206
Portret cizgil
ri
insan kimi dəyərləndirib, onun bənzərsiz
insani məziyyətlərindən söz açıb...
Gülüşü də kədərli olan gənc rəssam elə
çəkdiyi çoxsaylı avtoportretlərində də dost-
tanışlarının sözlə “çəkdikləri” qiyafədə və
mənəvi-psixoloji tutumdadır.
Milli rəssamlığımızda ilk “Avtoportret”in
yaradıcısı olan Bəhruz bəyin həm də Tilis
rəssamlıq məktəbində əldə etdiyi ilk bilik və
bacarıqların nümayişi olan 1911-ci il portretində
ciddiliyi və dalğınlığı ilə diqqət çəkir. Sonralar
kömürlə daha kamil əsərlər yaradacaq
gənc rəssam “öz-özünə” baxışında daha
çox kompozisiyanın real və inandırıcı
alınmasına köklənib. İşıqlı çöhrəsində
yaşayıb-yaratmaq eşqi duyulan Bəhruz
bəy içində-ruhunda gəzdirdiklərini
gerçəkləşdirmək niyyətlidir. Portretdə
sınaqlarla dolu həyatda onu nələrin
gözlədiyi qabardılmasa da, onun ciddi,
tamaşaçıdan yayınan baxışlarında gizli
bir narahatçılıq duyulur...
Rəssamın üç il sonra üzünə
tuşladığı “bədii güzgü”də (1914)
görünənlərdə əvvəlki portretlə müəyyən
cizgi yaxınlığı duyulsa da, bütünlükdə
bədii tutumunda fərq duyulmaqdadır.
Kömürlə
işləməyin
incəliklərinə
bələd olan Bəhruz bəy portretdə bunu
icra sənətkarlığının incə keçidlərində
nümayiş etdirə bilmişdir. Bu dəfə də nəzərini
tamaşaçısından qaçırmağa üstünlük verən
rəssam üz cizgilərinin aydınlığında özünün
düşüncələrə bələnmiş yaşantılarına cəlbedici
bir görkəm verməyə nail olmuşdur. Düzbucaqlı
kompozisiyanı rəng həllinə görə yarıya bölən
və ağ fon-yerliklə geyimin tünd çaları arasında
təzad yaradan rəssam bununla da portretin
cizgilərinin təsirliliyini əldə etmişdir...
Bəhruz bəyin 1920-ci ildə sulu boya
ilə işlədiyi “Avtoportret” bütün mənalarda
əvvəlkilərdən fərqlənir. Hiss olunur ki, aradan
keçən altı il rəssamın həyatında duyulası
izlər buraxıb. Bunu üzünün tükü sona qədər
təmizlənməmiş çöhrəsi, onun sakitliyinə
narahatçılıq qatılmış baxışları da ifadə edir.
Başındakı araxçın, görməyə adət etdiyimiz
uzun saçların yoxluğu da rəssamın yeni portret
cizgiləridir, desək, yanılmarıq. Elə əsərin
pastelsayağı – bir qədər “dumanlı” rəng həlli,
fon-yerliyin geyimlə ahəngdar qovşağı da
Bəhruz bəy Kəngərli yaradıcılığı üçün təzədir.
Əksər kiçikölçülü əsərlərində olduğu kimi
burada da obrazın möhtəşəmliyi nə qədər
duyulan olsa da, bütünlükdə nikbinlikdən
uzaqdır...
Yuxarıda oxuduqlarınız, yəni, rəssamın
sözlə və rənglə çəkilmiş portret cizgiləri bizi
qane edəcək ədəbi-bədii tutumda olmasa da,
düşünürük ki, həyat sınaqlarına bəzən yaşına
uyğun olmayan tərzdə tab gətirən, ruhunda
gəzdirdiyi yaratmaq missiyasını yaxşı başa
düşən bir insan haqqında müəyyən təəssürat
yaradır...
Çox qəribədir ki, müasirlərinin sakit
təbiətli və azdanışan kimi dəyərləndirdikləri
Bəhruz bəy rənglərdə və cizgilərdə
gerçəkləşən sənət dünyasında kifayət qədər
sərtdir. Dünyanın gerçəkçi qavrayışını
sərt realizm prinsiplərinə bələyən rəssam,
kətanda və vərəqlərdə əyaniləşən mənzərə
və portretlərində çox inandırıcıdır. Onun
ideallaşdırmadan və şişirtmədən uzaq olan bu
əsərlərində rəssam məqsədli olaraq gerçəklikdə
gördüklərini yaşatmaq, onun daşıdığı tutumun
olduğu kimi gələcəyə ötürülməsinə meyillidir.
Elə bu səbəbdən də onun müxtəlif janrlı
əsərləri zamansızdırlar...
İnsan həyatının mənasını təbii ki, təkcə
onun uzunluğu müəyyənləşdirmir. Belə ki,
207
Portret cizgil ri
həyatda olan hər bir insanın əldə edə biləcəyi
ən böyük qazanc, onu özünün yoxluğundan
sonra da xatırladacaq əməllərə sahib olmasıdır.
Bu mənada Bəhruz bəy çox xoşbəxtdir. Belə
ki, hələ sağlığında el-obada kifayət qədər
tanınan gənc rəssam demək olar ki, milli
incəsənətimizə verdiyi töhfələrə rəğmən öz
layiqli qiymətini almışdır. Qənaətimizcə, o,
həyatı dərk edən andan nə edəcəyini bilirdi.
Onun qulağının eşitməməsi də onun üçün
maneə yox, bir sınaq idi və gənc rəssam da
bu sınaqdan şərələ çıxa bildi. Rəssamın bu
günə kimi fəth etdiyi “Bəhruz bəy Kəngərli
zirvəsi”nin əlçatmazlığı da sənətdə və
həyatda qazandıqlarının Tanrı tərəindən ona
qaytarılması kimi dəyərləndirmək olar...
Naxçıvan mənzərəsi.
211
R
ssam haqqında fikirl r
B
əhruz Kəngərli nadir istedada malik olan bir insan idi. O, Azərbaycan xalqının
professional rəssamlıq sənətində ilk rəssamdır. Onun əsərləri Azərbaycan rəssamlıq
sənətinin, mədəniyyətinin ən görkəmli nümunələrindəndir. Biz bununla fəxr etməliyik.
Fəxr etməliyik ki, Azərbaycan xalqının belə böyük istedada malik insanları olub. Hesab edirəm
ki, Azərbaycanda, o cümlədən Naxçıvanda sənətşünaslar, tədqiqatçılar Bəhruz Kəngərlinin
yaradıcılığını daha professional səviyyədə tədqiq etməli, əsərlər yazmalıdır.
HEYDƏR ƏLİYEV
Azərbaycan xalqının ümummilli lideri
T
ilisdə xüsusi rəssamlıq təhsili alan Bəhruz Kəngərlinin yaradıcılığı rus boyakarlıq
məktəbinin ənənələrini davam etdirən mühitdə formalaşsa da, o, tamamilə milli ruhda və
üslubda yaratmış, milli rəssamlığın inkişafında özünəməxsus rol oynamışdır. Xəlqilik və
insanpərvərlik, realizm və Vətənə sonsuz məhəbbət Kəngərli yaradıcılığının əsasını təşkil edir.
VASİF TALIBOV
Naxçıvan Muxtar Respublikası Ali Məclisinin sədri
Q
üvvətli bir istedad sahibi olan Bəhruz Kəngərli də (1892-1922) realist rəssam idi. O,
Azərbaycanda ilk dəfə olaraq realist mənzərələr yaratmışdır. Onun əsərlərində yerli
kolorit güclüdür. Rəssamın “Qaçqınlar”, “Yatmış uşaqlar” adlı təsvirləri çox mənalı və
qiymətlidir.
MİR CƏLAL
Əməkdar elm xadimi, professor
R¬ssam haqq�nda fikirl¬r