96
dolğun şərhini, təcrübədə düzgün və hərtərəfli tətbiqini, nor-
manın məzmununa aydınlıq gətirilməsini və inzibati hüququn
əsas cəhətlərinin elmi baxımdan dərk olunmasını təmin edir.
K.S. Belski haqlı olaraq qeyd edir ki, inzibati hüquq normalarını
idarəçiliyə aid olan əsas anlayışların köməyi olmadan anlamaq
və şərh etmək mümkün deyildir.
138
İnzibati prosesdə məhkəmə hüquq normalarını təfsir
edərkən yeni inzibati hüquq norması yaratmır, normanın məz-
mununu dəyişdirmir və ləğv etmir, yalnız təfsir olunan norma-
nın məzmununu açır və onun həyata keçirilməsi qaydasını
müəyyənləşdirir. Dövlət - hakimiyyət xarakterinə malik olan bu
cür təfsir konkret olaraq hüququn tətbiqi subyektlərinə ün-
vanlanır.
İnzibati-hüquqi mübahisənin ədalətli həlli inzibati prosesdə
həyata keçirilən məhkəmə icraatının yekun mərhələsidir. Əsaslı
və ədalətli məhkəmə qərarının qəbul olunması ilə inzibati müba-
hisənin həll olunması qanunçuluğun təmininə və vətəndaşların
hüquq və maraqlarının bərpasına səbəb olur. İnzibati prosessual
qanunvericiliyə əsasən inzibati mübahisəyə baxılması nəticə-
sində qəbul olunan məhkəmə qərarında aşağıdakılar nəzərdə
tutula bilər:
- İnzibati aktın qanuna zidd olduğu və bunun nəticəsində
iddiaçının hüquqlarını pozduğu hallarda, həmçinin, inzibati akt
qəbul edilərkən inzibati icraatın inzibati orqanın qərarına təsir
edən şəkildə pozulduğu hallarda həmin inzibati aktın ləğv
edilməsi (AR İPM-in 70.1- ci maddəsi).
138
Бельский К.С. О предмете и системе науки административного права // Гос-
ударство и право, 1998, № 10, с. 2
97
- İddiaçı hər hansı öhdəliyin (vəzifənin) yerinə yetirilməsini
tələb etməyə haqlı olduğu hallarda, həmin icraat zamanı tələb
olunan öhdəliyi (vəzifəni) yerinə yetirməyə məcbur etmə (AR
İPM-in 70.3-cü maddəsi).
- İnzibati orqanın üzərinə icranın nəticələrinin aradan
qaldırılması barədə öhdəliyin qoyulması (AR İPM-in 71.1-ci
maddəsi).
- İcranın nəticələrinin aradan qaldırılması üsulu və qaydası
barədə göstərişlərin (təkliflərin) verilməsi (AR İPM-in 71.2-ci
maddəsi).
- İnzibati aktın icrasının nəticələrini aradan qaldırmaq
mümkün olmadıqda, inzibati orqan tərəfindən kompensasiyanın
ödənilməsi barədə qərar qəbul edilməsi (AR İPM-in 71.3- cü
maddəsi).
- İnzibati aktın inzibati orqanın özü tərəfindən ləğv
olunduğu və ya digər əsaslara görə qüvvədən düşdüyü hallarda,
həmin aktın etibarsız (qanunsuz) sayılması (AR İPM-in 72-ci
maddəsi).
- İnzibati orqanın üzərinə inzibati aktın qəbul edilməsi
barədə öhdəliyin qoyulması (AR İPM-in 73.1-ci maddəsi).
- İnzibati orqanın üzərinə, məhkəmənin hüquqi mövqeyini
nəzərə almaqla, iddiaçının xeyrinə müvafiq inzibati aktın qəbul
edilməsi barədə öhdəliyin qoyulması (AR İPM-in 73.2-ci
maddəsi).
Onu da qeyd etmək lazımdır ki, inzibati mübahisə üzrə
məhkəmə qərarının qəbul edilməsi faktının özü cəmiyyətdə əda-
lətin və qanunçuluğun təmini üçün kifayət etmir. Bu qərarların
çevik icra mexanizminin formalaşdırılması inzibati məhkəmə
icraatının vəzifələrinin yerinə yetirilməsində zəruri əhəmiyyətə
malikdir. Əgər vətəndaş inzibati məhkəmənin çıxardığı qərardan
98
yararlana bilmirsə onun hüquq və azadlıqlarının təmin olunması
real deyil, formal xarakter daşıyacaqdır.
Qeyd edək ki, inzibati prosessual qanunvericilikdə inzibati
orqanlara öz mülahizələrinə əsasən fəaliyyət göstərərək icranın
nəticələrini hansı üsulla aradan qaldıracaqlarını müəyyənləşdirə
bilmələri üçün diskresiyon səlahiyyətlər də verilmişdir. Fikri-
mizcə, bu qərarların icrası elə hüquqi mexanizmlərlə təmin olun-
malıdır ki, onları icra edib-etməmək inzibati orqanın müla-
hizəsindən asılı olmasın. Hüquq ədəbiyyatında haqlı olaraq gös-
tərilir ki, əgər inzibati məhkəmənin qərarlarının yerinə yetirilib
- yetirilməməsi inzibati orqanın təqdirinə aiddirsə, yaxud bu
qərarın icrası məcburi deyilsə həmin sistemdə ədalətin təmin
olunması mümkün deyildir
139
. Məhkəmə inzibati orqana müəy-
yən hərəkətlərin edilməsinin həvalə olunması barədə qərara
gəldikdə, qərarın icra üsullarını da müəyyən edərsə, daha çevik
icra mexanizminə nail olmaq olar.
Fikrimizcə, inzibati məhkəmə nəzarətinin hüdudları da
prinsipial əhəmiyyətli məsələlərdəndir. Məhkəmə nəzarətinin
real və səmərəli olması onun meyarlarından birbaşa asılıdır.
Qüvvədəki qanunvericilik məhkəmə qərarı vasitəsilə həyata
keçirilən məhkəmə nəzarətinin hüdudlarını dəqiq müəyyən-
ləşdirmişdir. Hazırda bu nəzarət çox məhdud çərçivədə həyata
keçirilərək aktın yalnız qanuniliyinin yoxlanmasını nəzərdə
tutur. İnzibati prosessual qanunvericilikdə məhkəmənin inzibati
orqanın qəbul etdiyi aktın məqsədəuyğunluğunu, səmərəliliyini
və əsaslığını yoxlamaq imkanı nəzərdə tutulmamışdır. Bu,
139
Candan T. İnsan hak və özgürlüklerinin etkin korunmasında idari yargının rolu.
İdari yargı sempozyumunun materialları. Ankara, 2009
99
inzibati məhkəmə icraatında həyata keçirilən nəzarət funksiya-
sının əsaslarının təkmilləşdirilməsi zərurətini üzə çıxarır. Çünki,
hüquqi aktların qanuniliyinə dair ümumi tələblər onun yalnız
qanuna əsaslanmaqla qəbul olunmasını deyil, həm də onu qəbul
edən subyektə, hüquqi aktın formasına, məzmununa, qəbul
olunması qaydalarına qarşı olan tələbləri də əhatə edir. Səmə-
rəlilik inzibati orqanlarının fəaliyyətində əsas şərtdir. O, bir çox
amillərdən (məqsədəuyğunluq, əsaslılıq, icranın təşkili və s.)
asılıdır. Məqsədəuyğunluq – aktın ümumi maraqlar baxımından
faydalı olmasını və onu qəbul edən inzibati orqanın mülahizəsini
deyil, ictimai faydanın əsas götürülməsini nəzərdə tutur.
Səmərəli nəzarətin düzgün müəyyənləşdirilmiş nəzarət
meyarlarından bilavasitə asılı olduğunu nəzərə alaraq hesab
edirik ki, inzibati aktların yoxlanılmasının meyarları genişlən-
dirilməli və məqsədəuyğunluq, səlahiyyət hüdudunda qəbul
edilmə, formaya riayət olunma, səmərəlilik, əsaslılıq da bu me-
yarlar sırasına daxil edilməlidir.
Aktın məqsədəuyğun olması üçün o, məsələnin mahiyyəti
üzrə kompleks həllinə yönəlməli, vaxtında qəbul olunmalı,
yönəldiyi subyektlərin təfəkkür səviyyəsini, kütlə mədəniy-
yətini, maraqların və rəylərin plüralizmini və s. nəzərə almalıdır.
Məqsədəuyğun olmayan akt səmərəsiz olmaqla yanaşı, cəmiy-
yətə böyük ziyan vura bilər. Bu baxımdan inzibati məhkəmə
icraatı çərçivəsində inzibati aktın qanunauyğunluğunun yoxlan-
ması onun qanuna əsaslanması ilə yanaşı, inzibati orqanın səla-
hiyyəti çərçivəsində, tələb olunan formaya riayət olunmaqla, qa-
nunla müəyyən olunmuş müddətdə prosessual qaydalara uyğun
şəkildə qəbul olunmasını, məqsədəuyğun və əsaslı olmasını da
ehtiva etməlidir.
Dostları ilə paylaş: |