Camal Zeynaloğlu
Yüklə 2,8 Kb. Pdf görüntüsü
|
192 ruzu-bərəkətli və qonaq-qaralı olsun! Bacın Hacı Azadə. 13.11.2011”. Hacı Azadə dostluqda və yoldaşlıqda çox etibarlı, doğru- dürüst və sədaqətli bir xanımdır. Yəni, mən demək istədiyim odur ki, bu xanımda əsl müsəlman qadınında xas olan çoxlu müsbət keyfiyyətlər vardır. Sual oluna bilər ki, müsəlman qadınına vacib olan əsas keyfiyyətlər hansılardır. Mən imkanım daxilində Hacı Azadə xanımın müsəlmançılığa xas olan keyfiyyətlərini sadalayacağam. Bu qadında əqidəsinə görə Allah-təala və onun Rəsulunun (səllallahu aleyhi və səlləm) buyurduqlarının haqq olduğuna yəqinliklə inanmaq və bu yolda özündən əvvəl gələn əməli saleh müsəlmanların metodlarını (xeyir işlər görmək, kimsəsizlərə, cəmiyyətdə mənəvi və maddi yardıma ehtiyacı olanlara kömək etmək, valideynlərini itirmiş uşaqlara, yetimlərə əl tutmaq, onlara qayğı göstərmək, hər yerdə xeyirxah əməllər nümayiş etdirmək) dərk edərək həyatın bütün anlarına tətbiq etmək üçün əlindən gələni hər şeyi etmək bacarığı və istəyi vardır. Hacı Azadə xanımın əxlaqına gəlincə, onu deməliyəm ki, onun əxlaqi kamil İslam əxlaqıdır. O, müasir qadın, həyatın müxtəlif sahələrində ictimai fəaliyyət göstərməsindən asılı olmayaraq İslamın nişanəsi olan hicab qaydasına daim riyaət edir. Müsəlman qadınına xas olan digər keyfiyyət onun ədəbidir. İslam ədəbinin əsas xüsusiyyətləri qadının həyalı, iffətli, ismətli və təmizkar olmasıdır. Qeyd etdiyim bu xüsusiyyətlər də Hacı Azadə xanımda mövcuddur. Digər bir xüsusiyyət isə Hacı xanımın digər mömin insanlardan götürdüyü nümunədir. Belə ki, bacımızın üstün cəhətlərindən biri də həmişə mömin analardan, səhabə qadınlardan və eləcə də bütün əməli saleh qadınlardan nümunə götürməsidir. Hacı Azadə xanımın sevgisi isə yalnız Allah və onun Rəsuluna, eləcə də İslamla bağlı hər kəs (hər şey) üçündür. 193 Onun gizliəməlləri hər zaman axirəti xatırlamaq, sədəqə vermək, yetimləri sevindirmək, darda olan insanlara kömək əlini uzatmaq və xeyirxah işlər görməkdir. Hacı Azadə xanımın əsl qadın dostları dininə möhkəm bağlı, əxlaqlı müsəlman qadınlarıdır. Hacı xanımın sevmədiyi əsas xüsusiyyətlər bunlardır: Allaha şərik qoşmaq, haram olan hər şeyə qarşı çıxmaq, əxlaqsızlıq yayan insan və düşüncə tərzinə, bir sözlə qəbir əzabına səbəb olan bütün əməllərdən daim uzaq olmaq, dostlarını və sevdiklərini də bunlardan uzaq tutmaq. O, öz günahını səmimi etiraf etməyi bacaran, səhvini başa düşən və bunlara tövbə edən insanlara həmişə hörmət və rəğbət bəsləyir. Hacı Azadə xanım eyni zamanda gözəl anadır. O bircə ciyərparası olan Talehin üstündə əsim-əsim əsərək onu hər cür neqativ hallardan, pis insanlardan, pis vərdişlərdən uzaq tutmağa çalışır və onu əsl mərd, cəsur azəri Türk övladı olaraq Vətənini, xalqını, torpağını canından artıq sevən bir vətəndaş kimi tərbiyə edir. Bu yolda o, ana olaraq əlindən gələn hər şeyi etməyə çalışır. Hacı xanımın həyat yoldaşı Cavanşir də həyatda hər zaman ona dəstək olur. Bu ailənin əsas məqsədi yaxşı və möhkəm bir müsəlman ailəsi qurmaq, əsl İslami dəyərlərə əsaslanmış cəmiyyətin bünövrəsini qoymaq, adamlara, cəmiyyətə, dövlətinə layiq nəsil yetişdirməkdir. Hacı Azadə xanım şəriətlə müəyyən edilmiş hədlər daxilində səyahət etməyi xoşlayan qadındır. O, həmişə gəzintilərdən zövq almağa çalışır. Buna görədir ki, Hacı xanımı tez-tez xarici ölkələrdə həm işgüzar səfərlərdə, həm də maraqlı səyahətlərdə görmək mümkündür. O, eyni zamanda tez-tez qohumlara baş çəkir, xəstələri ziyarət edir, hər kəsə kömək etməyə tələsir. Bunu o, özünün insanlıq borcu hesab edir. Deməli, insanı tanıtdıran onun qadınlığı və kişiliyi deyil, əksinə onun insanlığıdır. Bundan əlavə qadın, Quranınbaxışında kişi 194 kimi yaradılışın təkamül nöqtəsinə yetişə bilər və bu yolda heç də kişidən əskikliyi yoxdur. Hər vaxt Qurani- Kərim təkamüldən söhbət açır, qadını da onunla birlikdə zikr edir. Həmçinin Quran qadınla kişinin bərabərliyini israr etməklə yanaşı onları, bir-birlərinə eşq-məhəbbət bəsləməklə asudə yaradıldıqlarını qeyd edir. Yəni qadın və kişi bir-birinə məhəbbət bəsləməklə öz aramlıqlarını əldə edirlər. Həyatda yazıb-yaratmaq, fəaliyyət göstərmək, öz yaradıcı fəaliyyətinin nəticələri ilə fəxr etmək insana heç bir şeylə müqayisə edilməyən məmnunluq duyğusu verir və onu yeni- yeni yaradıcılığa ruhlandırır. Hacı Azadə xanım da öz ədəbi yaradıcılığı ilə həmişə fəxr edir, öyünür və mənəvi rahatlıq tapır. O, həkimliklə yanaşı, jurnalistika və ədəbi yaradıcılıq sahəsində də yorulmaq bilmədən, məhsuldar çalışaraq ədəbiyyat xəzinəmizə bir çox maraqlı poemalar, hekayələr, şeirlər, qəzəllər, rübailər, nəğmələr, bayatılar, lətifələr, uşaqlar üçün tapmacalar töhvə etməklə onun zənginləşdirilməsində öz payını əsirgəməmişdir. Hacı Azadə xanım bədii yaradıcılıqla 35 ildir ki, məşğul olur. Bu yaradıcılıq baxımından o qədər də kiçik zaman deyil. Belə ki, Hacı xanım ilk qələm təcrübəsini 1984-cü ildə “Tibb kadrları uğrunda” qəzetində sınamışdır. Bundan sonra o, 1994- cü ildə “Səhər” qəzeti redaksiyasında şöbə müdiri vəzifəsində çalışmışdır. O, eyni zamanda 1996-cı ildən “Borçalı” qəzetinin və eyni adlı jurnalın baş redaktoru, 2002-ci ildən “Kardiologiya”, “Hakimiyyət və Zaman” jurnallarının təsisçisi və naşiri, 2003-cü ildən “Qafqaz -Media” İctimai Birliyin sədri və “Qafqaz-Press” qəzetinin təsisçisi və baş redaktorudur. Hacı Azadə xanım “Nə yaxşı ki, dəniz varmış” (1999), “Borçalı lətifələri” (2000), “Taleyim mənim, Talehim mənim” (2000), “Dədə Qorqudda Borçalı izləri” (2001), “Tənha ağac” (2002), “Sənsiz” (2002), “CO metal və canlı orqanizm” (2003) Yüklə 2,8 Kb. Dostları ilə paylaş:
|