliyyət göstərirdi.
Düşmənin himayədarları tərəfindən daha yaxşı silahlandırılmasına, təcrübəli hərbçilərə malik
olmasına baxmayaraq, Azərbaycanın igid, qeyrətli oğulları qəhrəmancasına döyüşür, ana vətəni son
51
damla qanlarına qədər müdafiə edirdilər
.
1992-ci ildə yay hərbi əməliyyatları yeni yaranan Azərbaycan
Ordusu üçün müvəffəqiyyətli oldu.
Azərbaycan Ordusu xüsusi təyinatlı polis dəstələrinin köməyi ilə vətən torpaqlarının bir hissəsini
düşməndən təmizləyə bildi. 1992-ci il iyunun 12-də Azərbaycan Ordusu Ağdərədə irimiqyaslı hücuma
başladı. İyul- avqust aylarında Azərbaycan Ordusunun Tərtər və Ağdam bölgələrinin qəhrəman
döyüşçüləri Ağdərə rayonunu, demək olar ki, düşməndən təmizlədi. Goranboy bölgəsinin düşmən əlinə
keçmiş torpaqları tam azad edildi. Avqustun əvvəllərində erməni hərbçiləri Başkənd yaşayış
məntəqəsindən qovuldu.
Avqust ayında Azərbaycan Ordusunun cənub bölmələri də hücuma keçib ermənilərin
Xocavənddəki böyük silah və sursat anbarını partlatdılar. Hərbi hissələr iki tərəfdən hücum edib düşmən
əlinə keçmiş kəndləri azad etməyə, Ermənistanla Yuxarı Qarabağ arasındakı "dəhliz"i xeyli daraltmağa
müvəffəq olmuşdular. Düşmən ciddi müqavimət göstərir, qanlı döyüşlərdə torpaqlar, yaşayış məntəqələri
dəfələrlə əldən-ələ keçirdi.
Azərbaycan Ordusu hərbi hissələrini Yuxarı Qarabağı erməni quldurlarından təmizləmək
əməliyyatından yayındırmaq üçün Ermənistan silahlı qüvvələrinin Azərbaycan Respublikasının sərhəd
bölgələrinə etdiyi güclü hücumlar da müvəfəqiyyətlə dəf olunurdu.
Müstəqil daxili və xarici siyasət yeridən Azərbaycan Respublikasına təzyiq göstərib onu MDB-yə
qoşmaq, ordularını yenidən Azərbaycana yeritmək üçün Rusiya artıq açıqca erməni tərəfini dəstəkləməyə
başlamışdı. İmperiyapərəst dairələrin əlaltıları olan müdafiə naziri Rəhim Qazıyev və guya onu
neytrallaşdırmaq üçün prezidentin korpus komandiri və Qarabağda səlahiyyətli nümayəndə təyin etdiyi,
"Milli Qəhrəman" adı verdiyi Surət Hüseynov, hərəsi bir tərəfdən, cəbhədə təxribat işini gücləndirdilər,
ordunun müvəfəqiyyətlə gedən əməliyyatları dayandırıldı. Geriləmə başladı. Sentyabrın əvvəllərində
Ağdam cəbhəsində böyük strateji əhəmiyyəti olan Abdal-Gülablı, Paprəvənd, Çinli, Yeddixırman
yüksəklikləri xəyanət nəticəsində itirildi. Ordu quruculuğuna operativ rəhbərlik etmək üçün 1992-ci ilin
sentyabrında Müdafiə Nazirliyində yaradılmış Hərbi Şura da vəziyyəti nizamlaya bilmirdi.
Ermənistanın silahlı qüvvələri 1992-ci il dekabrın 10-da Azərbaycanın Qubadlı və Zəngilan
rayonlarına soxulub bir neçə kəndi ələ keçirdi və yandırdı. Eyni zamanda düşmən Tovuz və Gədəbəy
istiqamətində hücum etdi. Azərbaycan Ordusu və polis qoşunları onu geri oturda bildi. Cavab olaraq
Ermənistan ərazisindəki hərbi bazalar atəşə tutuldu.
Lakin düşmən öz himayədarlarının hərbi köməyi ilə yenidən güclü hücuma keçdi. 1993-cü il
fevralın 5-ə keçən gecə Yuxarı Qarabağda Ermənistan ekspedisiya korpusu Rusiyanın 7-ci ordusu 128-ci
motoatıcı alayının və muzdla tutulmuş əsgərlərin, əsasən, kazakların iştirakı ilə Ağdərə bölgəsinə hücuma
başladı. Ağdam bölgəsinin Şelli və Erki istiqaməti güclü atəşə tutuldu. Canyataq və Gülyataq kəndlərinə
düşmən həmləsi gücləndi. Bir az əvvəl Rusiya açıq şəkildə ultimativ formada Azərbaycana bildirmişdi ki,
o, ya rus qoşununun köməyindən istifadə edib MDB-yə üzv olmalı, ya da yalnız öz ordusuna
arxalanmalıdır. Azərbaycan dövləti bu təklifdən imtina etdi. Qəsbkarlar martın 10-dək Ağdərə bölgəsinin
Ağdərə şəhərinə qədər bir çox yaşayış məntəqələrini ələ keçirdilər. Martın axırlarında düşmən həm
Ermənistan, həm də Ağdərə tərəfdən Kəlbəcəri güclü atəşə tutdu. Rayonun müdafiəsi təşkil edilməmişdi,
əksinə, hərbi bölmə və texnikanın bir hissəsi rayondan çıxarılmışdı. Bu, bir tərəfdən, satqın ordu
rəhbərlərinin, ilk növbədə Surət Hüseynovun Rusiya imperiyapərəst qüvvələrinə nökərçilik etməsi, başqa
tərəfdən, respublika rəhbərliyinin Kəlbəcərə açıq-aşkar Ermənistan ərazisindən hücum ediləcəyinə
inanmamasının nəticəsi idi. Çünki Ermənistan Azərbaycana qarşı müharibə aparsa da, aşkar şəkildə bunu
etiraf etmir, müharibənin guya Dağlıq Qarabağ yaraqlıları tərəfindən aparıldığını iddia edirdi. Bu addım
Ermənistanın bilavasitə işğalçı olduğunu sübuta yetirirdi. Lakin böyük dövlətlərin hadisələrə birtərəfli,
subyektiv münasibəti və ermənilərin dünya ictimaiyyətini aldatmaq, azdırmaq sahəsində "uğurları" o
həddə çatdı ki, Ermənistan açıq-aşkar işğalçılıq addımı atmaqdan da çəkinmədi.
Aprelin 3-də Kəlbəcər düşmənin tərəfindən işğal olundu. Azərbaycan silahlı qüvvələri geri
çəkilərkən respublika rəhbərliyinin laqeydliyi üzündən əhalinin hamısını bölgədən vaxtında çıxarmaq
mümkün olmadı. 15 min nəfərə qədər sakin erməni faşistlərinin əlinə keçdi. Ermənilər işləyə bilməyən
qocaları, uşaqları yerindəcə güllələyirdilər. Evlər, müəssisələr təsərrüfatlar qarət edilir, mal-qara sürülüb
aparılırdı.
AXC-Müsavat iqtidarı, əvvəlki iqtidar kimi, səriştəsiz xarici siyasəti ilə Azərbaycanın beynəlxalq
mövqelərini daha da zəiflətdi. Doğrudur Azərbaycan Respublikası 1992-ci ilin iyununda Qara Dəniz
Hövzəsi Iqtisadi Əməkdaşlıq Birliyinin təsisçilərindən biri olmuş, 1992-ci ilin iyulunda 1975-ci il
Helsinki Yekun Aktına, 1992-ci il Helsinki sənədinə qoşulmuşdu. 1992-ci ilin yazında ATƏM-in Dağlıq
Qarabağ münaqişəsini həll etmək üçün Minsk qrupu təşkil edilmişdi. Mövcud iqtidar isə bu geosiyasi
məkanda və respublikanın sərvətlərində marağı olan bütün xarici siyasi qüvvələri nəzərə alıb, qarşılıqlı
Dostları ilə paylaş: |