189
410 qoca) itkin düşüb, 783 çox vətəndaşımız əsir və girov
götürülüb, 20 mindən çox insan qətlə yetirilib, yüz mindən
artıq adam yaralanıb və şikəst olub, 1 milyondan artıq
soydaşımız qaçqın düşüb.
Ümumiyyətlə,
Azərbaycanın Dağlıq Qarabağ ərazisinin və
ətraf 7 rayonun Ermənistan tərəfindən işğal edilməsi
nəticəsində Azərbaycanın tarix və mədəniyyət abidələri üzrə
dəyən zərər 177 milyard ABŞ dolları, əhalinin mülkiyyətinə
dəyən zərər isə 55,4 milyard ABŞ dolları təşkil edib.
Bu gün respublika rəhbərliyinin apardığı inadlı və ardıcıl
siyasətin nəticəsində Xocalı soyqırımı artıq bir neçə dövlətlər
tərəfindən soyqırım kimi tanınmışdır. Belə ki, 2010- cu ildə
ABŞ-ın Massaçusets ştatı, 2011-ci ildə ABŞ-ın Texas və Nyu-
Cersi ştatları, 2012-ci ildə Corciya və Men ştatları, 2012-ci ildə
Meksika, Pakistan və Kolumbiya dövlətləri, 2013-cü ildə ABŞ-
ın Nyu-Meksiko, Arkanzas, Missisipi, Oklahoma, Tennessi,
Pensilvaniya, Qərbi Virciniya,
Konnektikut vəFlorida ştatları,
2013-cü ildə Çexiya, Bosniya və Herseqovina, Peru, 2014-cü
ildə Honduras və Sudan Respublikası
Xocalı soyqırımını
rəsmən tanımışdır.
Biz bəşəri cinayət olan Xocalı soyqırımını
və Azərbaycana
qarşı erməni ekstremistlərinin təcavüzünə və vəhşiliklərinə
dünya dövlətlərinin, eləcə dəbütün beynəlxalq təşkilatların
biganə qalmamağa, Xocalı faciəsini insanlığa qarşı soyqırımı
aktı kimi tanımağa çağırırıq.
Dünya ictimaiyyəti bundan sonra erməni ekstremistlərinin
məkrli təbliğatına uymamalı, özgə torpaqlarına göz dikən
terrorçu dövlətin törətdiyi insan əxlaqına, beynəlxalq hüquqa
zidd qanlı qırğını
a
öz
a
adı
a
ilə
a
çağırmalıdır.
190
Xeyirxah əməllər yolçusu
"Qadına gücündən artıq (iş) yükləmə. Çünki qadın (qüdrətli)
pəhləvan kimi deyil, gül şaxəsi kimidir. Ləyaqəti çatdığı qədər ona
ehtiram et, lazımsız yerə izhar edib (bədgümanlıq əlaməti olaraq)
qeyrətlənməkdən uzaq ol. Çünki etimadsızlıq və bədgümanlıq
qadınları iffətsizliyə, günahsızları günaha sövq edir".
İmam Əli (ə)
İnsan həqiqətən də Allah-Təalanın yer üzərindəki ən sirli
möcüzələrindən biridir ki, onu kəşf etmək mümkün deyildir.
Bu gün rastlaşdığımız, yol-yoldaşı olduğumuz, illərlə bir yerdə
ömür sürdüyümüz, ilk baxışda sadə gördüyümüz insan, sən
demə, bizim hər birimiz üçün oxunmayan sirlər xəzinəsidir. Bu
xəzinəni axıra kimi öyrənmək, onun sirrini anlamaq isə indiyə
kimi heç kəsə nəsib olmayıbdır.
“Rəhimlilərin ən rəhimlisi olan Allahın adı ilə” sözlərilə
başlanan Qurani-Kərimin əsas mövzularından biri olan insan
öz gücü və zəifliyi, gözəllikləri və çirkinlikləri, üstünlükləri və
çatışmamazlıqları ilə böyükdür. Təsadüfi deyildir ki, Furqan
surəsinin ilk iyirmi ayəsi məhz insan haqqındadır.
Bu ayələrdə deyilir ki, insan kainat ağacının meyvəsidir:
fəqət bu meyvənin yetişməyi üçün şaxəli budaqlar və
rəngarəng çiçəklər kifayət etməz. Ağacın yer altındakı
qaranlıqlara və dərinliklərə kök atması lazım olduğu kimi,
insan da çətinliklərə və əzablara qatlaşmadan istədiklərinə nail
ola bilməyən bir varlıqdır.
Allah-Təalanın mükəmməl bir quruluşda yaratdığı insan
cəmiyyətin və hətta kainatın əsası sayılır. Bu da insanın daxili
aləminin nizamlanmasını və qidalanmasını tələb edir.
191
Qurani-Kərimə görə bütün dəyişikliklərin əsası insanın daxili
aləmindədir. Hər bir insanın ruhundakı dəyişikliklər kainatda
və cəmiyyətdə baş verən mühüm dəyişiliklərlə bağlıdır.
Mən yazımın əvvəlində nahaqdan qadınlar haqqında İmam
Əlidən(ə)b sitat gətirmədim. Çünki bu kitabı iyirmi ildən artıq
tanıdığım, dostluğuna, yoldaşlığına, əqidəsinə, əxlaqına,
idrakına yaxından bələd olduğum Hacı Azadə xanım
Abbasqızına həsr etməyim heç də təsadüfi deyildir. Yaxşı
insanlar haqqında söz demək, onları olduqları kimi yaşadığı
cəmiyyətə tanıtmaq böyük savab işdir. Bu gün qadınlarımızın
cəmiyyətdə tutduğu mövqeyi, istər rəhbər vəzifələrdə, istərsə
də həyatın müxtəlif sahələrində ciddi və səylə çalışmaları
onların kişilərdən heç də geri qalmadıqlarını bir daha sübut
edir. Qadınların ictimai tərbiyədə, insanların ümumi
inkişafında, övlad tərbiyəsində analıq haqlarında, kişilərə həyat
yoldaşı olmaqda, kişilərlə birgə həyat yolunda addımlamaları
inkar edilməz faktlardır.
Belə ki, Qurani-Kərim Allah-Təaladan sonra valideynə
itaət etməyi əmr etmişdir. Amma bu itaətdə qadın və kişinin
arasında heç bir fərq qoymamışdır. Həmçinin böyük islam
Peyğəmbəri xanım Xədicəyə (s) və xanım Zəhraya olduqca çox
məhəbbət bəsləmiş və onlara hörmətlə yanaşmışdır.
Hacı Azadə xanımı tanıyanlar, dostları, həmkarları onun
şəxsiyyəti, təbibliyi, ictimai fəaliyyəti, ədəbi yaradıcılığı
haqqında bəs qədər ürək sözlərini söyləyiblər. Mən də Hacı
Azadə xanımın ictimai fəaliyyətindən və bədii yaradıcılığı
barədə az da olsa söhbət açacağam. Amma mənim yazımın
əsas qayəsi Hacı Azadə xanımın mömin qadın obrazına işıq
salmaq olacaq. Hər şeydən öncə onu qeyd edim ki, o, dəfələrlə
Həcc ziyarətində, eləcə də Məşhəddə, Kərbəlada, Məkkə və
Mədinədə olub. Ziyarətlərin birində hətta, o mənə bir mesaj da
göndərmişdi. Həmin mesajda Hacı Azadə xanım yazırdı:
“
Qardaşım Camal, bu gün Mina dağında sənə və ailənə dualar
etdim. Allah-təala səni və ailəni daim qorusun! Süfrən həmişə