Cəlil Cavanşir
Yüklə 5,62 Kb. Pdf görüntüsü
|
31 Şahin doğurdan da bunu edə bilər. Keçən dəfə deyirəm: - Qardaş, mən ölsəm neyniyərsən? Deyir qardaş, vallah sən romanda yazdığın kimi, bir şüşə çaxırdan, viskidən alıb gələrəm qəbrinin üstünə, siqaretdən çəkib, içkidən içib ağlayaram... Bəli, məhz qəribə olduğu üçün, ətrafındakı standart adamlardan fərqləndiyi üçün dostluqları alınırdı. Şahin Nicatla bağlı ağrılı xatirələri çözələyir, intihar hadisəsindən sonra baş verənləri beynində saf-çürük edirdi. Nicat haqqında yazılan bütün yazıları toplayıb, öz hesabına kitab çıxarmağı düşünürdü. Bu fikrini bir neçə nəfərə bildir- mişdi. Nicatın dostları dəstək verəcəklərini desələr də, orta- lıqda real iş yox idi. Hə... Deyəsən yazıçı dostlarından biri onun haqqında roman yazmağa hazırlaşırdı. – Nə idi onun adı? – Şahin xatırlamağa çalışdı – Hə Nicat, Elxan Daşdəmir. Şahin qeyri-iradi tərzdə qəbirlə söhbətləşməyə başla- dı...Şahin inancında sabitqədəm olsa da, dostuyla vidalaşma- ğın, söhbətləşməyin yolunu tapmışdı. Mövhumatın qatı dumanı arasında görünməz olan bu dağ kəndində, qəbrin başında oturub siqaret çəkə-çəkə, qırmızı şərab içə-içə xəyala daldı... *** ... Nicatın dəfnindən dönəndə, yolda siqareti siqaretə calayan Elxan Daşdəmir intiharla bağlı müxtəlif versiyalar irəli sürürdü. Onun fikrincə Nicat intihar etməmişdi. Onu öl- dürmüşdülər. Elxanın fikrincə Nicatı öz yaxın ətrafından kimsə öldürə bilərdi. Bununla bağlı gülməli və qəribə versi- 32 yalar irəli sürürdü. Orxanın maşınında yerini rahatlayıb dil- boğaza qoymurdu: – Kitabının müzakirəsi çox gərgin keçmişdi. İki cəbhə yaran- mışdı. Həm peşəkar tənqidçilər, həm də bloqqerlər roman haqqında yazırdı. Ciddi müzakirələr getdi. Yaxın dostları isə nəinki onu tək qoymuşdu, hətta orda-burda arxasınca da- nışırdı. Bütün bunlar onun əsəblərini korlamışdı. Üstəlik şe- irdən romana keçməsini çoxlarının gözü götürmürdü. Hətta biri yazmışdı ki, qələm adamı ya şeir yazar, ya da roman. Hər ikisini yazmaq qeyri-peşəkarlıqdır. Orxan özündən çıxdı: – Nə gicləyirsən? Deyirsən tənqidçilər və ya bloqqerlər öldü- rüb Orxanı? Bəlkə jurnalistlər? – Yaxşı, qışqırma. Elə demədim. Bu sadəcə bir versiyadır. Axı Nicat həssas adam idi. Bütün bunlara dözməyib intihar edibsə... – Hə, bütün bunlara dözməyib intihar edibsə günahkar ədə- bi mühitdəki dostlardır, eləmi? – Orxan gənc yazarın fikirlə- rini tamamladı. – Dedim axı, bu sadəcə bir versiyadır. – Başqa nə düşünürsən? Yaxşısı budur bütün bunları mətbu- ata çıxarmadan, mənimlə fikirlərini bölüş. Hər halda mən Nicatın həkimi olmuşam və onun ölümü barədə versiyala- rını analiz edə bilərəm. – Qadın məsələsi ola bilərmi? – Qadın məsələsi? – Orxan suala, sualla cavab verdi. – Əlbəttə. Gör neçə qadınla münasibəti var idi. Görüşdüyü qadınların arasında evlisi də vardı, nişanlısı da. Bəlkə onu namus üstündə, qisas məqsədi ilə öldürüblər? Ya da etdiyi hərəkətlərdən utandığı üçün, özü intihar edib. 33 – İnandırıcı deyil. Axı o heç kəsi yoldan çıxarmayıb. Üstəlik, son vaxtlar bütün qadınlarla əlaqələrini kəsmişdi. Bu versi- yan inandırıcı deyil. Üstəlik mən onun belə kiçik səbəblər- dən intihar etdiyinə və ya sənin dediyin kimi, öldürüldüyü- nə inanmıram. – Orxan, sən yaxşı insansan, yaxşı həkimsən. Amma yazıçını, xüsusilə intihar etmiş bir yazıçını anlamaq o qədər də asan deyil. Onun təbəddülatlarını mən çox müşahidə eləmişəm. Üstəlik sonuncu dəfə intihara cəhd edəndə qapını sındırıb, onu xilas eləmişəm. – Bunu bilmirdim. Nə vaxt olub bu hadisə? – İki-üç il bundan əvvəl. Mənim qonşuluğumda ev kirayələ- mişdi. Bir axşam içib həm qazı açıq qoymuşdu, həm də da- marlarını kəsmişdi. – Sonra? – Bax bu sualın cavabını deyəndən sonra özün də əmin ola- caqsan ki, o intihar edə bilməzdi. Ölmək istəmirdi. Çünki da- marlarını kəsən kimi mənə SMS yazmışdı, vida SMS-i. Hadisədən 10 dəqiqə sonra özümü yetirdim və qapını sındır- dım. Qohum-qardaş, dost-tanış yığışdı və Nicatı xilas etdik. – Haqlısan, o özünü öldürə bilməzdi. Çünki onun bütün inti- har cəhdləri göz qabağında olub və onu xilas ediblər. Ölmək istəsə heç kəsin əli çatmayan bir yer seçərdi. Sözün düzü in- tihar etmək üçün əvvəllər seçdiyi bütün üsullar uğursuz idi. Mənə elə gəlir ki, o hansısa hadisəyə etirazını bu uğursuz cəhdlərlə edirdi. Üstəlik sağ qalacağını da əvvəlcədən he- sablayırmış. – Mən şəxsən Nicatın intihar etməyinə inana bilmirəm. – Amma onun ağacdan sallanıb yellənən cəsədini gözlərimlə görmüşəm. Fotoları da kənddə hamınıza göstərdim. Üstəlik məhkəmə-tibbi, kompleks məhkəmə-tibbi-bioloji və tibbi- 34 kriminalistik ekspertizaların rəyi də məlumdur. Cəsədin üzərində heç bir zorakılıq əlaməti yox idi. Sadəcə həddindən artıq sərxoş imiş intihar anında. Eyni zamanda çoxlu narko- tik qəbul edibmiş. – Sən bu qədər terminləri necə yadda saxlayırsan, doktor? – İstedadlı adamam... – Ekspertiza nə rəy verir, versin mən inanmıram. Onun ölü- mü intihar deyil, qətldir. Yüksək dozada içki və narkotik sə- nə heç nə demir? – Az öncə versiya irəli sürürdün, indi isə əminliklə danışır- san. Deyirsən onu içirdib, sonra da yüksək dozada narkotik qəbul etdiriblər? – Heç bir faktım yoxdur. Sadəcə hipotezləri irəli sürdüm və məndə əminlik yarandı ki, Nicatı öldürüblər. – İndi belə çıxır ki, mən müəlliflə əlbir olub bir romanın için- də bu səfəri, intihar və dəfn söhbətlərini uydurmuşam? – Hər şey ola bilər. Demədin ki, istedadlı adamam? – Qələt elədim... *** ... Həyat öz axarında davam edirdi. Nə dünyanın bir tərəfi boşalmışdı, nə də Nicatsızlıq hiss olunurdu. Hərə öz işində idi. Hamı bir tikə çörəyinin, ruzisinin arxasınca düş- müşdü. İntihar haqqında artıq çox nadir hallarda danışılırdı. Orxan gənc və perispektivli yazarla arasındakı söhbətləri az qala unutmuşdu. Həkimlik ağır peşədir. Doktor bütün günü qaça-qaçda idi. Nicatın intihar söhbəti, yazılan roman üçün apardığı araşdırma, bu basa-basda Elxanın da roman yaz- maq istəyini tamam unutmuşdu. İşlərin gərgin vaxtı Elxan zəng elədi: Yüklə 5,62 Kb. Dostları ilə paylaş:
|