Cəlil Cavanşir
Yüklə 5,62 Kb. Pdf görüntüsü
|
14 1 “Polis olmaq üçün, öncə vicdanınızdan xilas olun!” (Unudulmuş dahi) Cinayət-axtarış şöbəsinin əməkdaşları yavaş-yavaş, iki bir, üç bir qapıda görünür, salamlaşıb səhər yoxlamasına hazırlaşırdılar. Növbətçi zabit yuxusuzluqdan gözləri şişmiş halda key-key dayanıb, gəlib gedənləri müşahidə edirdi. Ge- cə heç bir hadisə baş vermədiyi üçün çox rahat idi. Yorğun- luq və yuxusuzluq vecinə deyildi. İllər ərzində bütün bu çə- tinliklərə alışmışdı və həyatını bunlardan kənarda təsəvvür etmirdi. Onun üçün ən gözəl istirahət növbətçi otağındakı divanda uzanıb mürgüləməkdi. Gecə saat ikidə termosdan süzüb içdiyi çayın ləzzətini, evdə arvadının dəmlədiyi Lən- kəran çayından ala bilmirdi. Artıq bununla barışmışdı. Onun da həyatı bu cür sadə həqiqətlərdən ibarət idi. Get işə, gəl evə, növbə, əməliyyat və bu kimi digər vacib, yaxud vacib olmayan işlər. Heç vaxt istirahət eləmək barədə düşünmə- mişdi. Ona elə gəlirdi ki, istirahət ancaq ciddi biznesmenlər və daha imkanlı məmurlar üçündü. Onun ən ciddi istirahəti ailəsini bir neçə saatlıq bulvara çıxarıb gəzdirmək, ortabab kafelərdə dostlarla araq vurmaq və dəvət olunduğu toy- larda yeyib-içib əylənməkdən ibarətdi, başqa heç nə! Arvadı isə onun tam əksi idi. İstirahətindən qalmırdı. Hər yay uşaqları rayona, anasının yanına göndərir, Dubay- dan vurub Türkiyədən çıxırdı. Hansısa bir gijdıllağ və idea- list polis işçisinə görə cavan həyatını çürüdəsi deyildi ki? Onun ehtiraslı bədəni Antalya günəşində yanmaq, zərif çi- 15 yinləri Dubay otellərinin lyüks nömrələrində ağ mələfənin üzərinə toxunmaq üçün yaradılmışdı. Hər tətil onun üçün yeni bədənlərin kəşfyidi. İnsan kolleksiyası çox zəngin idi. Ərinin mitinqlərdə döydüyü “müxalifətçi gədə”lərin sayı qə- dər kişiylə kef çəkmişdi. Yeri gəlmişkən, müxalifətçilərlə də yatmışdı. Sadəcə bu söhbəti açıb-ağartmağın yeri yoxdu. Yazıq Polis! Hərdən gözlərini yumub görmədiyi yer- ləri xəyalında canlandırırdı. Xəyallarında Maldiv adalarında, Antalyada və hətta Arizonada olmuşdu. Sonuncu dəfə isə gözlərini yumub doyunca Tiflisdə gəzmişdi. Yazıq öz doğma adını da unutmuşdu. Küçədən keçən də, metroda qarşısına çıxan da, qonşular da onu sadəcə “Polis” deyə çağırırdı. Po- lis! Bu dəqiqə ölkədə bundan oğraş iş təsəvvür etmək çətin olsa da qəhrəmanımı bu adla çağıracam: Polisov Polis Polis oğlu. Bu, qəhrəmanımızın bütün xarakterinə işıq tutacaq qə- dər uğurlu tapıntıdı. …Necə? Çox təvazökaram? Güldürməyin, siz allah. Sadəlik, gözəllikdir. Necə? Əlbəttə sadəyəm! Siz hələ mənim filosof həmkarlarımı tanımırsız! …Bölmənin əməkdaşları onunla salamlaşıb, içəri keç- dikcə növbəsinin xəta-bəlasız sovuşmağına ürəkdən sevi- nirdi. Rəisin maşını uzaqdan görünəndə isə canına xoş bir rahatlıq yayıldı. Ürəyində rəisin qohum-əqrəbasını yeddi- mərtəbə söyüşlərlə yad edib, ayağa qalxıb yalmanmağa tə- ləsdi. Rəis maşından düşər-düşməz qarşısına yüyürüb məru- zə elədi, növbədə olduğu vaxt heç bir hadisə baş vermə- diyini bildirdi. Rəis “azad” komandasını verdikdən sonra idarənin qarşısında cərgə ilə düzülmüş polis əməkdaşlarına tərəf yönəldi. 16 Növbəni təhvil verməyə hazırlaşdığı an onun həya- tında ən xoşbəxt anlardan biri hesab olunurdu. Dünyada ən böyük xoşbəxtlik, hadisə baş vermədən növbəni təhvil verib evə yollanmaqdı. Bu gün içində qəribə narahatlıq vardı. Polis it kimi iy bilirdi, cinayətin iyini. Əvvəllər evə çatan kimi yatağa girsə də, son vaxtlar növbədən sonra yata bilmirdi. Evə çatan kimi qayğılar, prob- lemlər üstünə hücum çəkirdi. – Yenə yatırsan, ay oğraş? Son vaxtlar heç üzümə də baxmırsan. Yoxsa gecə bazlığa getmişdin, hə? Niyə ölmürsən ay impotent!- Bu, arvadının yataq otağındakı yarım saatlıq seksual istəklər haqqında məntiqsiz mühazirəsindən bir par- çadı. Polis yatağından qalxıb qonaq otağına keçən kimi məi- şət qayğıları da üstünə axışırdı: “İşıq pulunu ödə”, “evə ba- zarlıq elə”, “zibilləri at”. Bir sürü bitib-tükənməyən qayğı- lar... Yazıq Polisin günü gün deyildi! Üstəlik arvadının bu- nun bacısı haqqında uydurduğu ağlasığmaz söz-söhbət, de- di-qodu. Bezmişdi Polis... Bu gün görəcəyi işləri artıq iki-üç gün əvvəldən plan- laşdırmışdı. Evə çatan kimi yeməyini yeyib bazara gedəcək- di. Bazardan gəlib oğluna kreditlə kompüter almaq üçün mağazaya yollanacaq, sonra banka olan başqa bir krediti ödəyəcək, evə qayıdıb dincələcəkdi. Beynində görəcəyi işləri düşünə-düşünə “Növbətçi hissə” yazılmış otağa doğru ad- dımladı. 10-15 dəqiqə sonra növbəni təhvil verməliydi. Yaxşı ki, bu gün mitinq, piket yoxdu. Növbədən sonra mitinqə çı- xıb “Azadlıq”, “İstefa”, “Azad seçki” qışqıran başıpozuq dəstəni döymək, dağıtmaq ona son vaxtlar heç ləzzət eləmir- di. Əslində onun çalışdığı şöbə mitinqlə, piketlə məşğul olmurdu. Amma müxalifətin mütəşəkkil dəstələri ilə bacar- 17 maq üçün, bütün şöbələr səfərbər olunduğundan, o da “adam döyməyə” çıxırdı. Əvvəllər rezin dəyənəyi əlinə alan kimi şirə dönürdü. Qarşısına keçəni ağına-bozuna, qadınına- kişisinə baxmadan budayırdı. Amma son zamanlar yaman kövrək olmuşdu. Həm də camaat da əvvəlki lal-dinməz dö- yülən camaat deyildi. Hansısa qadına yüngülvari bir zərbə vuran kimi, eşitdiyi kəlimələr içini acıdırdı: “Niyə vurursan, ay bacısından bixəbər oğraş!” Bu “bacı söhbəti” onun yaralı yeriydi... Yox, yox, bircə mitinq olmasın! Kresloda yerini təzəcə rahatlamışdı ki, telefonun səsi onu əməlli-başlı diksindirdi. Əsəbdən əlləri əsdi: – Tfuu. Cəmi 10 dəqiqə dözə bilməzdin? Əvvəlcə istədi telefonu xətdən ayırsın, amma rəisin dönüb növbətçi hissəyə sual dolu gözlərlə baxdığını görüb cəld telefonu götürdü: – Cinayət şöbəsi bölməsi, buyurun. – Rəis, salam. Burda İzmir prospektindən bir gijdıllağ, eee üzr istəyirəm vətəndaş özünü asıb. 7a-nın yanındakı ağaclıq- da ağacdan sallanıb. – Nə loxəbər adamlar var. Mundar köpəyuşağı! Hadisə yeri- nə özünüzü soxmayın. Sizlik heç nə yoxdu orda. Oraları tap- daq-tapdaq eləməyin, sonra kriminalistlər üçün izi tapmaq çətinləşəcək. Bir azdan ordayıq. – Oldu rəis! Rəiss... – Nədi? – Tərpənmir eee... – Rədd ol, it oğlu it! Dözməyib ürəyində də zəng edən vələdüzinanın ölübə- dirisinə çoxmərtəbəli, liftsiz söyüşlər yağdırdı: “Sənin...” Yüklə 5,62 Kb. Dostları ilə paylaş:
|