Coğrafiya
və təbii resurslar, №2, 2017 (6)
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
69
TOPONİMİKA
© Ş.A.Həmzəyev
QOBUSTAN İNZIBATİ RAYONUNUN PİR ADLARI
Ş.A.Həmzəyev
AMEA akad. H.Ə.Əliyev ad. Coğrafiya İnstitutu
AZ 1143, Bakı ş., H.Cavid pr. 115
Qobustan inzibati ərazisinin toponimlərinə daxil olan pirlər özündə tariximizin müəyyən pil-
lələrini əks etdirir. Bu tarixi pillələr zərdüştlük, atəşpərəstlik və orta əsr tarixi dövrlərini əhatə edir.
Yerli əhali arasında pirlərin yerləşdiyi məkanın sınaqdan çıxmış müalicəvi əhəmiyyətinin qədim-
liyinə baxmayaraq, indi də ziyarət yerləri kimi özünü göstərməkdədir. Məqalədə müxtəlif mənbə-
lərdən istifadə etməklə tarixi qaynaqlar sistemli şəkildə əhatə olunmuşdur. Pir adlarının mənşəyi
tarix və məkan baxımından araşdırılmışdır. Toponimik tədqiqat baxımından pirlərin öyrənilməsi xü-
susi əhəmiyyət kəsb edir.
Giriş. Qobustan inzibati ərazisində yerləşən
pirlər tarixi-coğrafi baxımdan diqqətəlayiq tədqi-
qat mövzularından biridir. Bu pirlərin toponimik,
tarixi-coğrafi nöqteyi-nəzərdən öyrənilməsi və təb-
liq edilməsi istər milli mədəniyyətimizin müxtəlif
aspektlərinin perspektiv inkişafına, istərsə də turiz-
min inkişafına təkan verən amillərdən ola bilər.
Qobustanda ziyarətgah xarakterli elə pirlər vardır
ki, əcnəbi ölkələrdən (ərəb ölkələrindən, hətta Ya-
poniyadan) gələn turistlər bu pirlərə maraq göstə-
rirlər. Əgər tarixin qədim qatlarına söykənən bu
pirlər lazımi şəkildə təbliğ olunar, onların tədqiqi
dərindən araşdırılarsa, əhəmiyyətli nəticələrə nail
olmaq olar.
Qobustanın qədim qayaüstü təsvirlərinin sonra-
kı tarixi dövrlərdə ilahi qüvvə tərəfindən yaradıldı-
ğını güman edən insanlar bu yerlərdə pirlərin ya-
ranmasını, qayalarda mehrabların yonulmasını, qa-
zılmış ayaq izlərinin müqəddəslərin ayaq izləri sa-
yılmasını, dini təsəvvürlərin yaranmasını ilahiləş-
dirərək müxtəlif inancların formalaşmasına səbəb
olmuşlar.
Ümumiyyətlə, Qobustanda ziyarətgah kimi qə-
bul edilən pirlər çoxdur. Bu sıradan sayılan bütpə-
rəstlik və atəşpərəstlik dövrlərinin priləri, demək
olar ki, tamam yaddan çıxmışdır.
Bununla belə, qayalar üzərində bu günə gəlib
çatmış göy cisimlərinin qədim təsvirlərinin çoxu-
nun totemizmlə əlaqəli olması, Kənizə, Şonqar,
Turaqay, Kərgəz, Cingir baba kimi müəyyən eti-
qadlarla bağlı dağ adlarının saxlanılması bu ərazidə
vaxtilə pirlər şəbəkəsinin çoxluğunu göstərir.
İsak Cəfərzadənin yazılarında adları çəkilən
“Cingir baba”, “Sarı baba”, “Huri qızlar”, “Şıxlı
qaya” kimi müsəlmançılıqdan qabaqkı dövrlərin
dini görüşlərinə uyğun gələn pirlər artıq yaddan
çıxmaq üzrədir [3, səh. 110].
Bütün bunları nəzərə alsaq, görərik ki, Qobus-
tan pirlərinin çoxu İslama deyil, qədim atəşpərəst-
liyə, ilkin təkallahlılıqdan doğan, qədim muğlar
nəslinə məxsus atəşpərəstliyə, zərdüştlüyə bağla-
nan dini ocaqlar, pirlər olmuşdur. Məsələn,
F.A.Deminski öz yazılarında qeyd etdiyi kimi, Diri
Baba türbəsində persilər tez-tez moizələr oxuyar-
mışlar. Təbii ki, persilərin qaynaqları birbaşa zər-
düştlüyə bağlanan qaynaqlardır [10].
Pirlərdə inşa edilmiş türbələr, günbəzlər orta
əsrlər dövründə tikilsələr də, onların qaynaqları
çox-çox qədimlərə şamil olunmalı və yenidən təd-
qiq edilməlidir.
Sovet ideologiyası İslamla atəşpərəstlik arasın-
da ayrılıq səddi çəkməklə bizi tarixi qədimliyimiz-
dən uzaqlaşdırmışdı. Bütün bunlara aydınlıq gə-
tirmək üçün Qobustan pirləri haqqında müəyyən
bilgilərə sahib olaq [3].
Diri Baba piri (Qobustan qəsəbəsi) −
YUNESKO-nun maddi mədəniyyət abidələrindən
ən qədimi, Azərbaycan xalqının mifik və dini gö-
rüşlərini təcəssüm etdirən (inanc yerləri), uzaq keç-
mişimizdən bugünümüzədək şahidlik edən yadi-
garlardandır. Mərəzənin şərq tərəfində, Ala dağın
ətəyində, qayalar arasında möhtəşəm bir mədəniy-
yət abidəsi və ağır övliya pirlərindən biridir.
F.A.Deminski, Dorin, E.Çələbi və başqa tədqiqat-
çılar Diri Baba piri haqqında maraqlı fikirlər söy-
ləmişlər. Yerli əhali, ziyalıların mülahizələrinə gö-
rə, Şirvanşah İbrahimin əzançısı gözlənilmədən
qeyb olduğuna görə pirə Diri Baba adını vermişlər.
Təbii ki, bu bir rəvayətdir. Sadəcə, 1401-ci ildə Şir-
vanşah İbrahim burada məqbərə tikdirdiyi üçün
belə bir rəvayət yaranmış və onun tarixi izi orta əsr-
lərə gedib çıxır. Ancaq Diri Baba pirinin ətrafında
aşkar edilmiş arxeoloji materiallar bu yerin qədim-
liyindən və ziyarətgah yeri olmasından xəbər verir.
“Kitabi Dədə Qorqud” dastanında da bu yer ruhlar,
müqəddəslər yatan yer kimi işıqlandırılır və bu da
Coğrafiya və təbii resurslar, №2, 2017 (6)
70 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
dediklərimizi bir daha təsdiq edir [8, səh. 20]. Uzun
müddət Şamaxı ilə bağlı tədqiqatlar aparmış me-
mar, akademik A.Salamzdə 1948-ci ildə yazmış ol-
duğu “Şamaxı” tarixi əsərində daha təfərüfatlı mə-
lumatlar verir.
Əsərin səhifələrində Diri Baba məqbərəsinin
1948-ci ildə çəkilmiş şəkli və məqbərə haqqında
məlumat verilir [1]. Qeyd edilir ki, Diri Baba tür-
bəsi bir şəxs üçün deyil, müqəddəslər üçün tikil-
mişdir. Yüksək memarlıq cizgiləri bunları bir daha
təsdiq edir. Alim öz tədiqatlarında 1633, 1636-
1639-cu illərdə Adam Olearinin, E.A.Poxomovun
əsərlərində əksini tapmış şəkillərə əsaslanır. Əsər-
də verilən
şəkillərə əsasən, demək olar ki, 1963-cü
ildə Misir prezidenti C.Əbdülnasir Azərbaycanda
olarkən Diri Baba pirinin bərpa edilməsi təşəbbü-
sünü irəli sürmüşdür. 1963-cu ilə Diri Baba türbəsi
bərpa edilərkən erməni bərpaçıları tərəfindən büs-
bütün saxtalaşdırılmışdır. Belə ki, abidəyə üzlük
çəkilməklə əsas ornamentləri ört-basdır edilmişdir.
Türbə sözünün - 1-ci mənası məzar, qəbir, 2-ci
mənası dinə görə müqəddəs sayılan yerlərdən gö-
türülən torpaq deməkdir [5]. Diri Baba türbəsinin
tikilmə səbəbini məhz 2-ci mənada qəbul etmək da-
ha düzgün olardı. Yəni müqəddəs yer, bu da “Dədə
Qorqud” dastanında göstərilən ruhlar olan yerə (ər-
quru yatan) uyğun gəlir. Fikrimizi daha aydın ifadə
etmək üçün “Qurbani” dastanına istinad edək [8].
Qurbani deyir: “Vətənin Diridi, kəndim Qara-
dağ, Qaradağdan Qarabağa gedirəm” [2].
1) Dir-(i) gec, vaxtı keçmiş, qədim.
2) Diri – qədim zaman, çoxdankı, qədimki [7].
Dastandakı sətiraltı ifadələr təsdiq edir ki, diri
sözü canlı adam mənasında deyil, qədimlik məna-
sında işlədilir. Deməli, Diri Baba piri qədim, mü-
qəddəs ziyarət məkanı, ocaq, pir kimi qəbul olun-
malıdır. Belə bir məqbərənin başqa bir oxşarı da
Meksikadadır. Dastanda işarə olunan Qaradağ isə
məhz qədim Xanəgahı ilə məşhur olan, qədim ziya-
rət ocağı Sofi Novruzdur, onun ətrafındakı Qara-
dağa bağlanır. Bu baxımdan Mərəzə 3-cü mənanı
özündə tapmaqla, Deminski və Dorinin yazdıqları
Piri Məzrə vəhdətində Diri Babaya, persilərin, əs-
lində, qədim parsilərin (zahid, abid, dərvişlərin
oturduğu yer) oturduqları yerə bağlanır [6].
Şaiblər və Qaiblər piri (dağı) - Qobustan rayo-
nununda, Ceyrankeçməz kəndindən şərq tərəfdə
yerləşən dağın adıdır. Xalq arasında yayılmış rəva-
yətə görə, guya Qurbançı kəndindən qərb tərəfdə
yerləşən Şərgah (Şəhərgah) xarabalığı vaxtilə şəhər
olmuşdur. Bu şəhərin müdafiə edilməsində Şaib və
Qaib adlı qardaşlar igidliklə döyüşərək həlak ol-
muşlar. Keçmişdə, adətə görə, xalq döyüş zamanı
həlak olmuş öz igid övladlarını yüksək dağların zir-
vəsində dəfn edərmiş. Ona görə də iki qoşa dağ zir-
vələrinin birində Qaibi, digər zirvədə isə Şaibi dəfn
etmişlər. Həmin dağların zirvəsi indi də xalqın zi-
yarət etdiyi müqəddəs yer sayılır.
Ümumiyyətlə, xalq arasında yayılmış rəvayət-
lərə görə, qoşa zirvələr Qaib və Şaibin adlarını da-
şıyır [9].
Şəkil. Qobustan inzibati rayonuda pirlər