Buxovlari qıran
Yüklə 3,42 Kb. Pdf görüntüsü
|
- Bu səhifədəki naviqasiya:
- Buxovları qıran 3 3 Azad gəz! 13 Məsihdə
Buxovları qıran 3 3 Azad gəz! 13 Məsihdə azadlıq addımları Məsih çarmıxda günah və ölüm üzərində çaldığı qələbə vasitəsilə sizi azad edib. Amma siz imanda möhkəm durmamısınızsa və ya bilərəkdən günah işlətmisinizsə, Onunla düzgün münasibətdə qal- maq üçün lazım gələn hər bir şeyi etmək sizin məsuliyyətinizdir. Sizin əbədi taleyiniz deyil, gündəlik qələbəniz risk altındadır. Siz bu fəsli oxumamağa və ya bu addımları atmadan oxumağa sövq oluna bilərsiniz, amma sizin xeyrinizə görə dua edirəm ki, belə etməyəsiniz. Bu fəsildə hər bir məsihçinin həll etməli olduğu yeddi xüsu- si məsələni bölüşəcəyəm. Ola bilsin ki, siz artıq bu məsələlərin birini və ya bir neçəsini həll etmisiniz, amma bu addımların hər birini atmaqla sizə heç bir ziyan olmaz. Hətta başqa heç bir şey yerinə yetirilməsə, siz məbədinizdə növbəti Rəbbin süfrəsi üçün, həqiqətən, hazır olacaqsınız. Bu azadlıq addımlarından keçdikcə yadda saxlayın ki, şeytan sizin düşüncələrinizə itaət etməyə borclu deyil. Şifahi olaraq hər addımı ata bildiyiniz şəxsi bir yer tapın. Bunlar sizinlə Allah arasında olan vacib məsələlərdir və onlardan təklikdə keçmək mümkündür, çünki İsa Ecazkar Məsləhətçidir. Amma sizlərdən bəziləriniz bu addımların hər birindən təklikdə keçməyi bacar- mazsınız. Belə olan halda, kömək axtarın. Pastorunuzdan və ya məsihçi məsləhətçinizdən sizi addımlardan keçirməsini xahiş edin, yaxud bizim ofisə zəng vurun və biz sizin üçün ixtisaslaşmış bir adam tapmaqda kömək edərik. Məsihdə azadlıq addımları 199 Əgər sizin probleminizin kökü bu addımlarda verilən mənbədən fərqli olsa da, bu addımlardan keçməklə siz heç nə itirən de- yilsiniz. Bu, sadəcə, Allaha tabe olmaq və şeytana qarşı dur- maq üçün müfəssəl bir prosesdir (Yaqub 4:7). Şər ruhların olub- olmamasının buna heç bir aidiyyəti yoxdur. Əsl məsələ sizin Allahla ünsiyyətinizdir və bu məsələlərdən hansısa birinin həll edilməməsi sizin Onunla olan yaxınlığınıza təsir edəcək. Nə etməli olduğunuzu bilməkdə çətinlik çəkməyəsiniz deyə, hər addım izah olunub. Əgər siz hansısa bir müqavimət hiss etsəniz, dayanın və dua edin. Əgər siz bəzi əqli qarşıdurma ilə qarşılaş- sanız, sadəcə, ona məhəl qoymayın. Bu, sadəcə, düşüncədir və əgər siz ona inanmasanız, sizin üzərinizdə onun heç bir gücü ola bilməz. Bütün proses boyunca Allahdan sizi idarə etməsini xahiş edəcəksiniz. Sizi azad edəcək həqiqəti anlamağa aparan tövbəyə imkan verən şəxs yalnız Odur (2 Timotey 2:24-26). Addımlara aşağıdakı dua və bəyanat ilə başlayın (Mötərizələrdə olan sözləri oxumayın. Onlar, sadəcə, aydınlıq gətirmək və istinad etmək üçündür.). Dua Əziz göylərdə olan Atam, mən bu otaqda və həyatımda Sənin hüzurunun olduğunu etiraf edirəm. Hər şeyi bilən, hər şeyə qadir və hər yerdə mövcud olan Allah yalnız Sənsən. Mən Səndən asılıyam, çün- ki Sənsiz heç nə edə bilmərəm. Mən həqiqətdə dayanı- ram, həqiqət budur ki, göylərdə və yer üzündə bütün səlahiyyətlər dirilmiş Məsihə verilib, Məsihdə olduğu- ma görə şagirdlər etmək və əsirləri azad etmək üçün həmin səlahiyyəti Ondan alıram. Məni Müqəddəs Ruhunla doldurmağı və hər həqiqətə yol göstərməyi səndən xahiş edirəm. Mən tam müdafiən üçün dua edirəm və Sənin bələdçiliyini xahiş edirəm. İsanın adı ilə dua edirəm. Amin. 200 Buxovları qıran Bəyanat Rəbb İsa Məsihin adı və səlahiyyəti ilə şeytana və bütün şər ruhlara məni tərk etmələrini əmr edirəm ki, Allahın iradəsini bilməkdə və onu həyata keçirməyi seçməkdə azad ola bilim. Məsih ilə göylərdə birlikdə oturan Allahın övladı kimi hüzurumdan hər bir şər ruhun çıxıb getməsini əmr edirəm. Mən Allaha məxsusam və şər olan mənə toxuna bilməz. 1 -ci addım: Saxtalığın əvəzinə gerçəklik Məsihdəki azadlıqda yaşamağa doğru ilkin addım keçmişdə və ya hal- hazırda olan okkult fəaliyyətləri, kult təlimləri və ayinlər, eləcə də qeyri-məsihçi dinləri ilə məşğuliyyəti inkar və rədd etməkdir (şifahi olaraq). Siz İsa Məsihi inkar edən və ya Müqəddəs Kitabın tam standar- tından başqa hər hansı mənbə vasitəsilə məsləhət təklif edən hər bir fəaliyyəti, yaxud qrupu inkar etməlisiniz. Gizli, sirli ayinləri, mərasimləri, vədləri və ya əhdləri tələb edən hər bir qrupu da inkar və rədd etməlisiniz. Bu addıma ucadan belə dua etməklə başlayın: Əziz göylərdə olan Atam, mən Səndən okkult, kult və ya qeyri-məsihçi təlimləri, eləcə də məşğələləri ilə bilərəkdən, yaxud bilməyərəkdən məşğul olduğum hər bir şeyi yadıma salmağını xahiş edirəm. İndi bu şeyləri inkar və rədd etməklə mən Sənin azadlığında yaşamaq istəyirəm. İsanın adı ilə dua edirəm. Amin. Hətta nədəsə iştirak etmisinizsə və bunun oyun, yaxud zarafat olduğunu düşünmüsünüzsə, siz bunu inkar və rədd etməlisiniz. Şeytan həyatımızda olan hər bir şeydən sui-istifadə etməyə çalı- şacaq, ona görə də mümkün qədər dəqiq olmaq həmişə ağıllı bir işdir. Hətta, sadəcə olaraq, kənarda dayanmaqla başqalarının bu işlərlə məşğul olduğuna tamaşa etmisinizsə də, siz bu qeyri-fəal Yüklə 3,42 Kb. Dostları ilə paylaş:
|