Blokların kötüyünün kantlanması. Yapışqanla və ya tikiş-yapışqan üsulu ilə və həmçinin cunasız dəftərlərin bir-bir tikilməsi ilə bərkidilmiş bloklar üçün kötük materialının funksiyasını kantlama materialı yerinə yetirir. O bütün kötük üzrə bütöv lent şəklində yapışdırılır və forzas üzərinə əyilərək (hər tərəfə 15-20 mm) yapışır.
Kantlama materialı kimi cuna ilə yapışdırılmış möhkəm kağızdan və ya qeyri-parçadan olan lifli materialdan istifadə olunur. Kantlama tikişsiz bərkitmə və ya xüsusi kantlama maşınlarında yerinə yetirilir.
Kötüyün sıxılması və blokların üç tərəfdən kəsilməsi. Dəftərlərin kötük hissəsində kağızın elastiklik xüsusiyyətlərindən asılı olaraq və tikiş zamanı sap ilgəklərinin olması səbəbindən yapışqan çəkilmiş blokun kötük hissəsinin qalınlığı həmişə qabaq hissədən böyük olur. Sadə sıxıcı preslərdə sıxıldıqdan sonra kötüyün qalınlığı bir qədər azalır. Bu da blokun üçtərəfli kəsmə şəraitini yaxşılaşdırır. Bundan başqa sıxma zamanı dəftərlərin birləşməsinin möhkəmliyi artır və blokun kötüyünün monolitliyi yüksəlir.
Sıxılmış bloklar bizə məlum olan üç bıçaqlı kəsmə maşınında kəsilir. Bloklar yuxarı hissədən 3-4 mm, qabaq tərəfdən 5 mm və aşağı hissədən 6-7 mm ölçülərdə kəsilir. Alınmış blokların ölçülərinin dəqiqliyinə, onların düzbucaqlı olmasına və kəsimlərin hamarlığına xüsusi diqqət yetirilir (şəkil 34,c)
Dostları ilə paylaş: |