35
hökumət təşkilatları və vətəndaş cəmiyyəti tərəfindən həyata keçirilənlər də daxil
olmaqla inteqrasiya edilmiş siyasət, tədbir və proqramların müvafiq qaydada
icrası üçün lazımı maliyyə və insan resursları ayırmalıdırlar.
Maddə 9 – Qeyri-hökumət təşkilatları və vətəndaş cəmiyyəti
Tərəflər qadınlara qarşı zorakılıqla mübarizə sahəsində fəal olan müvafiq qeyri-
hökumət təşkilatları və vətəndaş cəmiyyətinin işini bütün səviyyələrdə tanımalı,
stimullaşdırmalı və dəstəkləməli, o cümlədən bu təşkilatlarla effektiv əməkdaşlıq
yaratmalıdırlar.
Maddə 10 – Əlaqələndirici orqan
1
Tərəflər bu Konvensiyanın şamil olunduğu zorakılığın bütün formalarının
qarşısının alınması və onlarla mübarizə sahəsindəki siyasət və tədbirlərin
əlaqələndirilməsi, icrası və qiymətləndirilməsi üzrə məsul bir və ya daha çox
rəsmi orqan təyin və ya təsis etməlidirlər. Bu orqanlar Maddə 11-də istinad
edildiyi kimi məlumatların toplanmasını əlaqələndirəcək, nəticələri təhlil edib
yayacaq.
2
Tərəflər bu maddəyə uyğun olaraq təyin edilmiş və ya yaradılmış orqanların VIII
Fəslə müvafiq olaraq görülən tədbirlərin ümumi cəhətləri haqqında məlumat
almasını təmin edəcək.
3
Tərəflər bu müqaviləyə uyğun şəkildə təyin edilmiş və ya yaradılmış orqanların
bir-biri ilə birbaşa əlaqə saxlamaq imkanına malik olmasını və digər tərəfdaş
Dövlətlərdəki həmkarları ilə əlaqələri genişləndirməsini təmin edəcək.
Maddə 11 – Məlumatların toplanması və araşdırma
1
Bu Konvensiyanın tətbiqi məqsədilə Tərəflər aşağıdakı öhdəlikləri götürürlər:
a
bu Konvensiyanın əhatə dairəsinə daxil olan zorakılığın bütün
formaları ilə bağlı hadisələr haqqında müntəzəm intervallarla
təfərrüatlı müvafiq statistik məlumat toplamaq;
b
zorakılıq formalarının əsas səbəblərini və təsirlərini, baş vermə və
məhkum edilmə dərəcələrini, o cümlədən bu Konvensiyanı tətbiq
etmək üçün görülən tədbirlərin effektivliyini müəyyən etmək üçün
bu Konvensiya tərəfindən əhatə olunan bütün zorakılıq formaları
sahəsində aparılan araşdırmalara dəstək olmaq.
2
Tərəflər bu Konvensiyanın əhatə dairəsinə daxil olan bütün zorakılıq formalarının
yayılmasını və meyllərini qiymətləndirmək məqsədilə müntəzəm intervallarla
əhaliyə əsaslanan sorğular keçirməyə çalışmalıdır.
3
Tərəflər, bu Konvensiyanın 66-cı Maddəsində istinad edildiyi kimi, beynəlxalq
əməkdaşlığa təkan vermək və beynəlxalq təhlillərin keçirilməsinə imkan yaratmaq
üçün ekspertlər qrupunu bu maddəyə əsasən toplanmış məlumatlarla təmin
etməlidir.
4
Tərəflər bu maddəyə uyğun olaraq toplanmış məlumatların ictimaiyyətə
açıqlanmasını təmin etməlidir.
36
III Fəsil – Preventiv tədbirlər
Maddə 12 – Ümumi öhdəliklər
1
Tərəflər qadınların aşağı təbəqə olması fikrinə və ya qadın və kişilərin
stereotiplərə məruz qalmış rollarına əsaslanan zehniyyəti, adət-ənənələri və digər
təcrübələri aradan qaldırmaq məqsədilə qadın və kişilərin sosial və mədəni
davranış formalarının dəyişməsini təşviq etmək üçün lazımı addımlar atmalıdırlar.
2
Tərəflər hər hansı fiziki və ya hüquqi şəxs tərəfindən bu Konvensiyada nəzərdə
tutulan bütün zorakılıq formalarının törədilməsinin qarşısını almaq üçün zəruri
hüquqi və digər tədbirlər görməlidirlər.
3
Bu Fəslə uyğun olaraq görülən hər hansı tədbir zamanı müəyyən şərtlər
nəticəsində müdafiəsiz qalmış şəxslərin xüsusi ehtiyacları nəzərə alınmalı və
qarşılanmalı, o cümlədən zərərçəkmişlərin insan hüquqları diqqət mərkəzində
saxlanmalıdır.
4
Tərəflər cəmiyyətin bütün üzvlərinin, xüsusilə də kişi və oğlanların bu
Konvensiyada nəzərdə tutulmuş bütün zorakılıq formalarının qarşısının
alınmasına fəal şəkildə yardım etməsini stimullaşdırmaq üçün lazımı addımlar
atmalıdırlar.
5
Tərəflər mədəniyyət, adət, din, ənənə və ya namus məsələlərinin bu
Konvensiyada nəzərdə tutulan zorakılıq əməllərindən hər hansı birinin törədilməsi
üçün əsas hesab edilməməsini təmin etməlidirlər.
6
Tərəflər qadınlara verilən səlahiyyətlərin genişləndirilməsi məqsədilə proqram və
səlahiyyətlərin təşviqi üçün lazımı tədbirlər görməlidirlər.
Maddə 13 – Maarifləndirmə
1
Tərəflər, lazım olarsa, milli insan hüquqlarının müdafiəsi institutları və
bərabərliyin təşviqi ilə məşğul olan orqanlar, vətəndaş cəmiyyəti və qeyri-
hökumət təşkilatları, xüsusilə qadın təşkilatları ilə əməkdaşlıq da daxil olmaqla
ümumi ictimaiyyət arasında bu Konvensiyada nəzərdə tutulan bütün zorakılıq
formaları, onların uşaqlara təsirləri və bu cür zorakılığın qarşısını alma ehtiyacı
haqqında məlumatlılığı və anlayışları artırmaq məqsədilə müntəzəm olaraq və
bütün səviyyələrdə məlumatlılığın artırılması kampaniya və ya proqramlarının
keçirilməsini təşviq və tətbiq etməlidirlər.
2
Tərəflər ümumi ictimaiyyət arasında bu Konvensiyanın əhatə dairəsinə daxil olan
zorakılıq əməllərinin qarşısını almaq üçün mövcud tədbirlər haqqında
məlumatların geniş yayılmasını təmin etməlidirlər.
Maddə 14 – Təhsil