172
Stress. Stress (ing. “
stress” – təzyiq, gərginlik) an-
layışı Kanada alimi Hans Selye tərəfindən irəli sü-
rülmüşdür. O, stresi hər hansı bir amilin təsirinə qarşı
orqanizmdə yaranan müdafiə refleksləri kimi müəyyən
etmişdir. Stress – güclü qıcıqların təsirindən insanda yaranan gərginlik vəziyyətidir
və bu gərginlik daha çox emosional qıcıqlara qarşı yaranır. İnsanın psixikasına edilən
istənilən təsir cavab stressi yaradır, yəni stress orqanizmin qıcıqlandırıcı amillərə
qarşı cavabıdır. Bu zaman orqanizmdə müəyyən fizioloji dəyişikliklər baş verir.
Stress yaradan amillәr. Həyatda baş verən dəyişikliklər, emosional münaqişə-
lər, qorxu, yorğunluq, fiziki zədələnmələr, havanın temperaturunun kəskin dəyiş-
məsi, səs-küy, xəstəliklər və s. stress yaradan amillərdir. Bu amillərə qarşı cavab
insanın fiziki və psixoloji vəziyyətindən, həmçinin onun bu qıcıqlara məşqetmə
dərəcəsindən asılıdır. Emosional stresslər həyat ritminin kəskin dəyişməsindən və
münaqişələrdən yaranır. İnsanda intensivliyinə görə oxşar
stresslər həm ciddi təhlü-
kədən, həm də yaradıcı müvəffəqiyyətdən baş verə bilər.
Stresin mәrhәlәlәri. Güclü stresin sağlamlığa tәsiri. Stresin 3 mərhələsini
ayırırlar: orqanizmin səfərbər edilməsi
(hәyәcan mәrhәlәsi), qıcığa qarşı
müqavimət
göstərilməsi
(uyğunlaşma mәrhәlәsi) və orqanizmin zəifləməsi
(zәiflәmә
mәrhәlәsi
).
Orqanizmin sәfәrbәr edilmәsi mәrhәlәsindә insanda ürək döyüntüsü sürətlənir,
qan təzyiqi yüksəlir, qanda adrenalinin miqdarı artır, əzələlərə çoxlu qan gəlir, həzm
prosesi zəifləyir. İnsan fövqəladə vəziyyətlərdə öz həyat və sağlamlığını xilas et-
məyə hazır olur.
Nəticədə stress amilinin təsirinə qarşı həyəcan yaranır. Bu reaksiya
orqanizmı müdafiəyə səfərbər edir.
• Statistik məlumatlara görə, ABŞ (bu ölkə ilk dəfə stress problemini
müəyyən etmişdir) əhalisi arasında 90%-i güclü stress keçirir. Onların
60%-i həftədə 1-2 dəfə, 30%-i isə hər gün stress vəziyyətinə düşür.
•
stress
A ç a r s ö z l ә r
LAYİHƏ
173
• VII fəsil •
İnsan sağlamlığına ətraf mühitin
təsiri
•
7
Qıcığa qarşı müqavimәt göstәrilmәsi mәrhәlәsindә orqanizm müqavimət göstə-
rir və nəticədə bilavasitə baş verən təhlükə zəifləyir. Bu zaman streslərin təsirini dəf
etmək üçün yüksək dərəcədə uyğunlaşma qabiliyyəti əldə edilir.
Orqanizmin zәiflәmәsi mәrhәlәsindә orqanizmin stresə qarşı müqaviməti azalır.
Proses stress
uzun müddət davam etdikdə baş verir. Bu mərhələdə əsəbilik, aydın
olmayan həyəcan, tezyorulma, qıcıqlılıq, ruh düşkünlüyü, yuxusuzluq, başağrısı və s.
kimi hallar müşahidə edilir. Lakin streslər heç də həmişə orqanizmə ziyan vurmur.
Məsələn, orta dərəcəli streslər orqanizmin daha effektiv fəaliyyətini təmin edir və
insan bədənini zəiflətmədən lazım olan məqsədə çatır. Zərərli streslər orqanizmin mü-
qavimətini zəiflədir, əhvalını pisləşdirir və xəstəliklərin inkişafına səbəb olur. Əgər
orqanizmin dəyişən funksiyası öz əvvəlki səviyyəsinə tez qayıdırsa, stress hətta faydalı
olur. Faydalı streslər orqanizmin imkanlarını səfərbər edir, onun müxtəlif xəstəliklərə
qarşı bədənin müqavimətini və orqanizmin mühitin dəyişən vəziyyətinə uyğun-
laşmasını artırır.
Uyğunluğu müəyyən edin:
– Sizin xasiyyətinizin hansı xüsusiyyətləri var?
Streslә mübarizә. İnsan streslə mübarizənin ümumi prinsiplərinə əməl edərək öz
davranışını tənzimləmək baçarığına nail olmalıdır. O, aktiv fəaliyyəti üçün faydalı
olan stresləri optimal səviyyədə saxlamağı bacarmalıdır. Bunun üçün daim öz fiziki
və psixoloji imkanlarını genişləndirməli, münaqişələrdən qaçmalıdır.
A. Münaqişəyə sövq edir
B. Münaqişəni yaranmağa
qoymur
Xasiyyətin əlamətləri:
1. Səbirli olmaq
2.
Tez əsəbiləşmək
3. Təvazökarlıq
4. Sadəlövhlük
5. Özünə tənqid ilə yanaşmaq
6.
Özünə nəzarət
7. Şübhəlilik
8. İnciklilik
9. Tez özündən çıxmaq
10. Bağışlaya bilmək
11. Xeyirxahlıq
12. Ədəbsizlik, qabalıq
13. Lovğalıq
14. Hövsələsizlik
15. Tərbiyəlilik
2
Fәaliyyәt
LAYİHƏ
174
1. Müvafiq anlayışlardan istifadә edәrәk sxemi tamamlayın:
1. Soyuq
2. Münaqişəli vəziyyət
3. Çoxlu dərman qəbul etmək
4. Yorğunluq
5. Ətraf mühitin çirklənməsi
6. Zərərli vərdişlər
7. Güclü fiziki yük
8. İsti
9. Qorxu
2. Stresin mәrhәlәlәrini xarakterizә edәn ifadәlәri ardıcıllıqla düzün vә mәrhәlәlәri
adlandırın.
a) Orqanizm stresə səbəb olan mühitin mənfi və güclü amilinə qarşı davam gətirir.
Lakin bu zaman orqanizmin digər mənfi amillərə qarşı dözümlülüyü və immuni-
teti aşağı düşür.
b) Orqanizm bu amilə qarşı dura bilmir və müxtəlif xəstəliklər meydana çıxır.
c) Stress amilinə qarşı mübarizə aparmaq üçün orqanizm bütün qüvvələrini səfərbər
edir.
1 ?
2 ?
3 ?
3. Aşağıda tәklif olunan formaların birindә öz biliklәrinizdәn, müşahidәlәrinizdәn
vә әlavә mәnbәlәrdәn istifadә edәrәk:
“Stresdən necə qorunmalı?” mövzusunda radioverilişin ssenarisini hazırlayın
“Şagird stress vəziyyətindən necə qorunsun?” mövzusunda
yeniyetmələr üçün
jurnala məqalə hazırlayın
“Stresdən müdafiə” mövzusunda reklam çarxı üçün ssenari yazın
Orqanizmin gərginliyinə səbəb olan amillər
Psixoloji: ...
Fiziki:
...
ÖYRƏNDİKLƏRİNİZİ TƏTBİQ EDİN VƏ YOXLAYIN
LAYİHƏ