Xilafət ordularının Azərbaycana gəlişi ərəfəsində burada inzibati – siyasi bölgü 319
Azərbaycan bu Şimal canişinliyində mühüm
strateji mövqe tutaraq,
imperiyaya girən yolları həm Şimalda Xəzərlərdən, həm də Qərbdə
Bizansdan qoruyurdu. Xəzərlər Arran və Azərbaycana başqalarına nisbətən
daha tez - tez basqın edirdilər. Buna görə də Sasani şahları öz sərhədlərini
möhkəmləndirməyə son dərəcə əhəmiyyət verirdilər.
“Ağvan tarixi”ndə Sasani şahlarından II Şapurun (309 - 379)
hökmranlığı zamanı xəzərlərin təqribən 350 - ci ildə Arrana basqını
haqqında anaxronik məlumat vardır:
“Külli miqdarda xəzər Çoqay qapısından keçib, bizim ölkəyə girmişdi.
Şapur Assuriya, Xorasan və Xarəzmdən saysız - hesabsız
ordu və Atrpatakan
əyalətindən çoxlu qoçaq Azəriləri, albanları və Qafqaz dağlarının vəhşi
xalqlarından 12 tayfa toplayıb bu böyük qüvvə ilə yürüşə başlayaraq, onların
qarşısına çıxdı”
9
.
Lakin xəzərlərə qarşı ciddi tədbir görən ilk İran şahı I Qubad (Kavad:
446 - 531 - ci illər) olmuşdur. Onun sərkərdələrindən biri Dinavərədək gəlib
çıxan xəzərləri təqib edərək, Cürzan (indiki Gürcüstan ərazisi) və Arranı
onlardan geri aldı. “O, Arran ölkəsinə daxil oldu və ər - Ras (Araz) adı ilə
məşhur olan çayla Şirvan arasında olan bütün torpaqları tutdu”
10
.
Bundan sonra I Qubad özü Arrana gəldi,
burada Bərdə, Beyləqan,
Qəbələ
11
, Dərbənd və Şəki şəhərlərini salıb möhkəmləndirdi (Bu məlumat
haqqında mərhum Ziya Bünyadovun xüsusi qeydinə nəzər salmağımız
maraqlıdır)
12
. Qubad Şirvandan tutmuş “Bablan” adlanan keçidə qədər çiy
kərpicdən hasar çəkməyə başladı. Bu hasarın tikintisini Qubadın oğlu I
Xosrov Ənuşirəvan (531 - 578) başa çatdırdı və daha şimala
doğru Bab əl -
Əbvab
13
şəhərini möhkəmləndirdi. Çünki, o belə hesab edirdi ki, Qafqazda
hökmranlığın təmin edilməsi öz imperiyasının rahatlığı üçün birinci şərtdir.
9
Z. Bünyadov, a. ç. ə. səh. 41
10
Bəlazuri, Fütuhil-büldan, əlyazma nüsxəsi, səh. 194; D. M. Dunlop, The History of the
Jevvich Khazars, p. 20
11
Bəlazuri, yuxarıda adı çəkilən əsərdə yazır: Qəbələyə gəldikdə isə,
bu şəhər antik dövr
tarixçilərinə görə hələ b. e. I əsrində mövcud idi.
12
Bu məlumat ilk dövrlərin ən yaxşı və mötəbər mənbələrindən biri hesab olunan əl -
Bəlazuridən götürülmüşdür.
13
Bəlazuri, eyni yerdə; Е. А. Пахомов, Краткий курс истории Азербайджана, стр. 12; М.
М. Дяконов, Оцерк истории древново Ирана, стр. 307 – 314.
Tariyel RƏSULOV
320
Ənuşirəvanın öz imperiyasını dörd böyük əyalətə böldüyünü bildirən
Təbəri qeyd edir ki, Azərbaycanın qonşusu “Xəzər
ölkəsi olmuş və bu yeri
Sul adlanan xalq tutmuşdu”
14
. Təbərinin dediyinə görə, xəzərlər
Azərbaycana soxulan zaman Ənuşirəvan onlara qalib gəldi və tutduğu on
min xəzəri ölkədə yerləşdirdi. Ənuşirəvan gələcəkdə şimaldakı cəngavərlər
tərəfindən baş verə biləcək hücumları dəf etmək üçün qalanı, Bab əl - Əbvab
(Dərbənd) şəhərini saldı. Bu şəhər Çoqa ilə birlikdə əvvəlcə Sasanilər
dövründə İranın, sonralar isə Ərəb xilafətinin şimal
sərhədlərində güclü bir
istehkam idi
15
.
“Ağvan tarixi”nin müəllifi yazır ki, Dərbənd istehkamları və qalasını
tikmək üçün “İran şahları ölkəmizi (Arranı) taqətdən saldılar. Bu qəribə
binanı tikmək üçün memarları səfərbərliyə alan və çoxlu müxtəlif material
axtarıb tapan İran şahları həmin tikinti vasitəsi ilə Qafqaz dağı ilə Şərq
(Xəzər) dənizi arasındakı keçidləri qapalı saxlayırdılar”
16
.
Qeyd etmək lazımdır ki, Bizans ilə Sasani imperiyası arasında Arranı ələ
keçirmək üstündə gedən mübarizədə təkcə siyasi deyil, iqtisadi məqsəd də
güdülürdü. Bu mübarizənin ən qızğın çağında şimaldan xəzərlər və digər
köçəri xalqlar Bizansın
köməyinə gəldilər, çünki onlar Arran və
Azərbaycanın zəngin şəhərləri hesabına varlanmağa can atırdılar.
Mənbələrdə yadellilərin basqınları dövründə Azərbaycan xalqının
dözdüyü məhrumiyyət və çəkdiyi məşəqqətlər haqqında da, müxtəlif
14
Z. Bünyadovun dəlillərinə görə Ərəb mənbələrindəki “Sul xalqı”, “Sul keçidi”, “Sul qapı-
ları”, “sərhəd vilayəti Sul”, “böyük Sul şəhəri” digər mənbələrdə olan “Çoqa (Çora)”
adının eynidir. “Ağvan tarixi”ndə adı çəkilən “Çoqa ölkəsi”, “Dərbənd yaxınlığında olan
Çoqa şəhəri” indiyədək bəzi tədqiqatcılar tərəfindən Dərbənd şəhəri ilə eyniləşdirilir.
Dərbənddən əvvəl əmələ gəlmiş Çoqa şəhəri Dərbəndin cənubunda yerləşirdi. Bu şəhərin
xarabalıqları indi Torpaqqala adlanır və Belici dəmir yol stansiyasındadır. Sul və ya Çoqa
haqqında bax: А. С. Башкиров, Изучение памятников старины Дагестана; М. Исаков,
Исчезнувший город в Дагестане; В. Г. Котович, Дагестан в III - V вв. М. И. Артамо-
нов belə hesab edir ki, sonralar şəhər Dərbənd adlanmışdır. Ancaq bu fikir Dağıstan
tarixçilərinin və arxeoloqlarının əsərlərində rədd edilir.
15
Ziya Bünyadov bu haqda yazır: Dərbəndin şimal divarında pəhləvi dilində yazılar vardır.
Bu yazılar
sübut edir ki, qalanın tikintisinə vergiləri yığan və Atrpatakan (Azərbaycan)
dövlət tikintisinin başçısı Barzinş başçılıq edirdi. Dərbənd divarının tikintisi 567- ci ildə
qurtarmışdır. Bu yazılar barədə bax: Е. А. Пахомов, К истолкованиö пехлевийских над-
писей Дербенда.
16
Е. А. Пахомов, Крупнейшые памятники сасанидской архитектуры в Закавказе, стр.
39, 40 – 43; Памятники Азербайджанского зодчества эпохи Низами, стр. 8; К. В. Тре-
вер, Оцерки…, стр 271 – 272; М. И. Артамонов, История Хазар, стр. 117 – 119.