1
SAYLI
P
ROTOKOLUN
3-
CÜ MADDƏSI ÜZRƏ TƏLIMAT
–
A
ZAD SEÇKI HÜQUQU
qazandırmaq üçün həmin siyahılarda yer almayan məqsədə istinad etməkdə sərbəstdirlər, bu
şərtlə ki, nəzərdən keçirilən işin konkret halları baxımından həmin məqsədin
qanunun aliliyi
prinsipinə və Konvensiyanın ümumi məqsədlərinə uyğun olduğu sübuta yetirilməlidir.
9. "Dolayı məhdudiyyətlər" konsepsiyası həmçinin o deməkdir ki, Məhkəmə 8-11-ci
maddələrin kontekstində istifadə edilən məhdudiyyətin "zəruriliyi" və ya "təxirəsalınmaz
ictimai tələbatdan" irəli gəlməsi kimi ənənəvi meyarları bu halda tətbiq etmir. Məhdudiyyətin
1 saylı Protokolun 3-cü maddəsinə uyğunluğunu araşdırarkən Məhkəmə diqqətini əsasən iki
meyara yönəldir: məhdudiyyət əsassız və ya qeyri-mütənasib idimi və xalqın öz rəyini sərbəst
ifadə etməsinə müdaxilə təşkil edirdimi? Bundan əlavə, o, hər hansı ölkənin seçki
qanunvericiliyini həmin ölkənin siyasi təkamülü kontekstində qiymətləndirməyin zəruriliyini
vurğulayır, bu isə o deməkdir ki, bir sistemdə qəbuledilməz sayılan cəhətlərə digər sistemdə
haqq qazandırıla bilər (
Matye-Moen və Klerfeyt Belçikaya qarşı
, 52-ci bənd;
Jdanok
Latviyaya qarşı
[BP], 103-104 və 115-ci bəndlər).
10. Parlament seçkilərində səs vermək hüququna ("aktiv aspekt") nisbətən namizəd qismində
iştirak etmək hüququna ("passiv aspekt") daha sərt tələblər tətbiq edilə bilər. Faktiki olaraq, 1
saylı Protokolun 3-cü maddəsinin "aktiv" aspekti ilə bağlı qiymətləndirmə adətən şəxsi və ya
şəxslər qrupunu səs vermək hüququndan məhrum edən qanunvericilik normalarının
mütənasibliyinin daha geniş şəkildə qiymətləndirilməsini özündə ehtiva etdiyi halda, seçki
hüququnun "passiv" aspekti bağlı Məhkəmənin qiymətləndirməsi əsasən şəxsin namizədliyini
irəli sürmək hüququndan məhrum edilməsinə gətirib çıxaran ölkədaxili prosedurlarda sui-
istifadə hallarının olub-olmadığının yoxlanması ilə məhdudlaşır (
yenə orada
, 115-ci bənd;
Melniçenko Ukraynaya qarşı
, 57-ci bənd).
11. Seçki hüququnun "passiv" aspektinin pozulduğunu məhz kimin iddia etmək hüququna
malik olması məsələsinə gəlincə, Məhkəmə qəbul edib ki, seçki qanunvericiliyi və ya milli
hakimiyyət orqanları partiya siyahısındakı ayrı-ayrı şəxslərin seçkidə namizəd qismində
iştirak hüququnu məhdudlaşdırırsa, müvafiq partiya məhz partiya qismində, öz
namizədlərindən ayrılıqda bu pozuntunun qurbanı olduğunu iddia edə bilər (
Gürcüstan Əmək
Partiyası Gürcüstana qarşı
, 72-74-cü bəndlər;
Riza və başqaları Bolqarıstana qarşı
, 142-ci
bənd).
12. Nəhayət, ölkənin seçki sistemini araşdırarkən (bu araşdırma istər seçki hüququnun
"aktiv", istərsə də "passiv" aspektinə aid olsun) Məhkəmə dövlətlərin tarixi kontekstlərinin
müxtəlifliyini nəzərə alır. Belə ki, şəraitlərin bu müxtəlifliyi onunla nəticələnə bilər ki,
Məhkəmə bir ölkənin seçki normaları ilə digərininkinin fərqliliyini qəbul edə, eləcə də
araşdırılan dövrdən asılı olaraq seçki sistemi qarşısında qoyulan tələbi daha yuxarı səviyyəyə
qaldıra və bununla bağlı izahat verə bilər.
II. Aktiv aspekt: səsvermə hüququ
13. Seçki hüququnun "aktiv" aspekti məhdudiyyətlərə məruz qala bilər. 1 saylı Protokolun 3-
cü maddəsinin əhatə etdiyi hər hansı digər məsələ kimi bu məsələdə də üzv dövlət müəyyən
qiymətləndirmə sərbəstliyinə malikdir ki, onun da hüdudları kontekstdən asılı olaraq fərqlənə
bilər. Məsələn, seçki prosesində kifayət qədər yetkinləşmiş şəxslərin iştirakını təmin etmək
üçün minimal yaş həddinin müəyyənləşdirilməsi mümkündür (
Hörst Birləşmiş Krallığa qarşı
(№ 2)
[BP], 62-ci bənd).
14. Bununla belə, həyata keçirilən nəzarət mütənasibliyə riayət edilməsini nisbətən əhatəli
şəkildə yoxlamaqdan ibarətdir. Dövlətlərə verilən müəyyən qiymətləndirmə sərbəstliyi
müəyyən şəxslərin və ya qrupların ölkənin siyasi həyatında iştirakına, xüsusən qanunverici
7
Avropa İnsan Hüquqları Məhkəməsi
1
SAYLI
P
ROTOKOLUN
3-
CÜ MADDƏSI ÜZRƏ TƏLIMAT
–
A
ZAD SEÇKI HÜQUQU
orqanın üzvlərinin bu orqana təyin olunması vasitəsilə,əngəl törədilməsi ilə
nəticələnməməlidir (
Əziz Kiprə qarşı
, 28-ci bənd;
Tenase Moldovaya qarşı
[BP], 158-ci
bənd).
Əziz Kiprə qarşı
məhkəmə işindəMəhkəmə Kiprin türk icması üzvlərinin qanunverici
orqana seçkilərdə səs vermək imkanına malik olmaması məsələsi ilə bağlı qərar çıxardı.
Onun rəyi bundan ibarət oldu ki, 1963-cü ildən bəri Kiprdə anormal situasiyanın və
qanunvericilik boşluğunun mövcudluğu səbəbindən ərizəçi, Kipr Respublikasında yaşayan
Kiprin türk icmasının üzvü olaraq, Nümayəndələr Palatasının üzvlərinin seçilməsində öz
rəyini ifadə etmək imkanından tamamilə məhrum edilib. Bununla da ərizəçinin səsvermə
hüququnun mahiyyətinə xələl gətirilmiş olub. Məhkəmə həmçinin sözügedən hüquqdan
istifadə etmək məsələsində Kiprin türk icmasının üzvlərinə və Kiprin yunan icmasının
üzvlərinə qarşı rəftarda açıq-aydın bərabərsizlik olduğunu müəyyən etdi. Müvafiq olaraq, 1
saylı Protokolun 3-cü maddəsi ilə birgə götürülməklə Konvensiyanın 14-cü maddəsinin
pozuntusu baş vermişdi.
15. Həmçinin qeyd etmək lazımdır ki, müvafiq hallarda 1 saylı Protokolun 3-cü maddəsinin
tətbiq dairəsinə düşməyən seçkilərə aid şikayətlər Konvensiyanın digər maddələri əsasında
irəli sürülə bilər. Belə ki,
Molka Polşaya qarşı
məhkəmə işində ərizəçi bələdiyyə şuralarına,
rayon şuralarına və regional məclislərə seçkilərdə iştirak etmək imkanına malik deyildi. Əlil
arabasında olan şəxslərin seçki məntəqəsinə daxil olması üçün imkan yox idi, seçki
bülletenlərini binadan bayıra çıxarmağa isə icazə verilmirdi. Məhkəmənin rəyi bundan ibarət
oldu ki, aktiv həyat tərzi sürmək istəyən ərizəçinin seçki məntəqəsinə daxil olması üçün
hakimiyyət orqanlarının lazımi şərait yaratmamasının ərizəçidə onun fərdi müstəqillik
duyğusuna və beləliklə həm də onun şəxsi həyatının keyfiyyətinə zərər yetirə biləcək alçalma
və iztirab hissi yaratdığını istisna etmək olmaz. Buna görə də Məhkəmə bu fikirlə razılaşdı ki,
belə vəziyyətə 8-ci maddə tətbiq edilə bilər.
A. Mülki hüquqların itirilməsi
16. Şəxs və ya qrup səsvermə hüququndan məhrum edildikdə Məhkəmə bu cür hallara
xüsusi diqqətlə yanaşır. Belə hallarda səsvermə hüququndan məhrum edilmənin qanuni
məqsəd daşıması və həmçinin mütənasiblik meyarına riayət edilməsi xüsusilə ciddi şəkildə
yoxlanılır. Məhkəmə bir sıra işlərə baxıb ki, həmin işlərdə səsvermə hüququndan məhrum
edilmə cinayət işinin istintaqının tərkib hissəsi qismində baş verib.
Labita İtaliyaya qarşı
[BP] məhkəmə işi mafiya üzvü olmaqda şübhəli bilinən şəxsin mülki hüquqlarını avtomatik
olaraq müvəqqəti itirməsi ilə əlaqədar idi. Məhkəmə razılaşdı ki, bu tədbir qanuni məqsəd
daşıyıb. Lakin bu tədbirin yalnız ərizəçinin bəraət almasından sonra tətbiq edildiyini nəzərə
alaraq, o, həmin tədbirin qeyri-mütənasib olduğu qənaətinə gəldi, belə ki, şübhəli şəxsin
mafiyaya mənsub olmasından şübhələnmək üçün faktiki əsas yox idi. Həmçinin
Vito Sante
Santoro İtaliyaya qarşı
məhkəmə işində ərizəçi polis nəzarətinə verildiyinə görə qısa
müddətə səsvermə hüququndan məhrum edilmişdi. Lakin onun nəzarətə götürülməsi barədə
qərarın icra üçün təqdim edildiyi tarix ilə adının seçki siyahısından silindiyi tarix arasında
doqquz aydan artıq vaxt keçmişdi. Nəticədə ərizəçi iki seçkidə səs vermək imkanından
məhrum olmuşdu, halbuki tədbir dərhal icra olunsaydı, belə hal baş verməzdi. Hökumət bu
qədər vaxtın keçməsini əsaslandırmaq üçün heç bir səbəb göstərmədi. Buna görə də
Məhkəmə bu qənaətə gəldi ki, 1 saylı Protokolun 3-cü maddəsinin pozuntusu baş verib.
17. Mülki hüquqların itirilməsi məsələsi təkcə cinayət işi kontekstində meydana çıxmır.
Albaneze İtaliyaya qarşı
məhkəmə işi ərizəçilər barəsində müflisləşmə prosesinin aparıldığı
müddətdə onların seçki hüquqlarının dayandırılması ilə əlaqədar idi. Məhkəmə qeyd etdi ki,
müflisləşmə prosesi cinayət hüququnun deyil, mülki hüququn tətbiq dairəsinə düşür və
beləliklə, bu, müflisləşmiş şəxs tərəfindən hər hansı aldatma və ya saxtakarlıq olduğunu
nəzərdə tutmayan prosesdir. Buna görə də şəxsin seçki hüquqlarının məhdudlaşdırılmasının
8
Avropa İnsan Hüquqları Məhkəməsi