12 ______________________________________ Giriş
xalqın folkloru xüsusi əhəmiyyət kəsb edir.
Biz «azərbaycanca danışan xalq» terminini təsadüfı
işlətmirik. Başda «Böyük Sovet Ensiklopediyası» (277,
277), «Sovet Ensiklopediya lüğəti» (296, 26) olmaqla,
keçmiş Sovet və əcnəbi mənbələr İraqda azərbaycanlıların
yaşadığını göstərirlər.
Görkəmli türkoloq Karl Menqes «Türk
dilləri və türk
xalqları» kitabında yazır: «Azərbaycanlılar həmçinin
İraqın şimalında da yaşayırlar. Sayları 100 mindən
artıqdır» (351, 12-13).
Türkiyəli tədqiqatçı, prof. Cəlal Ərtuq isə bu
münasibətlə yazmışdır: «Ərbil və Kərkük vilayətlərində bu
gün iki milyon yarım türkmən-azəri yaşamaqdadır (358
a
, 8).
Demək lazımdır ki, onlar toplu halda əsasən
Kərkük
vilayətində: Kərkük şəhərində, Tuz Xurmatu (qəza), Altun
Körpü (nahiyə), Təzə Xurrnatu (nahiyə), Badava, Bəşir,
Böyük Hasar, Bilava Qarabulaq, Qızılyar, Yaycı, Yarvoli,
Yengicə, Kərküz, Kümbətlər, Leylan,
Ömər Məndən, Tərcil,
Gögtəppə, Tisin, Toxmaxlı, Türkalan, Çardaxlı və eləcə də
«Bayat köyləri» sahəsi adlanan və 64 kəndi əhatə edən Kifri
(qəza), Qərətəppə (nahiyə), Daquq (nahiyə), Abud, Cambur,
Birauçılı, Bastamlı, Qalxanlı, Qaranaz, Əmirli, Əski Kifri,
Zəngili, Yeşiltəpə, Kəhriz, Kingirban, Kötəburun, Laqum,
Aştökən, Pirəhməd, Səyyad, Süleyman bəg (Muratlı), Tel
Mənzil, Üştəpə, Xasadarlı, Hasarlı, Cabarlı kimi şəhər,
rayon, qəsəbə və kəndlərdə yaşayır. Bundan əlavə, Diyala
vilayətinin Xanaqin (qəza), Şahraban (qəza),
Dəlli Abbas
(nahiyə), Məndəli (nahiyə), Qarağan, Qizlarbat, Qizilca,
Susuzbulaq kəndlərində, Ərbil vilayətinin mərkəzi Ərbil
şəhərində, Mosul vilayətinin Tiləfər qəzasında, Mosul
şəhərində və ölkənin paytaxtı
Кərкüк folklorunun janrları_______________________ 13
Bağdad şəhərində yaşayırlar.
Demək lazımdır ki, vaxtaşırı ölkədə inzibati-ərazi
bölgüsündə dəyişikliklər edilir. Məsələn, əvvəllər Kərkük
vilayətinə daxil olan Tuz Xurmatu qəzası indi yeni təşkil
edilmiş Salahəddin vilayətinə, Kifri qəzası isə Diyalə
vilayətinə qatılmışdır. Bir qism kəndlər isə ya ləğv olunub,
ya da başqa kəndlərlə birləşdirilib.
Bəzi tədqiqatçılar türkmanlar
yaşayan ərazilərin
ərəblər yaşayan ərazilərə qatılmasının siyasi məqsəd
güddüyünü qeyd edirlər (356
a
, 17).
Keçmişdə olduğu kimi, onlar özlərini də, bizi də
«türkman» adlandırırlar (73, 27; 74, 8; 211, 6).
Demək vacibdir ki, Atabəylər, Qaraqoyunlular,
Ağqoyıunlular, Səfəvilər dövründə və sonralar da geniş
mənada işlənən «türkman»
etnonimi indiki mənadan
fərqlənir. Məhz buna görədir ki, prof. Ə.Dəmirçizadə
«Azəri ədəbi dili tarixi» kitabında yazmışdır: «O dövrlərdə
«türkman» etnonimi indiki mənadan bir qədər fərqli iş-
lənmiş, hətta indiki Bağdad ətrafındakı azərilərin türkman
adlanmaları da bu sözün əvvəlki mənası ilə əlaqədardır»
(89, 72).
Başqa məxəzlərə
nəzər saldıqda professor
Ə.Dəmirçizadənin bu fikrinin tamamilə doğru olduğu
aşkara çıxır.
V.Bartold «Kitabi-Dədə Qorqud»un «Qafqaz
türkmanlan»na - azərbaycanlılara məxsus
olduğundan söz
açır (136, 6).
Tarixdən məlumdur ki, Şəmsəddin Eldəniz
Azərbaycan və İraqın taxt-tacına sahib olduqdan sonra
«bütün böyük hökmdarları əzdi və çoxlarını özünə tabe
etdi. Türkmənlərin qiyamçı başçılarını tamamilə
darmadağın etdi»(186, 17; 59, 45).
14 G ir i ş
Şairlərimizdən Nəsimi və Xətainin yaradıcılığında da
bu terminə təsadüf edilir:
Ərəbin nitqi bağlandı dilindən
Səni kimdir deyən kim, türkmansan?
(Nəsimi)
Getdikcə tükənir ərəbin kuhi-məskəni
Bağdad içrə hər necə kim türkman qonar.
(Xətai)
İngilis tarixçisi S.Lonqriq isə göstərir ki, Şah İsmayıl
Şirvanı tutduqdan sonra Naxçıvan yaxınlığındakı vuruşda
türkmanları birdəfəlik darmadağın etdi (349, 16).
Kərküklü tədqiqatçı Əta Tərzibaşının araşdırmalarında
da «türkman» etnoniminə sıx-sıx rast gəlirik.
Görkəmli
folklorşünas alim yazır ki, xoyratın (bayatı) kökləri İraqda
türkmanların yaşadığı bölgələrdə meydana çıxmış, Ağ-
qoyunlu və Qaraqoyunlu Türkman dövlətləri zamanı
inkişaf edərək sonralar İraqdan Türkiyəyə, İranın quzeyinə,
xüsusən də əhalisi türkman olan Təbrizə və eləcə də Azəri
və ya Azərbaycan deyə adlandırılan və türkmanlardan
ibarət Azərbaycan torpaqlarına yayılmışdır (74, 8; 197,
203).
Ziya Bünyadovun «Azərbaycan Atabəylər dövləti»
kitabında da «türkman» etnonimi ilə bağlı bir çox bilgilər
vardır. Kitabda göstərilir ki, III Toğrul dayısı Qızıl Arslana
qarşı çixır. Qızıl Arslan III Toğralun və İzzəddin Həsənin
türkmanlardan ibarət ordusunu darmadağın edir. Onlar
döyüş meydanından qaçır, İzzəddin Həsənin Kərkük
yaxınlığındakı Kərxın qalasına gəlirlər (59, 84).
Kərkük foklklorunun janrlarınrları _________________ 15
Kərküklü alim Hidayət Kamal Bayatlı da bu məsələyə
öz münasibətini bildirir: «Əslən Azərbaycan türklərindən
olan İraq türkmənlərinin bir qismi də miladi 1505-1524
tarixlərində Şah İsmayıl tərəfindən İraqa yerləşdirilmişdir»
(356% 20).
Adı çəkilən tədqiqatçıların «türkman» adı altında
azərbaycanlıları və İraq türkmanlanın nəzərdə tutduqları
şübhə doğurmur. Təsadüfi deyildir ki, Azərbaycanın
Prezidenti cənab Heydər Əliyev «Qardaşlıq» dərgisinə
verdiyi müsahibədə bu məsələ ilə bağlı demişdir: «Tarixi
araşdıranda gördüm ki,Güney Azərbaycan,Quzey Azər-
baycan və İraq türkmanları bir bütövün parçalarıdır» (77
a
,
4). Burada diqqəti cəlb edən bir məsələni xüsusi qeyd
etmək zərurəti meydana çıxır. Məsələ burasındadır ki, bəzi
tədqi-qatçılar «türkman», bəziləri isə «türkmən» etnonimini
işlətmişlər. Görkəmli İraq türkman tədqiqatçılarından Əta
Tərzibaşı, Şakir
Sabir Zabit, İbrahim Daquqi, Rza Dəmirçi,
Sinan Səid, Mövlud Taha Qayaçı və bir çox başqaları da
«türkman» etnonimini işlətdiyi halda, Ə.Bəndəroğlu son
vaxtlar «türkmən» etnoniminə üstünlük vermişdir. Onun
redaktor olduğu «Yurd» qəzeti və rəhbərlik etdiyi
«Türkmən mədəniyyət müdirliyi» xətti ilə buraxılan
kitablarda da bu söz «türkmən» şəklində yazılır. Əvvəllər
hətta «İraq-türkman ədəbiyyatı yolunda bir addım» (92) və
«Türkmanlar inqilabi İraqda» (336) kitablarının adında belə
«türkman» etnonimini işlədən tədqiqatçi «Iraq-türkman
folkloru» (180) adlı əsərimizi redaktə edərkən bildirdi ki,
ərəblərin də bu sözü «türkman» kimi ışlətdiklərinə görə
fərqlənmək naminə, son vaxtlar «turkmən» etnoniminə
üstünlük vermişdir. Həqiqətən
də ərəblərin də bu sözü
«türkman» şəklində yazdığını qeyd