413
Proqnoz a. Etiotrop müalicə aparılmadıqda visseral leyşmaniozlarda olduğu kimi
L.braziliensis tərəfindən törədilən dəri-selikli qişa leyşmaniozunda da proqnoz ciddidir. Ölümlə
nəticələnə bilir. Digər dəri leyşmaniozların proqnozu isə xoşdur. Yalnız dəridə kosmetik qüsurlar
(üzün eybəcərləşməsi) qala bilər.
Profilaktikası. Gəmiricilər və hünülərə qarşı mübarizə tədbirləri həyata
keçirilməlidir. Zoonoz leyşmanioz zamanı L.mayor-un canlı kulturası ilə vaksina işlənilib
hazırlanmışdır. Peyvənd dərinin örtülü yerlərində aparılmalıdır, çünki yerində çapıqlaşma qalır.
Vaksina ömürlük immunitetə səbəb olur. Epidemik bölgələrə getməmişdən 3 ay əvvələ
aparılmalıdır.
Toksoplazmoz - Toxoplazma gondi tərəfindən törədilən, fekal-oral yoluxma
mexanizminə malik, təbii ocaqlı, zoonoz xəstəlikdir. Əsasən sinir sisteminin, skelet əzələlərinin,
miokardm, gözlərin zədələnməsi, limfadenopatiya, qaraciyərin, dalağın böyüməsi və xroniki
gedişə meyilliyi ilə xarakterizə olunur.
Tarixi məlumat. Toksoplazmozun törədicisi ilk dəfə 1908-ci ildə italyan alimi
Splendore tərəfindən tapılmışdır. Elə həmin il Tunisdə elmi tədqiqatlar aparan Ş.Nikol və
əməkdaşları gəmiricilərin daxili üzvlərində təkhücey-rəli parazitlər aşkar etmişlər.
Onları Toxoplazma gondi adlandıraraq, sərbəst bir növ kimi ayırmışlar.
Toksoplazmalarm insan üçün patogen olmasını ilk dəfə Kastellani müəyyən
etmişdir. O, 1914-cü ildə Seylonda həlak olmuş əsgərin daxili üzvlərində patoloji-anatomik
müayinələr zamanı toksoplazmaları aşkar etmişdir. 1923-cü ildə isə çex oftalmoloqu Yanki
anadangəlmə toksoplazmoz haqqında ətraflı məlumat vermişdir.
Həm insanlarda, həm də heyvanlar arasında toksoplazmozu ətraflı sürətdə
öyrənən Amerika virusoloqu Sebin və əməkdaşları (1937-55-ci illərdə) olmuşdur. Onlar xəstəliyin
seroloji diaqnostikasını işləyib hazırlamış və bu məqsədlə KBR təklif etmişlər.
Etiologiy ası. Toksoplazmozun törədicisi Protoza tipinə, Sporoza yarımtipinə,
Telosporea sinfinə, Coccidea yanmsinfınə, Eucoccideia dəstəsinə, Eimeviina yarımdəstəsinə,
toxoplazma cinsinə aid olan parazitləridir.
Parazitin üç forması müəyyən edilir: trofozoitlər, sistalar və oosistalar. İnkişaf
dövrü iki mərhələdə keçir - cinsi və qeyri-cinsi çoxalma mərhələləri. Cinsi çoxalma əsas
sahibin - pişikkimiləri fasiləsindən olan heyvanların (pişik, pələng, bəbir, şir və s.) bağırsaqlarının
epitel hüceyrələrində gedir. Qeyri-cinsi çoxalma isə aralıq sahibin - müxtəlif heyvanların -
məməlilərin, quşların və insanın orqanizmində baş verir. Trofozoitlər (endozoitlər) 4-7 mkm
uzunluğunda, 2-4 mkm enində olub, formaca ayparanı, tağı xatırladır. Törədicilərin adı da buradan
götürülmüşdür. «Toxoplazma» - tağ, qövs deməkdir. Sitoplazması homogendir, xırda dənəvərlik
qeyd edilir. Nüvəsi dairəvi olub, diametri 1,5-2 mkm-ə bərabərdir. Parazit xaricdən iki qat
pellikula ilə örtülüdür. Kiprikciklə-ri, qamçıları olmur. Sürüşərək hərəkət edirlər. Romanovski-
Gimza üsulu ilə si-toplazması mavi, nüvə isə qırmızı-yaqut rəngdə boyanır. Trofozoitlər
adətən aralıq sahibin bədənində formalaşır. Hüceyrədaxili çoxalırlar. Çoxalma qeyri-cinsi olub,
uzununa bölünmə və ya tumurcuqlanma yolu ilə gedir. Nüvəsi olmayan hüceyrələr - eritrositlər -
istisna olmaqla, bütün hüceyrələrdə çoxala bilirlər. Parazitlər çoxalaraq bütün hüceyrəni tutur. Bu
downloaded from KitabYurdu.org
414
cür hüceyrələr psevdo-sistalar adlanır. Psevdosistalar dağılır, onlardan xaric oian trofozoitlər
sağlam hüceyrələrə daxil olaraq, yeni - yeni psevdosistalar əmələ gətirirlər. Trofozoitlər xarici
mühit təsirlərinə davamsızdır. Quruduqda, istinin və dezinfeksiyacdi-cilərin, müxtəlif kimyəvi
preparatların (xloridin, sulfadimezin və s.) təsirindən tezliklə tələf olurlar. Məsələn: +56°Cdə 10
dəqiqəyə, 50%-li spirtdə, 1%-İi fenolda, 1%-li duz turşusunda, 2%-li xloramində 5-10 dəqiqəyə
inaktivləşirlər. Bununla belə xəstə heyvanların südündə 7-8 gün, toyuq yumurtasında 15-30
gün, konservləşdirilmiş qanda 50-60 gün qala bilirlər. Qaynatma parazitin bütün formalarına
məhvedici təsir göstərir.
Sista formalar - 100 mkm ölçüdə, daxilində 3000-5000 və daha artıq spo-rozoit
olur. Xaricdən çox möhkəm qişa ilə örtülüdürlər və bu qişa daxilə nə antitel, nə do kimyəvi
preparatları (dərmanları) buraxmır. Xarici mühitə çox davamlı olub, 10 illərlə qalırlar. Sistalar
aralıq sahibin, o cümlədən insanın bədənində xroniki toksoplazmoz zamanı formalaşır. Əsasən
skelet əzələlərində, miokardda, mərkəzi sinir sistemində qeyd edilir. Müxtəlif faktorların
təsirindən orqanizmin zəifləməsi nəticəsində bu sistaların bir qismi dağılaraq parazit-lərin xaric
olmasına və prosesin kəskinləşməsinə, xəstəliyin residivlərinə səbəb ola bilər. Bəzi hallarda
sistalar nekrozlaşaraq kirəcləşirlər.
Oosistalar parazitin əsas sahibi, pişik və pişikkimiləri fasiləsindən olan vəhşi
heyvan larin bağırsağının epitel hüceyrəsində cinsi yolla çoxalma nəticəsində əmələ gəlir. Pişik və
pişikkimilər parazitin aralıq sahiblərini ovlayıb yeyərkən yoluxur və onların bağırsağına düşən
sistalar dağılır. Xaric olan para-zitlər bağırsaq epitel hüceyrələrinə daxil olaraq, müxtəlif daxili
üzvlərə yayılırlar. Orada qeyri-cinsi yolla çoxalır, yenidən bağırsağa gətirilərək qametogen-ləşmə
baş verir. Makro- və mikroqamctalar əmələ gəlir. Mayalanaraq ziqo-taya, nəhayət oosistaya
çevrilir. Oosistalar oval formada olub, diametri 10-12 mkm-ə çatır. Pişiklərin nəcisində
oosistalann meydana çıxması müddəti müxtəlif olur. Ətraf mühitin temperaturundan asılı olaraq 3
gündən 24 günədək çata bilər. Ətraf mühitin temperaturu +4°-dən aşağı və 37°C-dən yuxarı
olarsa oosistalar formalaşmır və onların ifrazı baş vermir. Oosista ifraz etmə 7-20 gün davam edir.
Oosista ifraz etmənin qısa müddətli olmasının səbəbi ilkin yoluxmadan sonra heyvanlarda, onları
təkrari yoluxmadan qoruyan immunitetin inkişaf etməsidir. Gün ərzində lOmil.-dək oosista ifraz
edilə bilər. Oosistalar xarici mühit təsirlərinə qarşı kifayət qədər davamlıdırlar. Onlar əlverişli
mühitdə 1 ilədək qala bilir və infeksiyanm saxlanılmasında, ötürülməsində əsas rol oynayırlar.
Əlverişli temperaturda (+25°C), nəmlik və oksigenin daxil olması mümkün olan şəraitdə hər
oosistadan bir neçə gün (2-5gün) ərzində 4 sporo-zoiti olan 2 sporosista formalaşır. Bu cür
oosistalar invaziyalaşdırmaq qabiliyyətinə malik olurlar.
Toksoplazmalar antigenlərinə görə fərqlənən müxtəlif ştamlara malikdirlər. Bu
ştamlar virulentliklərinə görə də fərqlənirlər. Bəzi ştamlar yüksək vi-rulentliyə malik olurlar.
Məsələn, RH ştammı laborator heyvanlarının tezliklə tələf olmasına səbəb olur. T.gondi
patogenliyi, virulentliyi zəif olan parazitlər-dəndir. Bu isə əsasən kliniki olaraq heç bir əlamət
büruzə verməyən latent formaların meydana çıxmasına səbəb olur. Bununla belə onlar hamilələrin
yoluxması zamanı çox təhlükəli ola bilərlər. Belə ki, hamiləlik dövründə yoluxma 40% hallarda
parazitin vertikal yolla dölə verilməsinə və anadangəlmə tokso-plazmozun inkişafına səbəb olar
ki, bu da ağır nəticələrə gətirib çıxarır.
downloaded from KitabYurdu.org