Blok kötüyü üzərinə kaptalın və kağız zolağının yapışdırılması. Kaptal kənarı qalınlaşdırılmış rəngli parça şəriddir. Onu blokun kötüyünün yuxarı və aşağı kənarlarına yapışdırırlar. O tərtibat elementidir və blokun kötüyünün uc hissəsinin bərkidilməsinin möhkəmliyini artırmaq üçündür. Blokun qalınlığına bərabər olan yapışdırılmış kağız zolaq dəftərlərin blokda bərkidilmə möhkəmliyini artırır, yapışqan qatını çatlamaqdan qoruyur. Kaptal və kağız zolaq kötük üzərinə kaptal yapışdırma maşınlarında yapışdırılır.
Sadə konstruksiyalı bloklardan ibarət olan kötüklü kitabların, yəni blokun kötüyünün yastı şəkildə kantlanması, ayrı-ayrı dəftərlərlə sapla tikilməsi, adətən aşağıdakı sxem üzrə hazırlanır: kitab bloklarının sadə və mürəkkəb dəftərlərdən komplektləşdirilməsi; kötük materialı olmadan ayrı-ayrı dəftərlərin sapla tikilməsi (şəkil 37,a), kötüyün yapışdırılması və kötük materialı ilə kantlanması, onun klapanlarının forzas üzərinə qatlanması (şəkil 37,b); blokların qurudulması və üç tərəfdən kəsilməsi (şəkil 37,c); sərt kötük yerli cild qapaqlarının hazırlanması və tərtib olunması, blokların cild qapağında yerləşdirilməsi (şəkil 37,ç); kitabların preslənməsi və ştrixlənməsi (şəkil 37,d).
Şəkil 37. Sapla tikilmiş sadə konstruksiyaya malik kötüklü
kitabların hazırlanma sxemi
Dostları ilə paylaş: |