120
müəllif bir tərəfdən mübahisənin kompleks xarakterini vurğu-
layır, digər tərəfdən isə onun münaqişə ilə qarşılıqlı əlaqəsini
forma ilə məzmun arasındakı əlaqə kimi xarakterizə edir.
Halbuki, münaqişə mübahisənin sadəcə olaraq ilkin şərti kimi
çıxış edə bilər. Beləliklə, münaqişə hüquqi anlamda mübahi-
sənin meydana çıxmasının ilkin şərti ola bilər. Lakin, bütün
inzibati mübahisələr də münaqişə bazasında inkişaf etmir.
Fikrimizcə, bütün mübahisələri münaqişə hesab etmək və
inzibati mübahisəni həmişə sosial münaqişənin növü hesab
etmək olmaz. Münaqişə tərəflərinin digər subyektlərin hərə-
kətlərinə münasibəti hüquqi çərçivədə olub inzibati hüquqi
mübahisənin yaranmasına da səbəb ola bilər, hüquqazidd
formada müəyyən ictimai təhlükəli əməldə də təzahür edə bilər.
Ədəbiyyatda münaqişə sosial subyektlərin tələbatından,
maraq və məqsədlərindən, eləcə də sosial statuslarından və
funksiyalarından irəli gələn ziddiyyətlərlə şərtlənən əks
hərəkətləri ilə xarakterizə olunan sosial qarşılıqlı əlaqələrin
tiplərindən biri kimi müəyyən olunur
178
. Akademik R.Ə.Meh-
diyev haqlı qeyd edir ki, vətəndaşların azadlıqlarını məhdud-
laşdıran, insanın fərdi muxtariyyətini, onun niyyət və tələbatının
sərbəst ifadə və təmin edilməsi imkanlarını buxovlayan və əzən
şərait yarandıqda münaqişələr meydana çıxır
179
. A.B. Zelentsov
inzibati münaqişəni xarakterizə edərkən “konstruktiv hüquqi
münaqişə” anlayışını müəyyyənləşdirir və onu inzibati müba-
hisə hesab edir
180
.
178
Социальные технологии. Толковый словарь / Отв. ред. В.Иванов. М.: Белгород: Луч -
Центр социальных технологий, 1995, с. 61
179
Mehdiyev R.Ə. Fəlsəfə: Dərs vəsaiti. Bakı: Şərq-Qərb, 2010, s. 346
180
Зеленцов А.Б. Конфликты в управлении и управление конфликтами: опыт
комплексного исследования предмета н форм административной юрисдикции.
М.: РУДИ, 2001, с. 106
121
Hesab edirik ki, münaqişə bir qayda olaraq onun sub-
yektlərinə münasibətdə konstruktiv xüsusiyyət daşıya bilməz.
Sadəcə onun inkişafının hər hansı bir mərhələsində tərəflər
mübahisənin konstruktiv həlli barədə qərara gələ bilərlər.
Hüquq haqqında mübahisənin hüquqi münaqişənin növlə-
rindən biri olmasına dair yanaşmanı dəstəkləyən İ.M.Zaytsev də
hüquq haqqında mübahisəni hüquqi münaqişə anlayışı vasitəsilə
müəyyənləşdirir və onu maddi və müvafiq prosessual hüquq
arasındakı zəruri birləşdirici həlqə kimi qiymətləndirir.
181
Müəlliflərdən N.N.Tarusina İ.M.Zaytsevin bu konsepsi-
yasındakı ziddiyyətlərə diqqət yönəldərək yazır ki, hüquq haq-
qında mübahisə tənzimləyici hüquq münasibətləri, digər tərəf-
dən isə mühafizəedici hüquq münasibətidir. O, hüquq haqqında
mübahisəni “ziddiyyət”, “münaqişə” adlandırır və hüquqi müba-
hisəni deviant (ümumqəbul olunmuş normalardan kənara çıxan)
davranışa aid edir
182
.
Fikrimizcə, N.N.Tarusinanın da mövqeyi müəyyən dərə-
cədə ziddiyyətlidir. Hesab edirik ki, hüquqi mübahisə - mümkün
hüquqauyğun davranış çərçivəsini formalaşdırır, müəyyən
edilmiş prosedur qaydalardan kənara çıxdıqda isə deviant olur.
Bu anlamda inzibati mübahisə inzibati orqanların hüquqazidd
hərəkətlərindən (aktlarından) müdafiə üçün istifadə olunan
hüquqi vasitədir. Mübahisə münaqişəli davranış forması kimi bu
halda pozitiv mühafizəedici istiqamətə malik olub, inzibati
hüquq münaqişəsinin ikili xarakterini əks etdirir.
181
Зайцев И.М. Сущность хозяйственных споров. Саратов: Изд-во Саратовского
ун-та, 1974, с. 20
182
Тарусина Н.Н. О теоретических предпосылках исследования понятия “спор
о праве” / Проблемы защиты субъективных прав и советское гражданское судо-
производство. Ярославль: Ярославский гос. ун-т, 1981, с. 65-68
122
Şübhəsiz ki, hüquqi mübahisənin yaranması münaqişəli
halın tərəflərinin faktı dərk etməsini və qiymətləndirməsini
ehtiva edir. Buna baxmayaraq hüquq haqqında mübahisəni
müəyyən psixoloji fonda ideyaların qarşıdurması kimi yox,
müəyyən prosessual normalara əsasən irəli sürülən etiraz və
tələblərin mübadiləsi kimi başa düşmək lazımdır. İnzibati
mübahisə hüquq, vəzifə, qanunla qorunan mənafelər barədə
inzibati aktların, hərəkətlərin (hərəkətsizliyin) hüquqiliyinə aid
fikir ayrılığında ifadə olunan konstruktiv hüquqi münaqişədən
irəli gələ bilər.
Hüquqi mübahisələrə “münaqişəli” yanaşma onun “maddi
və “prosessual” nəzəriyyələr çərçivəsində birmənalı şərhinin
qarşısını ala bilən inteqrativ konsepsiyanın hazırlanmasına
səbəb ola bilər. Buna görə hüquqi mübahisənin tədqiqində onun
subyektiv və obyektiv tərəflərini birgə nəzərdən keçirmək
fikrimizcə, daha məqsədəuyğundur.
Qeyd edək ki, inzibati hüquq münasibətlərinin tərəfləri
arasında yaranan istənilən narazılığı mübahisə hesab etmək
olmaz. Bu narazılıq inzibati məhkəməyə rəsmi qaydada təqdim
olunan inzibati iddiada öz əksini tapdıqda inzibati mübahisə
yaranır. Fərdlər arasındakı ünsiyyətin xüsusiyyətlərindən biri
qarşılıqlı anlayışın əldə olunması və konkret problemlərin həlli
yolunun müəyyənləşdirilməsi olduğundan mübahisə obyektiv
zərurət kimi çıxış edir. Ədəbiyyatda sosial ünsiyyətdə mübahisə
şəxsiyyətin sosiallaşma formalarından biri kimi qiymət-
ləndirilir.
183
183
Зеленцова А.Б. Административно-правовой спор: вопросы теории. M.,
2005,c.49
Dostları ilə paylaş: |