9
bilməyib. Oğlan elə yerindəcə, “ikinci sevgilisi”nin qucağında
keçinib. Sonra həbsxanalar...
Bütün bunları mənə Klara xalanın qonşusu Nəsibə xala
söyləmişdi. Və bunun müqabilində qonşu bu xəbərin ondan
eşitmədiyini dönə
-
dönə məndən xahiş etmişdi. Ev sahibəmiz
özü isə bizə şəxsi həyatı barədə bircə kəlmə belə
danışmamışdı. Bu barədə ondan soruşanda, Klara xala
həmişə susardı. Onu da qeyd edim ki, Klara xalanın yaşının
çox olmasına baxmayaraq, özünün dediyinə görə bu günə kimi
səhhətindən heç vaxt şikayətlənməyib.
Bir dəfə gördüm ki, Klara xala əlində həsir zənbil bazardan
gəlir. Ona yaxınlaşıb kömək etmək istədim. Amma o, etiraz
etdi:
- Oğul, həyatda indiyə kimi, yaşadığım anlarda kimsənin
köməyinə heç ehtiyac duymadım. Həyatda həmişə yalnız
özümə güvəndim və təkbaşına mübarizə apardım.
- Klara xala, niyə həyatda kimsəyə inanmadınız? İnsan
inamsız həyatda necə yaşaya bilər?! - deyə soruşdum.
- Ömrüm boyu yalnız bircə dəfə kiməsə inanmaq istədim.
Amma həmin vaxt da xəyanətlə qarşılaşdım. Bundan sonra
içimdəki o inam hissini əbədi “dəfn” etdim.
- Klara xala, insan bütün ömrü boyu yalqız, tənha yaşaya
bilməz ki. O, kiməsə inanmalı, kiməsə ürəyini açmalı, dərdini-
sərini kiminləsə paylaşmalıdır.Həyatda hər bir insanın
həmdəmi, ürək sirdaşı hökmən olmalıdır. - dedim.
Amma Klara xala bundan sonra mənimlə daha danışmaq
istəmədi...
Bu söhbətdən iki-üç gün keçmişdi, dərsdən çıxıb evə
gəlirdim. Yolumu evimizin yanındakı parkdan saldım. Məndən
sağ tərəfdəki skamyada iki yaşlı - bir kişi, bir qadın oturub
şirin-şirin söhbət edirdilər. Onların bərabərliyinə çatanda,
gözlərimə inana bilmədim. Bu Klara xala idi. O, məni görcək
gülümsədi. İlk dəfəydi ki, ev sahibəsinin üzündə təbəssüm
10
görürdüm. Mən onların “məhəbbəti”nə mane olmamaq üçün
sadəcə salam verib, evə yolumu davam etdirdim.
Ertəsi gün də onları həmin skamyada birlikdə gördüm.
Üçüncü-dördüncü günlərdə də...
Bir axşam özümü saxlaya bilməyib Klara xalaya dedim:
- Klara xala, deyəsən artıq özünə həmdərd tapmısan? Düzü,
buna çox sevindim. Əlbəttə, belə bir yaşda insan kiminləsə
həmsöhbət olmalıdır ki, dərd-sərini unutsun.
- Sən haqlısan, oğul. Tənhalıq, yalqız olmaq ancaq Allahın
şəninə yaraşıb. Mən başa düşdüm ki, tənhalıq adamı məhv
edir, insanın axırına çıxır, onu bitirib tükəndirir. Mən bu bir
neçə gündə özümdə qəribə halların baş verdiyini hiss edirəm.
İçimdə sanki vulkan kimi nəsə qaynadığını duyuram, - deyə
Klara xala sanki utanırmış kimi astadan söylədi.
- Bundan sonra hələ çox şeylərin şahidi olacaqsınız, Klara
xala, - deyə zarafatla gülümsədim.
Bir həftə idi ki, ev sahibəsi həyətdəki kirayəçilərlə çox
mehriban, səmimi dolanırdı. Kirayəçilər Klara xalanın onlara
qarşı bu davranışlarına təəccüb edirdilər. Onlardan birisi dözə
bilməyib, mənə yaxınlaşaraq dedi:
- Cəmil, son günlər Klara xalada bir dəyişiklik hiss edirsənmi?
- Necə bəyəm? Hansı mənada deyirsən, Eldar? - deyə özümü
o yerə qoymadım.
- Necə deyim, Klara xala sanki başqa bir adam olub. Elə bil
ki, əvvəlki qəddar, əzazil Klara gedib, onun yerinə xeyirxah,
mehriban, qayğıkeş birisi gəlib. - Eldar təəccübünü gizlədə
bilmədi. - İnsanın birdən-birə bu qədər dəyişdiyinə heç cür
inana bilmirəm.
- Eldar, həyatda hər şey ola bilə və hər şey mümkündür! -
gülərək bildirdim.
Əlbəttə, həyətdəki kirayəçilər Klara xalanın “ahıl sevgi”si
barədə heç nə bilmirdilər.
Klara xala ilə naməlum yaşlı kişi arasındakı sevgi macərası
iki həftə idi ki, davam edirdi. Onlar hər gün günortadan sonra
11
parkdakı skamyalarında oturub dərdləşirdilər. Amma bir gün
Klara xalanı həmin skamyada tək oturan gördüm. Ona
yaxınlaşıb təəccüblə soruşdum:
- Klara xala, bu gün nə əcəb təksiniz? Bəs o, gəlməyib?
- Mən də başa düşmədim. Gəlməli idi, ancaq hələ də gəlib
çıxmayıb. Çünki dünən Rəhman özü söz vermişdi, - deyə
Klara xala “aşiq”inin bu gün gəlməməsinə narahat oldu.
- Fikir etmə, harda olsa gələr, - deyə ev sahibəsinə ürək-dirək
verdim.
Amma həmin gün Rəhman kişi görüş yerinə gəlmədi. Klara
xala da çox narahat görünürdü. O, bir neçə dəfə həyətdən
küçəyə çıxıb parka boylanmışdı da. Rəhman ertəsi gün də
görüş yerinə gəlməmişdi. Artıq Klara xalanın həyəcanını hər
kəs hiss edirdi. O, sanki qəfəsə salınmış quş kimi çırpınırdı.
İki gündən sonra xəbər çıxdı ki, Rəhman kişini doğma oğlu
bıçaqla qətlə yetirib. Klara xala bu xəbərdən bərk sarsıldı,
hətta yatağa düşdü. O, iki gün nə bir tikə çörək yedi, nə də bir
qurtum su içdi. Bizim də bütün səylərimiz nəticəsiz qaldı.
Üçüncü gün Klara xalanın halı fənalaşdı. Təcili yardım
çağırdıq. Həkim Klara xalanın qida rejiminə hökmən diqqət
yetirməsini tapşırdı. Həmin gün mənim və həyətdəki
kirayəçilərin təkidi ilə zorla ev sahibəsinə bir-iki tikə çörək
yedizdirə bildik.
Ertəsi gün dərsdən evə qayıdarkən, həyətdə çoxlu
adamların toplaşdığını gördüm. Nə hadisə baş verdiyini
soruşdum. Dedilər ki, Klara xala infarkt keçirib, sol tərəfi iflic
olub, nitq qabiliyyətini də itirib, danışa bilmir. Mən cəld ev
sahibəsinin otağına girdim. Klara xala hərəkətsiz halda
çarpayıda uzanmışdı. Ona yaxınlaşdım. Məni görcək,
doluxsundu, gözlərindən bir damla yaş axaraq, yanaqlarında
donub qaldı. O, indi məsum və son dərəcə yazıq baxışlarıyla
mənə nəsə deməyə çalışırdı, ancaq bacarmırdı. Mən isə bu
gözlərdəki mənanı anladım. Klara xala mənə demək istəyirdi
Dostları ilə paylaş: |