Azərbaycan – Türkiyə münasibətləri II beynəlxalq elmi konfransının materialları
424
[12.]
İsmayılov, X. & Quliyev, O. (2017). Banka reklamlarının tüketici tercihlerine etkisi: Azerbaycan örneği.
Akademik Bakış Dergisi,6, Mayıs - Haziran 2017.
[13.]
Özhan, Ş.& Altuğ, N. (2015). Tüketicilerin demografik özelliklerinin online alışveriş davranışları
üzerine etkileri. Ege Akademik Bakış, 15(4), 481-493, Ekim 2015.
Azərbaycan – Türkiyə münasibətləri II beynəlxalq elmi konfransının materialları
425
MÜASİR DÖVRDƏ AZƏRBAYCANIN TÜRKİYƏ İLƏ TİCARƏT DÖVRIYYƏSI
TRADE TURNOVER OF AZERBAIJAN WITH TURKEY IN MODERN PERIOD
Şəhla İbrahimova
Coğrafiya üzrə fəlsəfə doktoru, doktorant
AMEA İqtisadiyyat İnstitutu
Xülasə
Keçmişdə təchizat və təminatın mərkəzləşməsi nəticəsində Azərbaycan müstəqillik qazanandan sonra
ölkəmizdə müstəqil olaraq xarici iqtisadi əlaqələrin qurulması təcrübəsi yox idi. Bu amil uzun müddət nəinki
SSRİ-nin tərkibinə daxil olmuş respublikalar arasında, həm də yaxın qonşularla ticarət əlaqələrinin
yaradılmasını ləngitmişdi. Nəticədə Azərbaycanın müstəqilliyinin ilk illərində ölkə mərkəzdən təchiz edilən
məhsulların kəskin çatışmamazlığı (məsələn un və şəkər) və həmçinin ölkədə istehsal olunan məhsulların
satılmaması problemi ilə üzləşmişdi. Beləliklə tədricən əvvəlcə yaxın qonşularla, sonra isə uzaq ölkələrlə
yaradılan iqtisadi əlaqələr ölkənin ərzaqla təminatı problemini idxal hesabına həll etmişdi. Yüksək neft
gəlirləri ümumi ixracı artırdığından 2004-cü ildən bu tərəfə Azərbaycanın ticarət dövriyyəsi daima müsbət
balansa malik olmuşdur. Lakin son illərdə neft gəlirlərinin kəskin azalması bir daha onu göstərir ki, hələ 10-15
il bundan əvvəl ölkədə qeyri neft bölməsini inkişaf etdirmək lazım idi. Məqalədə Azərbaycanın xarici
əlaqələrinin əsas tərəfdaşı kimi Türkiyə ilə olan ticarətinin təhlil edilməsi qarşıya məqsəd qoyulmuşdur.
Açar sözlər: İxrac; idxal; istehsal; ticarət dövriyyəsi; saldo; iqtisadi münasibətlər
Abstract
After Azerbaijan gained independence due to centralized supply and security in the past, in our country
there was no experience in creating foreign economic relations independently. This fact for a long time
slowed the creation of trade relations not only between the republics that were part of the USSR, but also
with its immediate neighbors. As a result, in the first years of Azerbaijan's independence, the country was
faced with an acute shortage of products centrally supplied (for example, flour and sugar), as well as the
problem when products produced in the country were not sold. As a result of gradually established
economic relations, at first, with close neighbors, and then with distant countries, the problem of providing
the country with food at the expense of imports was solved. Since 2004, to this day, high oil revenues
increase overall exports, as a result, Azerbaijan's trade turnover has always had a positive balance. But a
sharp decrease in oil profits in recent years proves once again that it was necessary to accelerate the
development of the non-oil sector in the country 10-15 years ago. This article aims to analyze trade with
Turkey as the main partner of Azerbaijan's foreign relations
Key words: Export; import; production; trade turnover; balance; economic relations.
Azərbaycan SSRİ-nin tərkibində olanda nəinki xarici ticarət əlaqələri, hətta müttəfiq respublikalar
arasında olan iqtisadi əlaqələr Mərkəz tərəfindən planlaşdırılır və həyata keçirilirdi. Hüquqi cəhətdən çox
böyük müstəqilliyə malik olsalar da keçmiş sovet respublikaları əslində həm SSRİ daxilində, həm də xarici
ölkələrlə birbaşa ticarət əlaqələrini həyata keçirmədiklərinə görə bu amil müstəqilılik qazananda bütün
respublikalarının iqtisadi və sosial həyatına özünün böyük mənfi təsirini göstərdi. Əslində SSRİ-də iqtisadi
əlaqələrin belə formada qurulması məhz elə buna da hesablanmışdı. Belə ki, müttəfiq respublikalarda sıx
inteqrasiya və kooperasiya formasında fəaliyyət göstərən iqtisadiyyat hətta respublikalardan biri və ya bir
neçəsi bu İttifaqdan çıxmaq istəsəydisə onu ciddi iqtisadi böhranla üzləşdirə bilərdi. Başqa sözlə
respublikaların iqtisadiyyatının bir-birindən belə sıx asılılığı məhz onların İttifaqdan çıxmasına əngəl kimi
düşünülmüşdü. Nəticədə SSRİ-nin dağılması Rusiyadan başqa bütün müttəfiq respublikaların iqtisadiyyatında
uzun müddət və ağır böhran yaratmışdı. Rusiyada isə əsas və tam dövriyyəli zavod və fabriklərin
yerləşdirilməsi onları belə böhranlardan tam və ya qismən qoruduğundan bu respublika SSRİ-nin
dağılmasından ən az ziyanla çıxmışdı. Azərbaycan, Gürcüstan, Moldova kimi respublikialarda milli zəmində
olan münaqişələrin yaradılması, digər respublikalarda isə potensial münaqişə ocaqlarının olması isə Rusiya
tərəfindən düşünülmüş ikinci təzyiq vasitəsi kimi bu böhranı daha da ağırlaşdırırdı. Nəticədə müstəqillik
qazanandan sonra ölkəmizin iqtisadiiyyatında geriləmənin qarşısı 1995-ci ildə alınmış, 1990-cı ildə olan