391
Hərbi-idman oyunları üzrə bir məşqin görünüşü.
8.8. Üzgüçülüyün öyrədilməsi texnikası.
Üzgüçülük fiziki tərbiyə sistemində özünəməxsus yeri olmaqla
onun digər idman növləri üzrə yüksək göstəricilər əldə edilməsində
mühüm fayda kəsb edir. Buna görə də idmanın ayrı-ayrı növləri ilə
məşq edən yüksək titullu idmançılar müntəzəm olaraq üzgüçülüklə
məşğul olurlar.
Üzgüçülüklə bir də ona görə məşğul olmaq vacibdir ki, onun
təlim əhəmiyyəti ilə yanaşı, tərbiyəvi, inkişafetdirici və insan
sağlamlığının möhkəmləndirilməsində də əvəzsiz rolu vardır. Suda
boğulanın xilas edilməsində, suda yüklərin daşınmasında, suda
maneələrin keçilməsində, silahla üzüb suda keçməkdə və sairədə çox
böyük əhəmiyyəti olan tətbiqi üzgüçülüyü də yaddan çıxarmaq olmaz.
Üzgüçülüyün digər növləri də mövcuddur ki, bunlarında həyat üçün
faydalılığını danmaq olmaz. Biz burada «Vətənin müdafiəsinə
hazıram» bədən tərbiyəsi kompleksinə daxil olan və bu sahədə sınaq
normativlərini verməyi tələb edən üzgüçülüyün həmin növlərinin
texnikasına aid bəzi məsələlərə aydınlıq gətirməyi zəruri bilirik.
VMH kompleksi normativləri idman üzgüçülük növləri üzrə də
qəbul edilir. İdman üzgüçülüyünə sinə üstə krol üzmə, arxası üstə
üzmə, brass və delfin (batterflyay) üzmə üsulları daxildir. İndi də bu
üzgüçülük üsullarının bəzilərinin qısa da olsa izahını təqdim edək,
bəzilərinin isə texnikasını əyani surətdə göstərək.
Sinə üstə krol üzmə üsulu.
Üzməyi öyrənməyə yeni başlayanlara üzgüçülüyün texnikasını
lazımi səviyyədə mənimsətməkdə bir sıra pedaqoji-psixoloji amillərə
mütləq riayət edilməlidir. Burada ilk növbədə suya alışma və suya
hazırlıq hərəkətlərinin təlimi başlıca şərtlərdən sayılır. Suyun üst
təbəqəsində sürüşmənin düzgün yerinə yetirilməsi bu vaxt bədənin
üfiqi (düz) vəziyyətdə olması xüsusən vacibdir. Bütün idman
üzgüçülük üsullarında olduğu kimi sinə üstə krol (buna sərbəst üzmə
də deyilir) üzmə üsulunda da tənəffüs etmə məşqçinin və üzməyi
öyrənməyin daima diqqət mərkəzində saxlanılmalıdır.
392
Bu mənada sinə üstə krol üzmə üsulunda nəfəs alma zamanı
başın həddən artıq qaldırılmasına yol verilməməlidir. Suda başın daha
yuxarı qaldırılması bədənin düz tutulmasını çətinləşdirir. Bu isə öz-
özlüyündə üzmənin sürətini azaldır. Üzmə dövründə gərginlik bir
qədər də yüksəlir və ehtiyac olmadan daha çox enerji sərf etmək lazım
gəlir. Bunun nəticəsində üzgüçü həm tez yorulur həm də onun üzmə
surəti aşağı düşür. Və yekunda istənilən yüksək nailiyyətlərə sahib ola
bilmir. Bədənin üzmə idman növünə uyğun düzgün surətdə də
saxlanılmadıqda həmin üzmə üsulunun texnikasının səmərəli icrasını
da xeyli çətinləşir, üzmə üçün əlverişli şərait yaranmır.
Üzgüçülüyün bütün növləri üzrə texnikanın mənimsənilməsi
demək olar ki, quruda (yamsılanır) və həm də suda həyata keçirilir.
Əvvəlcə hərəkətlər üzrə texniki elementlər yamsılanır, ümuminkişaf
etdirici və xüsusi hərəkətlər yerinə yetirilir daha sonra isə texniki
fəndlər əyaniləşdirilir. Üzgüçülüyün texnikasının təlimində 2 öyrətmə
metodundan istifadə olunur. Bura üzgüçülük üzrə texniki fəndləri
hissələrə bölərək öyrətmə, tamlıqla (bütövlükdə) öyrətmə metodları
daxildir.
İndi də sinə üstə krol üzmə üsulunda quruda və suda qıç və
qolların hərəkətlərinin öyrədilməsi texnikasını şəkillərin köməyi ilə
nümayiş etdirək.
• Gimnastika skamyasında və ya döşəmədə oturaraq qıçların
hərəkətetmə texnikasını öyrətmək (şəkil 79).
Skamyanı uzununa qoymaqla da həmin hərəkətləri yerinə
yetirmək olar.
• Əlləri hövuzun kənarına qoymaqla və ya onun kənarından
tutmaqla sinə üstə krol üsulu ilə suda qıçların hərəkət texnikasını icra
etmək (şəkil 80).
• Üz suda, baş isə qollar arasında qollar düz irəliyə olmaqla su
üzərində sürüşməklə qıçların hərəkəti (şəkil 81).
• Taxta lövhədən istifadə edilməklə həmin hərəkətin yerinə
yetirilməsi (şəkil 82).
393
Şəkil 79. şəkil 80.
Şəkil 81. şəkil 82.
• Suda oturmaqla arxası üstə krol üzməüsulunda olduğu kimi
qıçların hərəkətini yamsılamaq (şəkil 83).
Hovuzun kənar hissəsinə istinad olunmaqla bu hərəkəti yerinə
yetirmək.
• Quruda ayaq üstə durub əyilmiş vəziyyətdə qolların sudakı
hərəkət texnikasını yamsılamaq (şəkil 84). Sinə üstə krol üzmə
üsulunda olduğu kimi qolların növbə ilə fırladılması (qolların irəlidən
aşağı və arxaya və fırladılması və ilk vəziyyətə gətirilməsi).
• Qurşağa qədər suda duruş
vəziyyətindən (çənəaltı suya toxunmaq
şərti ilə) sinə üstə krol üzmə üsulunda
qolların hərəkəti (şəkil 85).
Üzü suya salmaqla sinə üstə
üzmə zamanı (tənəffüsü saxlamaqla
qıçların hərəkəti və qollarla avar
çəkmə. Həmin hərəkəti yeriməklə də
icra etmək məsləhətdir.
Şəkil 83.
• Başı döndərməklə tənəffüsün texnikası. Nəfəs vermə suda
edilir (şəkil 86).
Qolların hərəkəti ilə tənəffüsü icra etmək (nəfəs alıb nəfəs
vermə) (şəkil 87).
• Qolların və qıçların hərəkətinin tənəffüslə koordinasiyası
(uyğunlaşdırılması) (şəkil 88). Həmin hərəkətləri ilk olaraq quruda
yamsılamaq sonra isə suda həyata keçirmək məqsədəuyğundur.