1
SAYLI
P
ROTOKOLUN
3-
CÜ MADDƏSI ÜZRƏ TƏLIMAT
–
A
ZAD SEÇKI HÜQUQU
öhdəliyini icra etmək məsələsində dövlətlər geniş qiymətləndirmə sərbəstliyinə malikdirlər
(
Benkaddur Fransaya qarşı
).
3. Ölkə ərazisində yaşamayan vətəndaşlar üçün xaricdə seçkilərin təşkili
35. 1 saylı Protokolun 3-cü maddəsi dövlətlərin üzərinə ölkə ərazisində yaşamayan
vətəndaşların səsvermə hüququnu həyata keçirmələrini təmin edən sistem yaratmaq
öhdəliyini qoymur.
Sitaropulos və Zyakumopulos Yunanıstana qarşı
[BP] məhkəmə işində
ərizəçilər şikayət etmişdilər ki, bu məsələ tənzimlənmədiyinə görə özlərinin səsvermə
hüququnu mühacir qismində yaşadıqları ölkədə (Fransada) həyata keçirə bilmirlər, halbuki
onların mənşə ölkəsinin (Yunanıstanın) konstitusiyasında belə bir imkan nəzərdə tutulub.
Məhkəmə müəyyən etdi ki, 1 saylı Protokolun 3-cü maddəsinin pozuntusu baş verməyib, belə
ki, Yunanıstana səfər edəcəkləri təqdirdə bu səfərin ərizəçilərin maliyyə işlərində, ailə və
peşə həyatlarında yaradacağı fasilə onların səsvermə hüquqlarının mahiyyətinə xələl
gətirəcək dərəcədə qeyri-mütənasib amil deyildi.
36. Lakin milli qanunvericilikdə belə sistemin yaradılması nəzərdə tutulubsa, konkret
öhdəliklər, xüsusən zərurət olduqda xarici ölkədə yeni seçki keçirmək öhdəliyi yarana bilər.
Riza və başqaları Bolqarıstana qarşı
məhkəmə işində Məhkəmə bu faktı nəzərdən
qaçırmadığını bildirdi ki, digər suveren ölkədə yeni seçkilərin keçirilməsi, hətta onlar
məhdud sayda seçki məntəqələrində keçirilsə belə, mühüm diplomatik və ya təşkilati
maneələrlə qarşılaşa və əlavə xərclərə səbəb ola bilər. Bununla belə, o hesab etdi ki, seçki
günü səsvermə prosesində seçki qurumu tərəfindən ciddi pozuntuların baş verdiyi seçki
məntəqəsində yeni seçkilərin keçirilməsi seçkinin nəticələrinin ləğvinin kökündə duran
qanuni məqsədə, yəni seçki prosesinin qanuniliyini və həmçinin parlament seçkilərində
seçicilərin və namizəd qismində iştirak edənlərinhüquqlarını qorumaq məqsədinəuyğun
olardı.
37.
Oran Türkiyəyə qarşı
məhkəmə işi xaricdə yaşayan türkiyəli seçicilərin heç bir partiyanı
təmsil etməyən müstəqil namizədlərə gömrük postlarında təşkil olunmuş seçki
məntəqələrində səs vermək imkanına malik olmaması ilə əlaqədar idi. Belə hallarda yalnız
siyasi partiyalara səs vermək olardı. Belə məhdudiyyət bu faktla əsaslandırılırdı ki, mühacir
seçiciləri seçki dairəsinə təhkim etmək mümkün deyil. Məhkəmə hesab etdi ki, bu
məhdudiyyət qiymətləndirilərkən mühacirlərin səsvermə hüquqlarını həyata keçirmələrinə
qoyulan hamılıqla razılaşdırılmış ümumi məhdudiyyətlər, habelə qanunverici orqanın xaricdə
yaşayan vətəndaşların ilk növbədə ölkədə yaşayan şəxslərə təsir göstərən məsələlərə təsirini
məhdudlaşdırmağa yönələn qanuni marağı nəzərə alınmalıdır. O, hakimiyyətə gələ və
ümummilli rejimə təsir göstərmək səlahiyyətinə malik ola bilən yeganə qurumlar olan siyasi
partiyaların oynadığı rolu da vurğuladı. Bundan başqa, məhdudiyyət daha iki qanuni məqsəd
daşıyırdı: demokratik plüralizmi genişləndirmək, eyni zamanda namizədlər arasında sistemdə
disfunksiya yaradacaq dərəcədə həddən artıq parçalanma olmasının qarşısını almaq və
beləliklə qanunverici orqanı seçərkən xalqın öz rəyini ifadə etmək imkanını gücləndirmək.
Müvafiq olaraq, məhdudiyyət qanunverici orqanın ölkədə və seçkilərdən sonra ölkəyə
rəhbərlik edəcək hökumətdə siyasi sabitliyi təmin etməkdən ibarət qanuni marağına uyğun
idi. Beləliklə, 1 saylı Protokolun 3-cü maddəsinin pozuntusu baş verməmişdi.
13
Avropa İnsan Hüquqları Məhkəməsi
1
SAYLI
P
ROTOKOLUN
3-
CÜ MADDƏSI ÜZRƏ TƏLIMAT
–
A
ZAD SEÇKI HÜQUQU
III. Passiv aspekt: seçkidə namizəd qismində iştirak
hüququ
38. Seçki hüququnun "aktiv" aspekt kimi onun "passiv" aspekti, yəni seçkidə namizəd
qismində iştirak etmək hüququ da Məhkəmənin presedent hüququ çərçivəsində inkişaf
etdirilib. Belə ki, Məhkəmə bildirib ki, bu hüquq "həqiqi demokratik rejim konsepsiyasına
xas olan" amildir (
Podkolzina Latviyaya qarşı
, 35-ci bənd). O, 1 saylı Protokolun 3-cü
maddəsinin bu aspekti ilə bağlı məhdudiyyətlərin qiymətləndirilməsinə hətta səsvermə
hüququna qoyulan məhdudiyyətlərin araşdırılması tələb olunan hallarla müqayisədə daha
ehtiyatla yanaşıb; belə ki, burada mütənasiblik meyarı daha məhduddur. Beləliklə, dövlətlər
passiv aspektin qiymətləndirilməsində daha geniş sərbəstliyə malikdirlər (
Eçeberriya və
başqaları İspaniyaya qarşı
, 50-ci bənd).
39. Bununla belə, Konvensiyanın 14-cü maddəsi əsasında ayrı-seçkiliyə qoyulan qadağa hər
iki aspektə eynilə şamil olunur. Bu baxımdan, hətta seçkidə namizəd qismində iştirak etmək
hüququna münasibətdə adətən dövlətlərə verilən qiymətləndirmə sərbəstliyinin hüdudları
geniş olsa da, əgər fərqli rəftar irqi mənsubiyyətə, dərinin rənginə və ya etnik mənsubiyyətə
əsaslanırsa,fərqli rəftara haqq qazandıran obyektiv və əsaslı səbəblər anlayışı mümkün qədər
dar çərçivədə şərh olunmalıdır (
Seydiç və Fintsi Bosniya və Herseqovinaya qarşı
[BP], 44-cü
bənd).
40.
Seydiç və Fintsi Bosniya və Herseqovinaya qarşı
[BP] məhkəmə işində Məhkəmə yalnız
özünün “təsisçi xalqlar”a aid olduğunu bəyan edən şəxslərin Xalqlar Palatasına (Dövlət
parlamentinin ikinci palatası) və Prezidiuma (Dövlət başçısı funksiyasını icra edən kollektiv
orqan) seçkilərdə iştirak etmək hüququna malik olduğunu nəzərdə tutan istisnaedici qaydanı
araşdırdı. Beləliklə, həmin xalqlara aid olduğunu bəyan etməkdən imtina edən potensial
namizədlər öz namizədliklərini irəli sürə bilməzdilər. Məhkəmə qeyd etdi ki, bu istisnaedici
qayda ən azından Konvensiyanın ümumi məqsədlərinə, xüsusilə də sülhün bərqərar olunması
məqsədinə geniş mənada uyğun gələn məqsəd daşıyıb. Mübahisələndirilən konstitusion
müddəalar qəbul olunanda bu məsələ ilə bağlı olduqca kövrək atəşkəs razılaşması qüvvədə
idi. Bu müddəalar soyqırım və etnik təmizləmə ilə əlamətdar olan qəddar münaqişəyə son
qoymağa yönəlmişdi. Bu münaqişənin təbiəti elə idi ki, “təsisçi xalqların” (yəni, boşnaklar,
xorvatlar və serblərin) razılığı sülhün təmin olunması üçün zəruriidi. Sülh danışıqlarında
digər icma nümayəndələrinin (yerli qaraçı və yəhudi icmaları kimi) iştirak etməməsini və
münaqişədən sonra cəmiyyətdə “təsisçi xalqlar” arasında real bərabərliklə bağlı danışıq
iştirakçılarının qayğılarını bu amillə izah etmək olardı, amma bunlara bu amillə haqq
qazandırmaq olmazdı. Lakin Deyton Sülh Sazişi imzalandıqdan sonra Bosniya və
Herseqovinada mühüm müsbət dəyişikliklər baş vermişdi. Bundan əlavə, Avropa Şurasının
üzvü olmaqla və Konvensiyanı və ona dair Protokolları qeyd-şərtsiz ratifikasiya etməklə
cavabdeh dövlət könüllü olaraq müvafiq standartlara uyğunlaşmağa razılıq vermişdi. Buna
görə də Məhkəmə bu qənaətə gəldi ki, ərizəçilərin (qaraçı və ya yəhudi mənşəli şəxslər
olaraq) davamlı olaraq seçkidə namizəd qismində iştirak etmək hüququna malik olmaması
obyektiv və əsaslı səbəbə söykənmirdi və buna görə də 1 saylı Protokolun 3-cü maddəsi ilə
birgə götürülməklə 14-cü maddənin pozuntusunu təşkil edirdi.
41.
Zorniç Bosniya və Herseqovinaya qarşı
məhkəmə işində Məhkəmə eyni səbəblərə görə
bu qənaətə gəldi ki, ərizəçinin yuxarıda göstərilən səbəbdən Xalqlar Palatasına və Prezidiuma
seçilmək hüququna malik olmaması ilə bağlı 1 saylı Protokolun 3-cü maddəsi pozulub.
Seydiç və Fintsi Bosniya və Herseqovinaya qarşı
[BP] məhkəmə işi üzrə onun qərarının
icrasında həddən artıq yubanma olduğunu və barəsində şikayət edilən pozuntunun həmin
yubanmanın birbaşa nəticəsi olduğunu qeyd edərək, Məhkəmə Konvensiyanın 46-cı maddəsi
14
Avropa İnsan Hüquqları Məhkəməsi