55
Meşə fondu sahələrindən elmi-tədqiqat, mədəni-sağlamlaşdırma,
turizm və idman məqsədləri, ovçuluq təsərrüfatının ehtiyacları
üçün istifadə qaydaları haqqında
AZƏRBAYCAN RESPUBLİKASI NAZİRLƏR KABİNETİNİN
QƏRARI
“Azərbaycan Respublikasının 1997-ci il 30 dekabr tarixli Qanunu ilə təsdiq edilmiş
Azərbaycan Respublikası Meşə Məcəlləsinin tətbiq edilməsi barədə” Azərbaycan Respublikası
Prezidentinin 1998-ci il 30 mart tarixli 693 nömrəli Fərmanının icrası ilə əlaqədar Azərbaycan
Respublikasının Nazirlər Kabineti qərara alır:
1. Meşə fondu sahələrindən elmi-tədqiqat, mədəni-sağlamlaşdırma, turizm və idman
məqsədləri, ovçuluq təsərrüfatının ehtiyacları üçün istifadə qaydaları təsdiq edilsin
(əlavə olunur).
2. “Dövlət meşə fondunun ərazisində turizm düşərgələrinin və istirahət bazalarının
yerləşdirilməsinə icazələrin verilməsi qaydası barədə” Azərbaycan SSR Nazirlər
Sovetinin 1985-ci il 7 may tarixli 151 nömrəli qərarı öz qüvvəsini itirmiş hesab
edilsin.
3. Bu Qərar imzalandığı gündən qüvvəyə minir.
Azərbaycan Respublikasının Baş naziri
A. RASİZADƏ
Bakı şəhəri, 30 oktyabr 1998-ci il
№ 219
56
Azərbaycan Respublikası Nazirlər Kabinetinin
1998-ci il 30 oktyabr tarixli 219 nömrəli qərarı ilə
TƏSDİQ EDİLMİŞDİR
Meşə fondu sahələrindən elmi-tədqiqat, mədəni-sağlamlaşdırma,
turizm və idman məqsədləri, ovçuluq təsərrüfatının ehtiyacları
üçün istifadə
QAYDALARI
1. Bu Qaydalar meşə fondu sahələrindən elmi-tədqiqat, mədəni-sağlamlaşdırma, turizm
və
idman məqsədləri, ovçuluq təsərrüfatının ehtiyacları üçün istifadəni tənzimləyir.
2. Mülkiyyət və təşkilati hüquqi formasından asılı olmayaraq hüquqi və fiziki şəxslər
(bundan sonra meşə istifadəçisi adlandırılır) meşə fondu sahələrindən Azərbaycan
Respublikası Meşə Məcəlləsinə uyğun elmi-tədqiqat, mədəni-sağlamlaşdırma,
turizm və idman məqsədləri, ovçuluq təsərrüfatının ehtiyacları üçün istifadə edilməsi
haqqında Azərbaycan Respublikasının Ekologiya və Təbii Sərvətlər Nazirliyinə ərizə
ilə müraciət etməlidirlər.
Təqdim olunmuş ərizə Azərbaycan Respublikasının Ekologiya və Təbii Sərvətlər
Nazirliyi tərəfindən xüsusi kitabda qeydə alınmaqla qəbul edilir, baxılır və imtina
üçün əsas olmadıqda qeydə alındığı gündən başlayaraq bir ay müddətindən gec
olmamaqla meşə istifadəçisi ilə müqavilə bağlanılır.
Azərbaycan Respublikasının Ekologiya və Təbii Sərvətlər Nazirliyi ərizəyə baxarkən
məsələyə dair yerli meşə təsərrüfatı orqanlarının rəyini və şərtlərini əsas tutmalıdır.
Müqavilə bağlanılmadığı halda meşə istifadəçisinə onun səbəbləri göstərilməklə
rəsmi izahat verilir.
Ovçuluq təsərrüfatlarının aparılması məqsədilə meşə fondu sahələrinin ov yerləri azı
10 il müddətində hüquqi və fiziki şəxslərin istifadəsinə verilə bilər.
3. Müqavilə, kütləvi meşə servitutu istisna olmaqla, meşə fondundan istifadənin növü,
yeri, miqdarı, vaxtı, şərtləri və qiyməti göstərilməklə meşə istifadəçisinə əsaslı tikinti
aparılmadan meşə fondu müvafiq sahələrindən müvəqqəti istifadə hüququ verir.
4. Meşə fondu sahələrindən elmi-tədqiqat, mədəni-sağlamlaşdırma, turizm və idman
məqsədləri, ovçuluq təsərrüfatının ehtiyacları üçün istifadə zamanı meşə istifadəçisi
aşağıdakılara əməl etməyə borcludur:
meşə fondu sahələrindən mövcud qanunvericiliyə uyğun istifadə etmək;
müqavilənin şərtlərinə əməl etmək, meşə fondundan istifadə üçün haqları vaxtında
ödəmək;
istifadə olunan sahənin və onun ətrafının zibillənməsinə yol verməmək, digər
sanitariya qaydalarına
əməl etmək;
sahəyə mal-qaranın buraxılmasına
yol verməmək;
istifadə olunan sahəyə bitişik meşənin qanunsuz qırılmasına yol verməmək;
istifadəyə verilmiş meşə fondu sahələrindən meşə yanğını təhlükəsizliyi qaydalarına
riayət etmək və ərizədə yanğın baş verdikdə onun söndürülməsini təmin etmək;
meşə təsərrüfatına vurulmuş zərər və itkini müəyyən qaydada bərpa etmək və ya
dəymiş ziyanı ödəmək.
5. Meşə fondu sahələrindən elmi-tədqiqat, mədəni-sağlamlaşdırma, turizm və idman
57
məqsədləri, ovçuluq təsərrüfatının ehtiyacları üçün istifadə hüquqi Azərbaycan
Respublikasının Ekologiya və Təbii Sərvətlər Nazirliyinin qərarı ilə aşağıdakı
hallarda məhdudlaşdırıla və ya dayandırıla bilər:
meşə fondu sahələrindən istifadə zamanı Azərbaycan Respublikasının meşə
qanunvericiliyinə
əməl edilmədikdə;
müqavilənin şərtləri pozulduqda;
meşə fondu sahələrinin səmərəli istifadəsini, mühafizəsini, qorunmasını və bərpasını,
ölkənin müdafiəsini və dövlətin təhlükəsizliyini təmin etmək, əhalinin sağlamlığını,
ətraf mühiti, tarixi-mədəni və təbii irsi, fiziki şəxslərin hüquqlarını və qanuni
mənafelərini qorumaq zəruriliyi yarandığı hallarda.
Meşə fondu sahələrindən istifadə hüququnun məhdudlaşdırılmasına və dayandı rılma-
sına səbəb olan şərait və şərtlər aradan qaldırıldıqda bu hüquq Azərbaycan Respub-
likasının Ekologiya və Təbii Sərvətlər Nazirliyi tərəfindən tam həcmdə bərpa olunur.
Meşə istifadəçisi onun meşə fondu sahəsindən istifadə hüququnun məhdudlaşdırılması
və ya dayandırılması barədə qərarla razılaşmadıqda məhkəməyə şikayət edə bilər.
6. Meşə istifadəçisi rəsmi ərizə əsasında meşə fondu sahələrindən istifadə hüququndan
imtina etdikdə, müqavilənin müddəti başa çatdıqda, fəaliyyəti dayandıqda, Azərbaycan
Respublikasının Meşə Məcəlləsində və digər qanunvericilik aktlarında nəzərdə
tutulmuş hallarda onun meşə fondu sahələrindən istifadə hüququna Azərbaycan
Respublikasının Ekologiya və Təbii Sərvətlər Nazirliyi tərəfindən xitam verilir.
7. Azərbaycan Respublikasının Ekologiya və Təbii Sərvətlər Nazirliyi meşə fondu
sahələrindən istifadə hüququna yalnız aşağıdakı hallarda məcburi xitam verə bilər:
meşə istifadəçisi tərəfindən Azərbaycan Respublikasının meşə qanunvericiliyi
pozulduqda;
fövqəladə vəziyyət törədən qəza, təbii fəlakət və bu kimi başqa hadisələr baş verdikdə;
meşə istifadəçisi tərəfindən meşə fondu sahələrinin istifadə haqqının müəyyən
olunmuş
müddətdə ödənilmədikdə;
meşə istifadəçisi tərəfindən müqavilədə nəzərdə tutulmuş şərtlər pozulduqda;
meşə istifadəçisi tərəfindən yanğın təhlükəsizliyi qaydalarına əməl edilmədikdə;
(Çıxarılıb)
Azərbaycan Respublikasının Ekologiya və Təbii Sərvətlər Nazirliyi meşə fondu
sahələrindən istifadə hüququna xitam verilməsi barədə meşə istifadəçisinə rəsmi
xəbər verməlidir.
8. Meşə istifadəçisi Azərbaycan Respublikası qanunvericiliyi ilə müəyyən edilmiş
hallarda və şərtlərlə Azərbaycan Respublikasının Ekologiya və Təbii Sərvətlər
Nazirliyinin razılığı ilə meşə fondu sahəsindən istifadə hüququnu özünün hüquqi
varisi olmayan şəxsə müqavilə əsasında verə bilər.
9. Meşə istifadəçisi olan şəxs vəfat etdikdə ona məxsus istifadə hüququ qanunvericilikdə
müəyyən olunmuş qaydada başqa şəxslərə keçə bilər.
Meşə istifadəçisi hüquqi şəxs kimi yenidən təşkil edildikdə ona məxsus istifadə
hüququ Azərbaycan Respublikasının qanunvericiliyi ilə müəyyən olunmuş qaydada
yeni yaranan hüquqi şəxsə keçir.
Meşə fondu sahələrindən istifadə hüququnun başqasına keçməsi müqavilədə
Azərbaycan Respublikasının Ekologiya və Təbii Sərvətlər Nazirliyi tərəfindən
dəyişikliklər etmək yolu ilə rəsmiləşdirilir.
10. Meşə fondu sahələrindən elmi tədqiqat, mədəni-sağlamlaşdırma, turizm və idman
məqsədləri, ovçuluq təsərrüfatının ehtiyacları üçün istifadə müqaviləsinin forması
Azərbaycan Respublikasının Ekologiya və Təbii Sərvətlər Nazirliyi tərəfindən
hazırlanır və təsdiq edilir.