83
2 - Ardıcıl əlavə olunmaqla yaranan bir silsilə “gerçək
sonsuz” ola bilməz.
3 - Deməli, zamana aid hadisələr “gerçək sonsuz” deyil.
Buradan da kainatdakı zamanın, eləcə də kainatın bir
başlanğıcının olduğu nəticəsinə gəlirik.
KANTIN ANTINOMIYALARINA HƏLL TƏKLIFI:
Axmaq və necəsi bəlli olmayan ayırmalar
Kant zehni ziddiyətləri izah edərkən kainatın baş-
lanğıcı olduğunun da, kainatın sonsuz olduğunun da
eyni dərəcədə tutarlı (və ya əsassız) olduğunu iddia edir-
di. Bu mövzuya sonrakı hissələrdə də toxunacağam. Bu
mövzudakı təklifim antinomiyaların həlli üçün “axmaq”
(qeyri-mümkün) və “keyfiyyəti bilinməyən” həllin izah
edilməsidir. Fikrimcə, indiyə qədər irəli sürdüyümüz sü-
butlar səbəbindən kainatın əzəldən bəri var olduğunu irəli
sürmək axmaqlıq səviyyəsinə qədər sadələşdirilə bildiyi
(reductio ad absurdum) üçün “axmaqdır” (qeyri-müm-
kündür). Lakin Tanrının kainatı müəyyən bir başlanğıc ilə
yaratdığını iddia edərkən burada axmaqlığa aparacaq bir
nüans yoxdur. “Tanrı bunu necə etdi?” sualına cavab olaraq
bunun “keyfiyyəti bilinməyən” bir istiqaməti olduğu irəli
sürülə bilər. Bu isə inkar üçün bir səbəb deyil. Görüldüyü
kimi, Kantın antinomiyaları bu şəkildə həll edilə bilər. An-
tinomiyalarda ortaya qoyulan iki seçimdən birinin mütləq
doğru olduğu müəyyəndir. Antinomiyalarda ortaya qoyu-
lan iki variantın hər biri digərinin tam tərsidir. Variantlar-
dan hansının səhvi göstərilsə, digərinin doğruluğu ortaya
çıxır. Bu araşdırmanı reallaşdırmaq üçün variantlardan
hansının sadələşdirilib ixtisar olunacağını göstərmək lazım-
dır. Beləcə, o biri variantın doğruluğu aydın olmaqdadır.
84
“Axmaq” (qeyri-mümkün) olan ilə “keyfiyyəti bilinmə-
yən”in fərqini anlamaq üçün bu nümunələri verə bilərik:
2-nin 3-dən böyük olduğunu və ya bərabər olduğunu
söyləmək axmaqcadır (qeyri-mümkündür). Təyyarənin
mühərrikinin necə işlədiyini bilməyən bir adam üçün isə
təyyarənin mühərriki “keyfiyyəti bilinməyən” kateqoriya-
sındadır. “Axmaqca” qeyri-mümkün olanın ifadəsidir və
gerçək ola bilməz, halbuki “keyfiyyəti bilinməyən” anlayışı,
haqqında kifayət qədər məlumata sahib olmadığımız, an-
caq gerçək olması mümkün olandır.
Qısacası, Kant düstura etdiyi zehni ziddiyətlərin hər iki
istiqamətini eyni dəyərdə göstərməklə səhv etmişdir. Vitrou
da (Whitrow), Kantın kainatın əzəli olduğuna dair anti-te-
zisini, kainatın zamanının başlanğıcından əvvəl zaman an-
layışını qəbul etməyin səhv olduğunu söyləyərək rədd et-
mişdir. Necə ki nisbilik nəzəriyyəsinin düsturları kosmosu
və zamanı bir-birinə bağlamış, kosmosun olmadığı nöqtədə
zamanın ola bilməyəcəyini göstərmişdir. Lakin kainata bağ-
lı olmayan “mütləq zaman” anlayışına görə (Kantın antino-
miyaları Nyutonun “mütləq zaman” anlayışına görə təşkil
edilib) antinomiyaların təşkil edən Kant Vitroun təsbit et-
diyi səhvə yol vermişdir. Kainatın bir başlanğıcı olduğu və
öz xaricində bir səbəbə bağlı olduğu araşdırdıqlarımızın
xaricindəki fəlsəfi arqumentasiyalarla da müdafiə olunmuş-
dur. Bu mövzu bu kitabın həcmini aşacaq dərəcədə geniş-
dir. Bu hissədəki məqsədim elmi məlumatlar olmadan da
fəlsəfi olaraq kainatın başlanğıcı olmasının labüd olduğunu
ortaya qoya bilməkdir. Buna görə də kainatın keçmişinin
sonsuz ola bilməyəcəyinin fəlsəfi baxımdan göstərilməsi
üzərində kökləndim. Kainatın başlanğıcı olduğu barəsində
fəlsəfi sübutlar Big Bang-in, termodinamikanın və nisbilik
nəzəriyyəsinin sübutları ilə birləşməkdədir.
85
V HISSƏ
BIG BANG-Ə QARŞI YARADILAN ELMI
MODELLƏRIN ARAŞDIRILMASI
Big Bang nəzəriyyəsi ilə kainatın bir başlanğıcı olduğu,
bu başlanğıcda maddənin çox sıx, istiliyin isə çox yüksək bir
səviyyədə olduğu, kainatın genişlənməsi ilə sıxlığın və tem-
peraturun azaldığı və azalmağa davam etdiyi, bildirilən bu
müddət ərzində atomaltı hissəciklərdən qalaktikalara qədər
bütün universal meydana gəlmələrin reallaşdığı deyilir. Big
Bang nəzəriyyəsinin bu təməl ortaq nöqtələrinin xaricində
edilən bir çox kosmik mübahisələr də mövcuddur. Məsələn,
kainatın artımı sabit olan bir sürətləmi genişlənməsi,
yoxsa müəyyən bir dövrdə şişərəkmi genişlənməsi, ka-
inatın genişlənmə sürətini ifadə edən Habl sabitinin ta-
mam dəyərinin nə olduğu, kəndir qaydalarının kütlə
çəkilişi qüvvətini açıqlamaqda nə qədər uğurlu olduğu bu
müzakirələr arasında sadalana bilər. Bizi məqsədimizdən
kənara çıxardacaq bu mübahisələrə bu kitabda toxun-
mayacağam. Kainatın sabit bir sürətlə genişlənməsi və
ya genişlənmənin müəyyən dövrlərdə sıçramalar etməsi
Habl sabitinin gözləniləndən kiçik və ya böyük çıxması
bu kitabda üzərində fokuslandığımız nəticələr baxımın-
dan əhəmiyyətli deyildir. Bu hissədə xüsusilə kainatın bir
başlanğıcı olduğu fikrinə qarşı kainatın əzəli olduğunu
elmi bir şəkildə müdafiə etməyə çalışmış olan modelləri
dəyərləndirəcək və onları elmi baxımdan araşdıracağam.
Hərçənd, Big Bang nəzəriyyəsinin əsas və yan sübutla-
rı Big Bang-i isbat edərkən əleyhinə olan bütün modelləri
86
etibarsız etməkdədir. Lakin yenə də əhəmiyyətinə görə bu
modelləri nəzərdən keçirib araşdırmaq faydalı olacaqdır.
Hissənin sonunda isə heç bir sübuta söykənməyən, xəyali
bir fantastikadan kənara keçə bilməyən modellərə Okkam
(Ockham) ülgücünün tətbiq olunması təklif ediləcək.
1 - SABIT VƏZIYYƏT (STEADY STATE) MODELI
Kainatın genişlənməsi ilə materializmi
uzlaşdırma
1918-ci ildə Vilyam MakMillanın (William MacMillan)
və 1920-ci illərdə Ceyms Cinsin (James Jeans) təcrübələri
Sabit Vəziyyət modelini ortaya qoyanlara ilham vermiş-
dir. Lakin Sabit Vəziyyət modeli 1940-cı illərdə Hermann
Bondi, Tomas Qold və Fred Hoylinin işləri ilə ortaya qoyul-
muşdur. Bu illərdə artıq heç bir alim Hablın kainatın daim
genişləndiyinə dair müşahidələrinə müqavimət göstərə
bilmirdi. Maddəni və kainatı əzəli və dəyişməz qəbul edən
ateistlər bu nəticəni qəbul edə bilmədilər. Genişlənən kai-
nat dəyişməz ola bilməzdi. Dəyişən isə əzəldən bəri var ola
bilməzdi, əgər əzəldən bəri mövcud ola bilmirsə, başlanğı-
cı olmalı idi. Davamını isə düşünmək belə istəmirdilər. Bir
tərəfdə kainatın genişləndiyinə dair müşahidə olunan və
nəzəri sübutlar, digər tərəfdə isə maddəni kainatın yeganə
ünsürü qəbul edən materialistlərin kainatın dəyişməsini
qəbul edə bilməmələri faktı var idi. Sabit Vəziyyət modeli
bu tip bir ruh halı ilə kainatın genişlənməsinə baxmayaraq
dəyişmədiyini ortaya qoymaq üçün təkmilləşdirildi.
Bu modelin memarlarından ən məşhuru Fred Hoyl idi.
O, Big Bang adını nəzəriyyə ilə lağ etmək üçün istifadə etmiş-
Dostları ilə paylaş: |