• İbni Cəririn Təfsirində romalılar haqqında fikirləri
8.4--- İbni Cərir Təfsirində Sudiydən təxric etdi. Allah Təalanın "Məscidlərin
içində insanları Allahın adını zikr etməkdən məhrum edən və onlara maneə
törətməyə çalışan kimsədən daha zalım kim ola bilər? Tərcüməsindəki ayəsinin
təfsirində dedi ki: “Burada zalım insanlarda Allahın qəsdi Roma əhlidir. Çünki
onlar Beyt-ül Makdisin təxribi üçün Buhtannasra kömək etmişlər. Yenə Allahın
"Məscidlərinə qorxuyla girənlər onlardır" tərcüməsindəki ayəsində nəzərdə
tutduğu da Roma əhlidir. Çünki yer üzündəki hər Roma ya boyunun vurulacağı
narahatlığı ilə, ya da cizyə vermək qorxusu ilə Allahın məscidinə girər, ancaq
yenə də cizyəni verər. Yenə Allah Təalanın "Onlar üçün dünyada zillət var"
tərcüməsindəki ayəsi haqqında dedi ki: "Onların dünyadakı zilləti, Mehdinin
çıxıb Konstantinopolu (Romanı) fəth etməsi və romalıları məğlub etməsidir."
• Yəhudilərdən böyük bir camaatın müsəlaman olması
8.9--- Nəim, Səlman ibn İsadan təxric etdi, o dedi ki: Eşitdiyimə görə
Mehdinin əlində (zamanında) səkinə olan tabut Tabəriyyə gölündən çıxarılar və
Beyt-ül Makdisdə (Qüdsdə) Onun önünə gətirilər. Yəhudilər bunu görüncə çox
azı istisna olmaqla çoxu müsəlman olarlar.
• Hz. Mehdiyə "Mehdi" deyilməsinin səbəbi
8.8--- Əbu Əmr Dani, Sünənində ibn Şevzəbdən təxric etdi. O dedi ki: Ona
Mehdi deyilməsinin səbəbi budur. O, yəhudilərin həcc etdiyi Şam dağlarından
bir dağın içindəki Tövrata dair kitabları çıxarar və yəhudilərdən bir camaat Onun
(Mehdinin) əlində müsəlman olar.
8.11--- Keza (N. ibn Hammad) Kaabdan təxric etdi, o dedi ki: O kimsənin
bilmədiyi gizli bir vəziyyətə yol göstərən, rəhbər olduğu üçün özünə "Mehdi"
deyilmişdir. O, Tabutu Tündünəni Antakya mağarasından çıxarar.
• Hz. Mehdi və Əhli-beytinin Qüdsdə uzun müddət qalacağı
8.7--- Nəim ibn
Hammad Ertahdan təxric etdi, dedi: Hz. Mehdi Beytül-
Makdisə (Qüdsə) enər və millət Onun Əhli-beytindən gələnlərlə uzun bir
müddət yaşayar. Daha sonra zalımlar görünər və Abbas oğulları rəhmətlə
axtarılar.
VIII HİSSƏ
HZ. MEHDİNİN HZ. İSA (Ə.S.)-A İMAMLIQ ETMƏSİ
1-HZ. MEHDİNİN HZ. İSA (Ə.S.)-A İMAMLIQ ETMƏSİ
• Hz. Mehdinin ümmətin ortasında olduğu
9.5--- Əbu Nəim, ibn Abbasdan təxric etdi, dedi ki: Rəsulullah (s.ə.v.)
buyurdu: Bir ümmət necə həlak olar ki, əvvəlində Mən, sonunda Məryəm oğlu
İsa (ə.s.) və ortasında da Əhli-beytimdən Mehdi vardır.
• İbni Həcəri Məkkinin bu xüsusdakı bir izahı
Şeyx İbni Həcəri Mekkidə Əl Kavlul Müxtəsər fi Əlamətil Mehdiyy-il Muntazar
adlı kitabında bunları söyləyir:
“Həzrəti Mehdinin orta (ortada) olmağında məqsəd axıra yaxın olmasını izah
üçün olub, Mehdinin bu ümmətin axırı olacağını bildirən səhih rəvayətlərlə
əkslik təşkil etmir. Vasat (orta) ifadəsi Mehdinin hz. İsadan çox az bir müddət
əvvəl (Yeddi il iki ay bir neçə gün) gələcəyini ifadə etmək üçün istifadə edilmiş
və hz. İsa (ə.s.) ondan (Mehdidən) qısa bir zaman sonra göydən enəcəyi içində
axır olaraq səciyyələndirilmişdir.
• Hz. Mehdinin hz. İsa (ə.s.)-a imamlıq edəcəyi
9.1--- Nəim əbu Səiddən təxric etdi, dedi Rəsulullah (s.ə.v.) buyurur: “İsa
ibn Məryəmin arxasında namaz qılacağı adam bizdəndir”.
9.7--- İbn Əbi Şeybə Musannef də İbni Şirindən təxric etdi. Dedi ki: “Mehdi
bu ümmətdəndir və hz. İsaya imam olacaq”.
9.8--- Nəim ibn
Hammad Abdullah ibn Əmrdən təxric etdi, dedi ki: “Mehdi
İsa ibn Məryəmin üzərinə enəcəyi və arxasında namaz qılacağı kimsədir.
9.4--- Buxari və Müslim əbu Hureyrədən təxric etdi, buyurdu: “Məryəm
oğlu İsa (ə.s.) aranıza endiyində və imamınız sizdən olduğunda, baxaq nə
edəcəksiniz?”
• Hz. İsa (ə.s.) göydən enincə, hz. Mehdinin ona namazı qıldırmasını təklif
etməsi
9.2--- Əbu Nəim, Cabirdən təxric etdi, dedi Rəsulullah (s.ə.v.) buyurdu: İsa
ibn Məryəm göydən enər, onların (möminləri) Əmri olan Mehdi, özünə "Gəl bizə
namaz qıldır" deyər. O (Hz. İsa ə.s.) isə, bu ümmətə Allahın bir ikramı olaraq
"Xeyr, sizin bəziniz bəzilərinizin Əmridir" deyər.
• Hz. İsa (ə.s.)-ın göydən səhər vaxtı enəcəyi
9.6--- İbn Macə, Ravyanı, ibn Huzeymə, əbu Ovanə, Hakim və əbu Nəim,
əbu İmamadan təxric etdilər. Dedi ki, rəsulullah (s.ə.v.) bizə xitab etdi. Dəccalı
xatırlayaraq belə buyurdu: “Mədinə körüyün dəmirin pasını aradan qaldırdığı
kimi, içindəki pisliyi aradan qaldırar, O günə "qurtuluş günü" deyilir. Ümmü
Şüreyk: "Ya Rəsulullah (s.ə.v.), o gün ərəblər haradadır?"- dedi. Buyurdu: Onlar
o gün az olarlar, imamları saleh bir insan olan Mehdi olduğu halda, Beytül -
Makdisə sığınarlar. Orada imamları özlərinə səhər namazını qıldırmaq üçün önə
keçdiyi vaxtda, birdə baxarlar ki, İsa İbni Məryəm (ə.s.) səhər vaxtında enmişdir.
Bu imam (Mehdi) hz. İsanı önə keçirmək üçün arxaya çəkilər. Hz. İsa (ə.s.) onun
çiyinlərinə əlinə qoyar və Ona deyər ki: "Keç önə namazı qıldır. Çünki səs
sənin
üçün verilmişdir", belə olduqda imamları (Mehdi) onlara namazı qıldırar.
• Hz. İsa (ə.s.)-ın saçlarından su damır kimi olması
9.9--- Əbu Əmr və Dani Sünənin, Huzeyfə (r.ə.)-dən təxric etdilər, dedi
Rəsulullah (s.ə.v.) buyurdu: “Mehdi baxar ki, hz. İsa ibn Məryəm enmişdir, sanki
saçlarından su damır kimidir. Mehdi Ona deyər ki, "Önə keç insanlara namaz
qıldır". Hz. İsa isə deyər ki, "namaz sənin üçün iqamə olundu.". Belə olduqda O,
mənim övladımdan bir yetkin bir adamın arxasında namazı qıldırar.
• Hz. İsa (ə.s.) enənə qədər Haqq üçün vuruşan bir tayfanın olacağı
9.10--- Əbu Əmr və Dani Sünənində Cabir ibn Abdullahdan təxric etdilər,
dedi ki, Rəsulullah (s.ə.v.) buyurdu: “Taki İsa İbni Məryəm, Fəcrin tuluu (səhər
namazı) əsnasında, Beytül-Makdisdə Mehdi üzərinə nüzul edənə qədər Mənim
ümmətimdən bir tayfa Haqq üçün vuruşacaq. Mehdi o zaman deyər: "Ey Allahın
Peyğəmbəri keç önə bizə namazı qıldır"- O (hz. İsa) isə, "Bu ümmətin biri
digərlərinə əmirdir" deyər.
9.3--- Əhməd, Müslim, ibn Cüreyr və ibn Hıbban, Cabir ibn Abdullahdan
təxric etdilər, buyurdu: “Qiyamətə (Dəccal ilə döyüşə) qədər Mənim
ümmətimdən bir qrup Haqq uğrunda qalib olaraq vuruşacaq. İsa ibn Məryəm
göydən nüzul etdiyində onların Əmiri ona "Gəl bizə namazı qıldır" deyər. Ancaq
O, bu ümmətə Allahın bir ikramı olaraq "Sizin Biriniz digərlərinizə əmirdir"
cavabını verər. (Yəni imamınız Mehdi aranızdadır. Yəni namazı o qıldırmalıdır
demək istəyər.)
• Hz. Mehdinin ilk namazdan sonra imamlığı hz. İsa (ə.s.)-a verməsi
9.11--- Nəim Kaabdan təxric etdi. Dedi ki: “Dəccal Beytül-Makdisdə
möminləri mühasirə altına alar və onlara (möminlərə) elə şiddətli bir aclıq üz
verər ki, aclıqdan yaylarının tirini belə yemək məcburiyyətində qalarlar.
Onlar bu halda ikən, birdən qaranlığın içindən bir səs eşidərlər və "Bu tox
adamın səsidir" deyərlər. Bir də baxarlar ki, O, İsa ibn Məryəmdir. Namaza
qalxarlar, müsəlmanların imamı Mehdi geri çəkilər. Belə olduqda hz. İsa deyər
ki: "Önə keç Namaz sənin üçün iqamə olundu.". Hz. Mehdi də onlara namaz
qıldırar və bundan sonra hz. İsa (ə.s.) imam olar.
9.12--- Nəim
ibn Hammad ibn Abbasdan təxric etdi, dedi ki: Mehdi
bizdəndir. İmamlığı hz. İsa ibn Məryəmə verər.
IX HİSSƏ
Dostları ilə paylaş: |