dırılması və cəmiyyətdə ekoloji dünyagörüşünün forma-
laşması.
Vətəndaşların ekoloji şüuru - hamının ətraf mühitin qorun-
masına qayğı göstərməsi deməkdir. Məsələn, təkcə şəhərdə
avtomobillər atmosferə ildə 1117kq., həmçinin təkçə ABŞda
338kq. insan həyatı üçün zərərli maddələr buraxırlar.
Ekoloji böhran öz əksini qlobal problem kimi, müxtəlif
formalarda tapır. Elmi tədqiqatlarda adətən onu müəyyən etmək
üçün üç formadan istifadə edilir: çirklənmə, tarazlığın pozulması
və destruksiya.
Çirklənmə dedikdə, biz təbiətdə planetar xarakterli də-
yişmələrin əmələ gəlməsini nəzərdə tuturuq.
Tarazlığın pozulması ekosistemin özünü nizama salması
qabiliyyətinin əhəmiyyətli surətdə dəyişməsi ilə xarakterizə
edilir.
Destruksiya ekosistemin dağılmasının elə bir mərhəlsidir ki,
ya onun funksiyalarının yeniləşməsi mümkün deyildir, ya
da uzun sürən müddət ərzində insanın müəyyən cəhd
göstərməsi, qüvvətləndirilməsi tələb olunur.
İndiki şəraitdə beynəlxalq təhlükəsizlik və əməkdaşlıq
sisteminin vasitəsi ilə qlobal və beynəlmiləl xarakterli ekoloji
problemlərin həlli mümkündür. Sosial-ekoloji problem həlli cə-
miyyətin sabit inkişafı ilə bağlıdır, bu da iqtisadi, sosial, demo-
qrafik, tibbi, mənəvi-psixoloji aspektlərlə sıx əlaqədardır.
Ekoloji böhranın həll edilməsi prosesində bütün dünya eko-
loqlarının peşə etikası kodeksini fəallaşdırmaq, onları həmfikir
kimi birləşdirmək zəruridir. Onların fəaliyyətinin mənəvi
bazasını – bilik, səmərəlilik, əməkdaşlıq və məsuliyyət təşkil
etməlidir.
Bilik – hər şeydən əvvəl özündə təcrübəni və problem haq-
qında hərtərəfli məlumatlılığı əks etdirən peşəkarlıq deməkdir.
Bundan əlavə, o özündə daim təkmilləşməni, axtarışı, yeniliyi və
nəhayət – idrakı, dərketməni, fəhmi və qabağı görməni əks
etdirir.
Səmərəlilik – ən qısa vaxt ərzində maksimum nəticə əldə
225
olunması, dəqiq hesablama, məsrəflə nəticə arasında balansın
gözlənilməsi, təbii, maliyyə və insan ehtiyatlarından daha
məqsədyönlü şəkildə istifadə deməkdir.
Əməkdaşlıq – ekoloqlar və ekspertlərin öz arasında
qarşılıqlı dərketmə və inam, problemlərin birgə həlli və fəaliyyət
nəticələrinin əldə olunması deməkdir. Bu, habelə ictimaiyyətlə,
dövlət orqanları və beynəlxalq təşkilatlarla açıq və xeyirxah
qarşılıqlı əməkdaşlıq deməkdir.
Məsuliyyət - Yer Kürəsi əhalisi və xüsusən də gələcək
nəslin qarşısında:
Əməyin keyfiyyətinə və etik normalara riayət edilməsinə
görə insanların bir-biri qarşısında;
Öz öhdəliklərini yerinə yetirmək sahəsində beynəlxalq
təşkilatlar və partnyorlar qarşısında;
Təbiətdən ağılla istifadə və rifahın inkişafına görə regionlar
qarşısında;
Ümumi inkişaf naminə təbii ehtiyatlardan istifadəyə, təbiətə
və genofonda qayğıya görə ölkə qarşısında;
Regionların ekologiyasının qorunması, qarşılıqlı hörmət və
nəticələrə görə məsuliyyətlə bağlı dünya içtimaiyyəti
qarşısında.
İnsan öz-özünü böhranlı vəziyyətə salaraq, hal-hazırda sağ
qalmaq məqsədini güdür və bu vəziyyətdən çıxmaq üçün
unutmamalıdır ki, o düşünən insandır və özünün şüur və İradəsinə
arxalanmalıdır. İnsanların ekoloji şüuruna, onun inkişafına tələbat
Azərbaycan Respublikasında aktual problemdir. Belə bir şüurun
olması hər bir vətəndaşın ətraf mühitə qayğısı ilə bağlıdır. Biz
yadda saxlamalıyıq ki, bütövlükdə müasir qlobal problemlərin
mərkəzində insan, onun tələbatları və marağı, onu düşündürən
maddi və mənəvi həyatın problemləri və çətinlikləri durur.
Uzun illər ərzində təbiətin mühafizəsi problemlərinə və
təbiətin qorunması tədbirlərinə qarşı etinasız münasibət ekoloji
vəziyyətin pisləşiməsinə, havanın, torpaqların və su obyektlərinin
çirklənməsinə, əhali arasında xəstəliklərin yayılmasının artımına
gətirib çıxarmışdır. Qanunların təcrübədə həyata keçirilməsi
mexanizmi kifayət qədər təsirli deyildir. Bir çoxlarının şəxsi
226
məsuliyyətini dərk etməsi və ekoloji savadının səviyyəsi də
qənaətbəxş deyildir.
Ətraf mühitə biganə olmayan insanlar özləri də prob-
lemlərin səbəbkarına çevrilə bilərlər. Deməli, qlobal ekoloji
problemləri insanlar özləri yaradır və onlar “bumeranq” effekti
kimi insanın özünə qaytarıla bilər. Bu problemlərin kökünü biz öz
ağılsız, məsuliyyətsiz fəaliyyətimizdə, sosial və siyasi
biganəliyimizdə, təbiətə laqeyid münasibətdə, eqoizmdə
görməliyik.
Hazırda Yer Kürəsinin əhalisi 6 milyarddan artıqdır.
Hesablamalara əsasən, bu rəqəm mövcud təbii və mineral sər-
vətlərdən 3 dəfə çoxdur. Alimlərin fikrincə, əhalinin indiki artım
sürətinin dəyişməsi nəticəsində, təbii ehtiyatlar bundan sonra
insanları daha 100 il təmin edər, təbii enerji isə Yer Kürəsini hələ
100 il də qızdıra bilər. Göründüyü kimi, enerji, xammal, dünya
okeanının və kosmosun mənimsənilməsi problemləri gələcəkdə
də ciddi və aktual problem olaraq qalacaqdır. Bu isə o deməkdir
ki, tez bir zamanda təcili və təxirəsalınmaz tədbirlər görülməsə,
gələcək nəsillərimizin aqibəti sual altında qala bilər.
“Bütün dünyada qlobal təfəkkürün və sivil münasibətlərin
formalaşdığı bir dövrdə istənilən xalqın, dövlətin imici onun öz
təbiətinə, öz təbii sərvətlərinə olan münasibətlə ölçülməyə
başlamışdır. Buna görə də Azərbaycan cəmiyyətində ətraf
mühitə, təbii ekosistemlərə, həmçinin yer altı və yer üstü
sərvətlərimizə eko-etik münasibətin formalaşdırılması aktuallıq
kəsb edir”
17
. Ekoloji problemlərin qlobal, regional və lokal
səviyyələrinin koordinasiyası dünya birliyi ölkələrinin ekoloji
siyasətinin konkret nəticələr verə biləcəyinə ümid verir. O, əməli-
praktiki təsir mexanizminə malik olduğunu sübut edir, beynəlxalq
səviyyədə qurulan koordinasiya prosesində ölkəmiz də fəal iştirak
edir.
17
Bax: Qərib Məmmədov. Azərbaycanda eko-etik problemlər: elmi, hüquqi,
mənəvi aspektlər. Bakı., 2005. s. 117.
227
Dostları ilə paylaş: |