Buxovlari qıran
Yüklə 3,42 Kb. Pdf görüntüsü
|
118 Buxovları qıran olmaq Allahın hər bir övladının «oğulluq» hüququdur. Biz cismani həyat yaşamaya bilərik – biz Məsihdə azad olmuş həyat yaşaya bilərik! Yarışda qaçmaq Gündəlik Məsihlə gəzinti zamanı ikimərtəbəli evin pəncərələrindən və qapılarından sizə atılan şeytani atmacalara və oxlara cavab verməyin üç üsulu var və bu üsullardan ikisi səhvdir. Birinci, ən çox ruhani məğlub edilmiş məsihçilər aldadıcı ruhla- ra qulaq asan adamlardır (1 Timotey 4:1). Onlar zəifliklə şeytanın sınaqlarına təslim olurlar, yalanlara və ittihamlara inanırlar. Bu məsihçilər, sadəcə, Allahın onları sevmədiyinə, heç vaxt qələbə çalan məsihçi olmayacağına, yaxud keçmişlərinə görə həmişə aciz olduqlarına inanaraq aldandıqlarına görə məğlub olurlar. Onların dərhal qalxıb yenidən gəzməsinin qarşısını alan səbəb yoxdur, amma onlar yalana inanıblar və ona görə də küçənin ortasında məğlub olmuş halda oturub qalırlar. İkinci üsul da birinci kimi bəhrəsizdir. Məsihçilər cinlər ilə mübahisə etməyə çalışırlar: «Mən kifir və ya gic deyiləm. Mən qələbə çalan məsihçiyəm. Bu, doğru deyil. Mən həmin yalanı inkar edirəm.» Onlar yaxşı mübarizə apardıqlarını düşünürlər, amma həqiqətdə həmin mənfi düşüncələr hələ də onları idarə edir və gündəlik planlarını təyin edir. Onlar irəli addımlamalı olduqları vaxtda küçənin ortasında dayanıb cinlərin üstünə qışqırırlar. Mənfi və ya yalan fikirlərin ya dünyadan, ya cismani təbiətdən, ya da şeytandan gəlməsinin heç bir fərqi yoxdur. Biz hər bir düşüncəni əsir edərək Məsihə itaət etdiririk. Biz qaranlığı qovmağa çağırıl- mamışıq – biz işığı yandırmağa çağırılmışıq. Üçüncü üsul budur: Biz dünyaya, cismani təbiətə və şeytana həqiqəti seçməklə qalib gəlirik. Biz nə şər ruhlara inanmalıyıq, nə də söhbət etməliyik. Bizə öyrədilib ki, onlara fikir verməyək. Onların bizə atdıqları hər sınaq, ittiham və yalan oxuna qarşı, sadəcə, iman qalxanını qaldırıb, hücumu dəf edirik və irəliləməkdə Ruhları idarə etmək 119 davam edirik. Biz hər bir yalanın qarşısında həqiqəti seçirik. Biz bunu etdikcə hər bir addımda böyüyürük. Mən Talbot Teologiya Məktəbində dərs keçərkən bir tələbə mənimlə görüş təyin etdi. O, satanizmi araşdırırdı və bəzi suallar vermək istəyirdi. Mən onun bəzi suallarına cavab verdim, sonra dayandım. «Mən fikirləşirəm ki, sən Satanizmi araşdırmamalısan» — söylədim. O: «Nə üçün?»- deyə, soruşdu. «Çünki sən Məsihdəki azadlığında yaşamırsan» — deyə, cavab verdim. O: «Bununla nə demək istəyirsiniz?» — deməklə, etiraz etdi. Mən ona dedim: «Mən sənin Müqəddəs Kitab dərslərində fik- rini toplamaqda çətinlik çəkdiyini güman edirəm. Eləcə də, sənin Allahla vaxtının və dua həyatının əslində mövcud olmadığın- dan şübhələnirəm. Mən əminəm ki, sənin özünə hörmət hissin həddən artıq aşağıdır və yəqin ki, intihar etmək haqqında çox fikirləşirsən». Sonra o, dostuna söylədi: «O kişi mənim ağlımı oxudu!» Mən onun ağlını oxumadım. Mən, sadəcə olaraq, insanlara uzun müddət kömək etdiyimdən onlarla nə baş verdiyini anlayıram. Bu tələbə həmin yay mənim «Şəxsi və ruhani münaqişələri həll etmək» adlı yuxarı səviyyə dərslərimdə iştirak etməyə icazə aldı və iki həftədən sonra aşağıdakı məktubu yazdı: Keçən həftə həyatda ilk dəfə özümü idarə edə bildi- yimi hiss etdim. Sanki indi öz ağlıma malikəm. Mən oturub fikirlərimi bir yerə toplamağa çalışmıram və xəyala dalmıram, yəni özümlə söhbət etmirəm. Mənim ağlım, sadəcə olaraq, sakitdir. Bu, həqiqətən, qəribə hissdir. Mənim emosiyalarım sabitləşib. Bu həftə ərzində bir dəfə də olsun ruhdan düşməmişəm. Mənim iradəm mənimdir. Mənə elə gəlir ki, mən öz həyatımı Məsihdə yaşamağı seçə bilərəm. Kəlam fərqli görünür. Mənim tamam fərqli baxışlarım var. Mən Kəlamın 120 Buxovları qıran mənasını, doğrudan da, başa düşürəm. Mən tək qal- dığımı hiss edirəm. Pis mənada demirəm. Mən yal- qız deyiləm, sadəcə, başımda başqa səsləri deyil, öz səsimi eşidən adamam. İlk dəfədir ki, mən məsihçi olmağı, Məsihin kim olduğunu və Onda kim olduğumu həqiqi mənada başa düşürəm. İnanıram ki, mən insanlara kömək etməyi bacarıram və özümü idarə edə bilirəm. Mən illərlə kimdənsə asılı olmuşam, amma keçən həftə kiməsə ehtiyacımın olduğunu zərrə qədər hiss etməmişəm. Məncə sülhdə qalmağın nə olduğunu təsvir edirəm. Mən bunu ürəyimdə sakit, incə sevinc kimi hiss edirəm. Mən kənar adamlarla özümü daha dostya- na və rahat hiss etmişəm. Gün ərzində baş verən çarpışmalara dözmək çətin deyil. Eləcə də mən süst deyiləm, həyatda fəal iştirak edirəm və ona tənqidi baxışla yanaşmıram. Mənə ümid verdiyinizə görə sizə minnətdaram – Mən inanıram ki, indi Məsihdə öz ümidim var. 8 Sirli gücə və biliyə şirniklənmə Mən doktorantura tələbəsi olan yoldaşlarımdan birinin əqli təhsilin gələcəyi haqqında təqdimat verməsinə diqqətlə qulaq asırdım. Sinifdə məktəb direktorları, maarif müdirləri, müəllimlər və ictimaiyyətin müxtəlif vəzifələrində işləyən rəhbərlər iştirak edirdilər. Təqdimatçı, orta məktəbin direktoru belə hadisəni astral proyeksiya 6 , telekinez 7 , gələcəyi qabaqcadan görmə və telepati- ya kimi təsvir etdi. «New Age» dünyəvi təhsildə əhəmiyyətli dərəcədə qəbul edildiyindən hal-hazırda universitet proqramla- rında belə şeylər eşitmək az təəccüb doğurur. Amma bu, 1980-ci ildə idi və belə mövzulara doktorantura proqramlarında, adətən, toxunulmurdu. Onun «New Age» təqdimatı, şübhəsiz ki, diqqətlə qu- laq asan tələbə yoldaşlarımda maraq oyatdı. Onlar həvəslə mühazirəçi ilə danışdılar və çoxlu suallar verdilər. Sirli gücə və biliyə şirniklənmə beş təbii hisslə duyula bilməyən nəyinsə olduğunu düşünənlərin həmişə marağını cəlb edib. Mən tədqiqat və ya araşdırmadan əldə edilən bilik haqqında danış- mıram. Sirli bilik altıncı hiss (və ya ruhani hiss) vasitəsilə əldə edilir və yalnız mistik cəmiyyətə qəbul olunmuşlar (və ya məsh olunmuşlar) üçün nəzərdə tutulur. Falçılarda hamı- da olmayan xüsusi güc olur. Hətta ixtisaslaşmış və ya hamı 6 İnsanın fiziki bədənindən çıxıb kainatın başqa yerlərinə getməsi 7 Elmi cəhətdən izah edilməyən yolla əşyaları hərəkətə gətirmək Yüklə 3,42 Kb. Dostları ilə paylaş:
|