142
Mənə dözüm ver, İlahi!
(Esse)
B
u nadanlardan, riyakarlardan, məddahlardan, yaltaq-
lardan, namus və şərəfini heçə sayanlardan, mənən
kasıblardan, qürursuz, ləyaqətsiz, mənliyini iki quruşa
satanlardan, əqidəsi sürüşkənlərdən, eşqinə, torpağına,
Vətəninə, ailəsinə, mənliyinə sahib çıxa bilməyənlərdən,
rüşvəti həyat amalına çevirənlərdən, özünü, axirətini
unudanlardan, yarımçıq “insan”lardan, soy kökündən uzaq
düşmüş, harınlaşmış məmurlardan, saxtakar, həmişə yalan
danışanlardan, etibarsız dostlardan, xəyanətkar yoldaşlardan,
dinsiz-imansızlardan, məsləki məlum olmayanlardan məni hifz
elə, İlahi!
Sənin yaratdığın bəndələrin hansı oyunlardan çıxdığını Sən
bizdən daha yaxşı görürsən, İlahi! Çünki Sən hər şeyi görən və
bilənsən. İndi mən bu insan cildinə girmiş şeytanlardan qaçıb
harada gizlənim?! Bilirəm, bu mümkün deyil. Onlarla çiyin-
çiyinə yaşamağa məhkum olunmuşuq. Ancaq onlar da
yağışdan sonra çıxan göbələklər kimi günü-gündən çoxalır.
Düz söz kəsərdən düşüb, haqsız özünü haqlı sayır. Yalan
insanlara həqiqət donunda sırınır. Oğul onu əkən dogma
atasına qarşı çıxır, ona hörmətsizlik göstərir, bəzən isə kiçik bir
mübahisə üstündə onu qanına qəltan etməkdən belə çəkinmir.
Ar-namus deyilən daha bir şey qalmayıb. Böyük-kiçik pərdəsi
aradan götürülüb. İstədin-istəmədin yaşadığın cəmiyyətin
yazılmamış qanunlarına tabe olmalısan. Bu qanunlar sənin
əleyhinə yönəlmiş olsa belə. “Demokratiya” pərdəsi altında
sənə hər gün “avtoritarizm şorbası” yedizdirirlər. Uzun illərdən
bəri tanıdığın, etibar etdiyin, ürəyini açdığın dostun, iş yoldaşın
sənə arxadan elə bir zərbə vurur ki, ömrün boyu bunun acısını
143
unuda bilmirsən. Sevdiyin qız sənə xəyanət edir. Buna görə o,
heç tükünü belə darağa vermir. Ömründə, həyatında ilk dəfə
rastlaşdığın bir adam sənin üzünə at kimi dirənir, nəticədə səni
haqsız yerə həbs edirlər. Ədalət məhkəməsindən: “Axı nəyə
görə?!” deyə soruşanda, o, da cavabında: “Yuxarıların
göstərişidir. Burada bizlik bir iş yoxdur. Biz də buyruq quluyuq”
deyir. Budurmu ədalətli cəmiyyət?! Budurmu hüquqi dövlət?!
Cəmiyyətdə insanların haqlı şikayətlərinə baxılmayanda,
haqsız yerə incidiləndə, hüquqları tapdalananda, qüruru,
şərəfi, mənliyi şərəfsizlər tərəfindən ayaqlar altına atılanda, o
zaman insanlar arasında intihara cəhd halları çoxalır.
Haqsızlığa, ədalətsizliyə dözməyən insanlar son çarəni
intiharda - hamının gözü qarşısında özünə od vurub
yandırmaqda görür. Heç nəyi vecinə almayan harınlaşmış
məmurlar isə bu odu pulla, rüşvətlə söndürməyə çalışır. Kağız
üzərindəki qanunlar isə sanki aşağı təbəqə üçün yazılmışdır.
Bu “ədalətli qanunlar” demokl qılıncı kimi cəmiyyətin yalnız
kasıb təbəqələrinin başı üzərində asılıb qalmışdır. Yuxarılar
üçün isə bu qanunlar heç bir əhəmiyyət kəsb etmir. Onlar
“atları”nı istədikləri kimi, istədikləri səmtə çapa bilirlər. Kimsə
onlara “gözünün üstə qaşın var” deməyə cəsarəti çatmır.
İndi hamı özünə arxa axtarır. Arxan yoxdursa, sənə yaxın
durmurlar, səni eşitmirlər, ən önəmli təkliflərin, ideyaların,
mütərəqqi fikirlərin, elmi kəşflərin həyata keçilməsi
mümkünsüz olur. Dediyin hər bir qiymətli sözün nadanlar
yanında qiymətsiz olur, sözün kəsərdən düşür. İlahi, Sən
mənə dözüm ver! Məni bu əbləhlərə möhtac etmə! İlahi, Sən
özün mənə dayaq, arxa ol! Ümid yerim yalnız Sənsən, ya
Rəbbim!
Şair dostum Əlizadə Nurinin dediyi kimi: “Gərək heç vaxtını
almayaydım, İlahi! …Gileyimdən incimə, lütfünə qurban, İlahi!
Səndən heç nə istəmirəm, mənə dözüm ver, Allah! Başım üstə
dayanan bu başıboş başlara, bu ürəyi daşlara, bu oğru
başılarına, bu əfəl əbləhlərə, taleyimə dolaşan min rəngli
144
kələfləri çözə bilməyim üçün mənə dözüm ver, İlahi! … Çəpər
çəkib yoluma, Qurd olmaya-olmaya Qurd kimi ulayanlar, bax
bu zatı qırıqlar, bu meydan sulayanlar, hər axşam mədəsini o
meydən sulayanlar… Kimə namə yazdımsa, bir kimsədən
mənə cavab gəlmədi. Ha gözlədim “can” deməyə bircə cənab
gəlmədi… İlahi, dediyim sözlərə görə hər yandan qılınclar enir
üstümə. Sən gəl, mənə qalxan ol! Allah, mənim arxam yoxdur,
Sən başım üstə arxam ol!”
Məni yaşadan, bu gün həyatda ayaqda durmağıma səbəb
Sənə olan inamım və ümidimdir, İlahi! İçimdəki imandan heç
zaman uzaq düşmədim, ən çətin anımda belə. Güvəndiyim
insanlardan üz döndərəndə də, yalnız Sənə sığındım, Sənə
pənah gətirdim. Sən mənə sahib çıx, ya Rəbbim!
04.02.2014