417
ciyər və digər üzvlərin qoşulması müşahidə edilir. Toksoplazmozun QİÇS fonunda bu cür
inkişafı xəstələrin ölümünə səbəb olur.
Toksoplazmozda patomorfoloji dəyişikliklər əksər üzvlərdə və limfa
düyünlərində qranulomalar, ocaqlı nekrozlar, kirəcləşmələr şəklində müşahidə edilir. Qazanılmış
toksoplazmozda limfa düyünlərində hiperplaziya, nekroz ocaqlar, qranulomalar; seroz qişalara
qansızmalar, ağ ciyərlərdə pnevmoniya, ödemli ocaqlar; qaraciyər, dalaqda böyümə və
nekrozlaşmış sahələr qeyd edilir. Anadangəlmə toksoplazmozda beyin yarım kürələrinin
inkişafdan qalması, mədəciklərarası keçidlərin və tora bənzər törəmə altı boşluğun
obliterasiyası nəticəsində hidrosefaliya inkişaf edir. Beyin qişalarında, beyin maddəsində iltihab,
nekrozlaşmış, kirəcləşmiş ocaqlar, damarlarda qranulomalar qeyd edilir.
Gözün damarlı qişasında kəskin nelcroz ocaqları müəyyən edilir. Zədələnmiş digər üzv və
sistemlərdə də bu qəbildən olan dəyişikliklər müşahidə edilə bilər.
Klinikası. Toksoplazmozla təbii şəraitində yoluxma zamanı inku-basion dövrün
müddətini müəyyənləşdirmək mümkün deyildir. Yüksək viru-lentliyə malik ştamlarla işləyərkən
laboratoriya daxili yoluxmalar zamanı isə inkubasion dövrün müddəti iki həftəyədək çəkir.
Yoluxma mexanizminə görə toksoplazmoz 2 yerə ayrılır:
1). Qazanılmış 2). A nadangəlmə
Gedişinə görə isə kəskin, xroniki və latent ola bilər.
Qazanılmış toksoplazmozda latent forma I-li və 11-li ola bilər. Latent forma
toksoplazmozla ilkin yoluxmadan sonra invaziyalaşmış insanların 95-99%-də müşahidə edilir. Bu
zaman spesifik antitellər əmələ gəlir. Heç bir klinik əlamət büruzə vermədən qeyri-steril immunitet
formalaşır. Yalnız seroloji müayinələr zamanı müəyyən edilir. İmmun sistemin zəifləməsinə səbəb
olan bir sıra
• •_
faktorların (IIY-infeksiyası, sitostatiklərlə, qlükokorkosteroidlərlə uzun müddətli müalicə, şüa
müalicəsi, xroniki psixoemosional stres və s.) təsirindən kəskinləşmələr verə bilər. II-li latent
toksoplazmoz əvvəllər xəstəliyin manifest formalarını (kəskin və xroniki formanın residivlərindən
sonra) keçirmişlərdə formalaşır.
İmmunitetin zəifləməsindən asılı olaraq yoluxmuşların 1-5%-də birincili xroniki
toksoplazmoz, immun sistemi çox zəifləmiş şəxslərdə isə yoluxmuşların 0,01%-də kəskin
toksoplazmoz inkişaf edə bilər.
Qazanılmış kəskin toksoplazmoz. İlkin infeksiyalaşmadan sonra inkişaf edir.
Adətən ümumi intoksikasiya əlamətləri, hərarətin yüksəlməsi ilə kəskin başlayır. Məhəlli limfa
düyünləri - çox vaxt boyun, ənsə, çənəaltı, qoltuqaltı limfa düyünləri böyüyür. Onlar palpasiyada
yumşaq, ağrısız, ətrafdakı toxuma ilə birləşməmiş olur. Qaraciyər, dalaq böyüyür. Xəstəliyin 4-5-
ci günündən miokardit müşahidə edilir. Qazanılmış kəskin toksoplazmoz mərkəzi sinir sisteminin
zədələnməsi əlamətləri ilə, çox vaxt ensefalit, meninqoensefalit, menin-git tipində keçir. Parezlər,
hemiplegiya, göz sinirinin iltihabi əlamətləri müşahidə edilir. Ensefalit həmişə yayılmış
toksoplazmozun digər əlamətləri - qızdırma, intoksikasiya, qaraciyərin, dalağın böyüməsi və s.
fonunda keçir. Gedişi çox ağır olub, ölümlə nəticələnə bilir. Xəstəliyin bu cür gedişi qazanılmış
kəskin toksoplazmozun ensefalitik forması kimi qiymətləndirilir.
downloaded from KitabYurdu.org
418
Bəzən toksoplazmoz mərkəzi sinir sisteminin zədələnməsi əlamətləri olmadan
-
yatalağa bənzər formada keçir. Bu zaman digər əlamətlərlə yanaşı xəstəliyin 4-7-ci günlərindən
dəridə xarakterik səpgilər (vezikulyoz, papulyoz) meydana çıxır. Səpgilər çox olub, bir sıra
hallarda makulyoz xarakter daşıyır.
Bəzi hallarda kəskin toksoplazmoz latent toksoplazmozun fəallaşması və ya
xroniki toksoplazmoz fonunda inkişaf edir. Bu halda xəstəlik tədricən başlayır və mərkəzi sinir
sisteminin meninqoensefalit tipində zədələnməsi əlamətləri ilə xarakterizə olunur. Xəstəliyin
əlamətləri tədricən şiddətlənərək patoloji prosesə kəllə sinirlərinin, çox vaxt görmə sinirinin və
miokardin zədələnməsi əlamətlərinin qoşulması ilə müşayiət olunur. Sonrakı dövrlərdə xəstələrin
bir qismində beyin maddəsində kompüter tomoqrafiyasmda aşkar edilən kistaiar formalaşa bilər.
Neyroinfeksiya əlamətləri fonunda toksoplazmozun digər əlamətləri - limfa düyünlərinin
böyüməsi, hepatolicnal sindrom, artralgiyalar, mioalgiyalar müşahidə edilir. Belə xəstələrin
onıırğa beyninin punksiyasında onurğa beyni mayesi təzyiq altında çıxr, mülayim limfositar sitoz,
toksoplaz-moza qarşı antitellər - İgM, mikroskopiyada isə trofozoitləri aşkar etmək mümkündür.
Kəskin toksoplazmoz ağır keçir. Proqnozu kifayət qədər ciddi olub, le-tallıq belə
müşahidə edilir. Xəstəlikdən sağalanlarda isə rezudual əlamətlər qalır. Belə ki, müxtəlif dərəcədə
büruzə verən görmə sinirinin atrofiyası, diensefal pozğunluqlar, epilepsiyaya bənzər tutmalar,
kəllə daxili təzyiqin qalxması, ləng gedişli araxnoidit, görmənin zəifləməsi ilə gedən xorioretinit
kimi qalıq əlamətlər ola bilər. Diaqnoz qoyulub, vaxtında müalicə aparılması sağalma ilə də
nəticələnə bilər. Bu zaman II-li latent toksoplazmoz formalaşır.
Qazanılmış xroniki toksoplazmoz. I-li və II-li ola bilər. II-li xroniki
toksoplazmoz kəskin toksoplazmozun nəticələrindən biri kimi formalaşır. Gedişinə görə I-li
xroniki formanı xatırladır. Bununla belə hər il baş verən kəskinləşmələri, qısa müddətli
remissiyaların olması, rezidual əlamətləri ilə və aparılan spesifik müalicənin effektli olması ilə
fərqlənir.
I-li xroniki toksoplazmoz - bu zaman xəstəlik kliniki gedişinin polimor-fizmi ilə
diqqəti cəlb edir. Uzun müddətli, ləng gedişə malikdir və xəstəliyə xas olan potoqnomik əlamətlər
olmur. Xroniki intoksikasiya əlamətləri və subfeb-ril hərarət fonunda mərkəzi sinir sistemində,
vegetativ sinir sistemində pozğunluqlar, limfadenopatiya, qaraciyərin, dalağın böyüməsi, dayaq-
hərəkət, həzm və digər üzv, sistemlərin bu və ya digər dərəcədə zədələnmələri müşahidə edilir.
Xəstəlik tədricən başlayır. Ümumi zəiflik, halsızlıq, baş ağrısı, adinami-ya, yuxu
pozğunluğu, iştahanın pisləşməsi, psixoemosional ləbillik, yaddaşın pisləşməsi, əqli və fiziki
yorğunluq olur. Xəstələrdə ncvroz xarakterli funksional pozğunluqlar - astenik sindrom, fobiyalar,
bəzi hallarda isteriya tipli ağır nevrozlar, diensefal pozğunluqlar qeyd edilir. Xəstəliyin daimi
əlamətlərindən biri subfebril hərarətdir. Bu xəstələrin 90%-də qeyd edilən və aylarla davam edən
əlamətdir. Bəzən apireksiya dövrləri ilə növbələşərək dalğavari xarakter daşıyır. Normallaşmış
temperatur qadınlarda menstruasiya ilə əlaqədar yenidən büruzə verə bilər.
Xəstələrin 85%-də limfadenopatiya olur. Əsasən periferik - boyun, ənsə,
qoltuqaltı, qasıq limfa düyünlərinin böyüməsi qeyd edilir. Böyümüş limfa düyünlərinin diametri
1-3 sm-ə çatır, əvvəllər palpasiyada yumşaq, bir qədər ağrılı olursa da, sonralar ölçüləri kiçilir,
bərkləşir və ağrısız olur. Əksər hallarda mezenterial limfa düyünləri də prosesə cəlb olunur. Bu
downloaded from KitabYurdu.org