Bütün türklərin tərcümanı
~
103
~
bunu hiss edən, duyan bir sıra rus şovinistləri ilk vaxtlardan
İ.Qaspiralını düşmən kimi hədəfə almış, ona «panislamist,
pantürkist» adları ilə hücum etməyə başlamışdılar.
Rusiya müsəlmanları
Dərin zəka və iti düşüncə sahibi olan İ.Qaspiralı irsini
araşdıran zaman onun fəaliyyəti, fitri istedadı, yaradıcılığının əhatə
dairəsi, məhsuldarlığı, uzaqgörənliyi, əqidə və məsləkinə sədaqəti,
yeniyə, novatorluğa tükənməz meyli, marağı, polad iradəsi,
inanılmaz cəsarəti insanı məftun edir. Bu yazıdan əvvəl –
«Baxçasaray məktubları»ndan bəhs edərkən yazmışdıq ki,
İ.Qaspiralı Rusiyadakı türk xalqlarının həyatından, xüsusi ilə rus-
türk münasibətlərindən danışarkən bir qədər ehtiyatlı mövqe tutur
və bu da təbiidir. «Rusiya müsəlmanları»nda isə bu ehtiyatlılıq
yerini tədricən tələbkar və sərt mövqeyə verir. Rus-türk
münasibətlərinin tarixinə nəzər salan publisist yazır ki, indiyə kimi
(Kulikova döyüşündən sonra) tatarların üzərində rus hökmranlığı bu
şəkildə olmuşdur: «hakim mənəm, vergimi ödə, necə istəyirsən
yaşa».
İ.Qaspiralıya görə, «bu çox bəsit, lakin son dərəcə mənasız»
siyasətdir. Əslində tatarlarla rus iqtidarı arasında münasibət necə
olmalıdır, ruslar müsəlmanlara qarşı necə davranmalıdır,
müsəlmanların ruslarla əlaqələri necə olmalıdır, rus hökuməti başqa
soydan olan müsəlmanlar üçün nə etməli və ondan nə istəməlidir?
Ruslar müsəlmanlarla eyni torpaqda, eyni qanun altında təsadüfi yol
yoldaşı kimi, qonşu kimi yaşamalıdırmı, yoxsa onlar arasında yaxın
əlaqələr qurulmalıdırmı? – kimi tarixi və taleyüklü suallara cavab
Abid Tahirli
~
104
~
axtaran Qaspiralı bu qənaətdədir ki, naibləri pristavlarla, bəylikləri
oblastlar, yaxud quberniyalarla, ipək cübbələri rus paltarları ilə
əvəzləməklə irəliləmək olmaz.
Rusların Asiyanı işğalından sonra Rus iqtidarının geniş
zaman və fəaliyyət dairəsində yalnız köləliyə son qoyduğunu təqdir
edən müəllif müsəlmanların sosial durumunun, yetişmə və yaşayış
tərzinin yaxşılaşması istiqamətində heç bir iş görülmədiyini, ölkənin
daxili siyasətinə yaxınlaşma imkanı verilmədiyini vurğulayır. Bu isə
yurddaşlarımızın kütləvi şəkildə köçünə, müdhiş cəhalətə, ölümcül
hərəkətsizliyə, yoxsullaşmaya səbəb olur. Qaspiralı bu mövzuya
dair heç bir mətbu orqanda materiala rast gəlmədiyini, halbuki
bunun çox vacib məqam olduğunu qeyd edir.
«Yarı-yarıya yıxılmış, xarab olmuş abidələr, kitabələr, toz və
kir içində olan kitablar» İ.Qaspiralının yazdığı kimi, rus
hökmranlığından əvvəl tatarların da yaza bildiklərindən, müxtəlif
elm
sahələrində
yüksək
səviyyədə
zehni
fəaliyyət
göstərdiklərindən… xəbər verir. Bu gün isə Rusiya tatarları cəsəd
kimidir. Rus iqtidarının müsəlmanların tərəqqi və mədəniyyətinə
qayğı göstərməməsini, Rusiya tatarlarının «cəsəd» kimi olan
bədəninə yeni həyat, yeni fikir, yeni bir həvəs verərək, onu
canlandırmaqda gücsüz olmasını üzüntüverici amil kimi
dəyərləndirən İ.Qaspiralı yazır ki, «mən hələ «maddi cəhətdən
işlənmiş çürümələrdən» bəhs etmirəm. Müsəlman cəmiyyətinə
hakim
olan
cəhalətin
anatomiyasını açan İ.Qaspiralı öz
soydaşlarının biganəliyini, laqeydliyini və fanatizmini qınasa da, bu
bəladan xilas olmaq üçün hökumətin də heç bir addım atmadığını
xüsusi vurğulayır və üzünü iqtidara tutur: «Bəli, mənim sevgili rus
yurddaşlarım, bizə elm və işıq gərəkdir, bu işə ciddi bir şəkildə
başlayın, bizə işıq və elm verin, işıq və elm. Əks təqdirdə, sırf
Bütün türklərin tərcümanı
~
105
~
hakimiyyəti qorumaq üçün olan hökmranlığınız, Çininkindən daha
aşağı olacaqdır». Əlbəttə, bir rus təəbəsi olan ziyalıdan bundan daha
kəskin, daha sərt və məntiqli xitabın mümkünlüyünü təsəvvür
etmək o qədər də çətin deyil…
Əslində, İ.Qaspiralı rus iqtidarını onun sadiq vətəndaşları
olan müsəlman-tatarlarla bağlı siyasətini açıq-aşkar tənqid edir. O,
yazır ki, ümumiyyətlə, Rusiya müsəlmanları ilə bağlı hökumətin
proqramı, iş prinsipi yoxdur. Krım tatarlarının kütləvi köçünün
qarşısının alınması üçün heç bir tədbir görülmədiyini qeyd edən
İ.Qaspiralı müsəlmanların təhsili üçün də aydın məqsədli siyasətin,
sənədin olmadığını göstərir. O, yazır: «Müsəlmanlar üçün məktəb
açılır, lakin şumlanmamış torpağa pis şəkildə səpilən toxumlar kimi
bu məktəblər də meyvə vermir və zaman keçdikcə iz buraxmadan
yox olub gedirlər. Digər dövlətlərin və xalqların da tarixindən və
tabeliyindən çoxsaylı misallar gətirərək hakim millətin digərini
assimilyasiya etməsinin perspektivsiz olduğunu bildirən İ.Qaspiralı
bu qənaətə gəlir: Necə ki, qarşılıqlı hörmət, bir-birinin haqqına
riayətetmə, eyni məqsəd ətrafında birləşmə ayrı-ayrı şəxslərə daha
rahat və daha asan bir yaşama imkanı verirsə, eyni şəkildə toplum
və xalqların cəmiyyət həyatı da sadəcə bu əsaslara dayanmalıdır.
Mənsub olduğu qövmün gələcək taleyini təlaşla, qayğı ilə düşünən
İ.Qaspiralı, Rusiya müsəlmanlarının bilərəkdən, ya bilməyərəkdən
cəmiyyət, dövlət həyatından tamamilə təcrid edilməsini kəskin
tənqid hədəfinə çevirir. Müsəlmanlar ruslardan xəbərsizdir, onları
tanımır, dilini bilmir, şəhərini tanımır, elmini öyrənmir, mətbuatını
izləmir. Belə olan halda müsəlman öz qaranlıq dünyasına çəkilir,
özünü qədərə təslim edirlər…
Rusiya müsəlmanlarının elmə, ədəbiyyata, mətbuata sahib
olmadıqlarını acı təəssüf hissi ilə yazan İ.Qaspiralı onların
Dostları ilə paylaş: |