74
onu yalnız dağlara aparır və bununla da öz işini başa çatdırmış olur,
daha öz əli ilə Talıb Mövlam oğlunun vaxtilə istifadə etdiyi dərman
otlarından, bitkilərdən birini də üzüb Xalisə vermir və ya göstərmir.
Bilmək olmur ki, Xalis bu xəstə qocanı yağışda, çovğunda, soyuqda
bu yerlərə nə üçün gətirmişdir; o bu yeri tuşutmaqla da işini qurtara
bilərdi. Qoca Xeyri kişi Xalisə bu yerlərdə müvəqqəti yaşamaq imkan-
larını öyrədir, onu fermaya göndərir, oradan isti-ilıq gətirtdirir və
onların köməyindən istifadə edirlər - bunu dərman bitkilərini və Möv-
lamoğlunu tanımayan başqa bir sağlam adam daha asan edə bilərdi və
Xalis də itlə canavarı qarışdırıb qorxuya düşməzdi, dumanda-çiskində
binəni qorxa-qorxa tapmaqda çətinlik çəkməzdi və onlar elə birbaşa
yaxınlıqdakı ferma binəsinə də düşə bilərdilər. Xalis bir dəfə də olsun
fikirləşmir ki, bu xərçəng xəstəliyini - bu mənfur və kəmfürsət azarı
necə yox etmək olar, hansı bitkilər bu işdə köməyə gələcəkdir, hansı
alimin nəzəriyyəsindən faydalanmaq olar və ya bəlkə babası vaxtilə
yaman şişləri elə müalicə edirmiş ki, bunlar elə əslində xərçəngin
müalicələri imiş və s. Xalis bir dəfə də olsun fikirləşmir ki, axı dost-
ları, qohumları, görkəmli adamları işinin, həyatının ən gözəl
çağlarında bu mənfur xəstəlik yarı yolda qoyur. Xalis bu barədə heç
nə fikirləşmir. Doğrudur, xeyli bitki toplayır, lakin hiss olunur ki, bu
bitkilər nə müəllifi, nə də Xalisi maraqlandırır; hiss olunur ki, əslində,
bunlar başqa bir məsələnin üstünə gəlmək üçün bəhanədir – müəllifi,
əslində, dağlar, dağlarda fermalar, binələr, qoyunçuluqla məşğul
olanlar, bu sahədə xalqın qədim ənənələri və bu ənənələrin unudul-
maqda olması, təsərrüfatsızlıq maraqlandarır. Xalis ilk günlərdən yax-
ınlıqdakı binədə çoban Xıdırın tibb institutunda oxuyan qızı ilə tanış
olub sevişir və qızın şəhərə getdiyini bildikdə işlərini yarımçıq qoyub
təcili şəhərə qayıdır.
Müəllif qollu-qanadlı və zəngin bir dil ilə dağları, dağlarda
alaçıqları, yağışı, dumanı, çiskini, halbahal olub açılıb-tutulan göyləri
təsvir edir, bu yerlərin təravətli mənzərəsini yaradır, oxucu özünü bu
yerlərdə hiss edir. Lakin yazıçının qaldırdığı ictimai problemlər
təbiətin təsviri qədər güclü deyil. Qoyunların və qoyunçuluğun
xüsusiyyətləri, çoban sənətinin sirləri və bütün bunların tədricən
zəifləməsi, unudulması, əksəriyyətin yerindən qalxan kimi şəhərə - ali
məktəbə cumması, gənclərin təsərrüfatı, heyvandarlığı və onun dədə-
baba qaydalarını öyrənməməsi yazıçının təəssüflə tənqid etdiyi
mühüm məsələlərdir. Əsərin ən gərgin, ictimai məsələlərlə yüklü yeri
bulaq başında olan söhbətdir. Bu söhbətdə əsas obrazların əksəriyyəti
iştirak edir. Əsərdəki ”Zarafatla, lağ-lağı ilə başlanan söhbət heç
75
gözlənilmədən çox ciddi şəkil almışdı, mühüm ictimai məsələlərə
toxunulmuşdu”- sözlərindən gözləmək olardı ki, indi həqiqətən
cəmiyyəti düşündürən ”mühüm ictimai məsələlərə” toxunulacaqdır.
Açıq hava, bulaq başı, kabab, bozartma və araq... Xeyri baba, çoban
Xıdır, Xalis, sovet sədri Alpaşa və müstəntiq Mürsəlov. Uzun müddət
kimin qonaqlıq verəcəyi barədə mübahisə gedir. Sonra Alpaşa Xeyri
kişiyə öz xalasını necə sırıyacağı və şəhər restoranlarının dadsız-
duzsuz xörəkləri barədə danışır. Xeyri kişi bu ”dadsız-duzsuz
xörəklər”in səbəbini kənd sovetinin sədrində görür: ”Özün
hökümətsən, amba hökümətə lazım şeyləri hazırlayıf vaxtında
verməyə barmaxarası baxırsan.” Əsas tənqid Xeyri kişinin dilindədir;
o, ağsaqqal sözü deyir, tənqid edir: ”Hər şeydə yuxarıdan göstəriş göz-
lüyürsünüz. Özünüz tapşırıqsız-filansız əlinizi ağdan-qaraya vurmaq
istəmirsiniz. Baş tapmıram, işin məsuliyyətindən qorxursunuz, ya
təsərrüfatın gedişindən xavarınız yoxdu?! Qulağınızı şəkləyif oturur-
sunuz ki, görək yuxarıdan nə buyrux gəlir. Bu gün tutalım pambıx
lazımdı, bütün işdəri unuduf pambığın dalınca qaçırsınız. Savax taxıl
istənilir, genə bu biri işdəri başdı-başına qoyuf taxılın hayına
qalırsınız.” Xeyri kişi Xıdırın timsalında nümunəvi çobanlardan söz
salır, indiki gənclərin bu sənəti dərindən öyrənmək istəmədiklərini acı-
acı qeyd edir, çobanlara qayğının azlığından, heyvanlar üçün şərait
yaradıldığı halda, ”heyvan saxlayanlara şərait yaratmağın heç yada da
salınmadığından” danışır. Halbuki yazıçının öz təsviri Xeyri kişinin
dediklərinin ziddinədir. Məsələn, əsərdə biz hələlik bir alaçıqla - ço-
ban Xıdırın alaçığı ilə tanış oluruq və buradakı şeyləri bütövlükdə
təsəvvürə gətirdikdə, bu, alaçığa yox, zəngin və bəzəkli şəhər evlərinə
oxşayır. Daha çobana nə lazımdır? Xeyri kişi nə üçün giley-güzar
edir? Həm də məlum olur ki, Xeyri kişi Xalisə bitki toplamaqda
kömək üçün yox, elə bir ağsaqqal kimi bu sözləri demək üçün
gəlmişdir - gətirilmişdir. Bu alaçığa ilk dəfə düşüb yorğun halda bərk
yuxuya gedən, sonra ayılıb başı altında tük yasdıq, üstündə adyal
görən Xalis alaçığı seyr etməyə başlayır: ”... tavana - qalın keçələr
altından faner taxtalar döşənmişdi. Torpağa bərkidilmiş ətəkləri
boyunca iri kirəmidlər düzülmüşdü. Baş tərəfdə - hərəsi bir küncdən
iki qatlama çarpayı qoyulmuşdu. Çarpayılara yorğan-döşək yığılıb
üstünə örtük çəkilmişdi. Ortaya böyük xalı döşənmişdi. Dörün bir
tərəfində yaraşıqlı, dördayaqlı radioqəbuledici, o biri tərəfində
müxtəlif cür çamadanlar, sandıqçalar yerləşmişdi. Alt yanda, qapı
tərəfdə səyyar qaz piltəsi (pilətəsi?) dururdu. Bir sözlə, bu, alaçıqdan
çox, qurulu, səliqə-sahmanlı evə oxşayırdı.” Bu son cümlə elə