Council of Europe Convention
Yüklə 0,7 Mb. Pdf görüntüsü
|
- Bu səhifədəki naviqasiya:
- Konvensiyası (CETS No.210)
- I Fəsil – Məqsədlər, anlayışlar, bərabərlik və ayrı-seçkiliyə yol verməmə, ümumi öhdəliklər Maddə 1 – Konvensiyanın məqsədləri
- Maddə 2 – Konvensiyanın əhatə dairəsi
30 Avropa Şurası Qadınlara qarşı Zorakılıq və Məişət Zorakığılınin Qarşısının Alınması və Ona qarşı Mübarizə haqqında Konvensiyası (CETS No.210) İstanbul, 11 may 2011-ci il Preambula 31 Avropa Şurasının üzvü olan Dövlətlər və bu Konvensiyanı imzalayan digər tərəflər, İnsan Hüquqları və Əsas Azadlıqlarının Müdafiəsi haqqında Konvensiya (ETS No. 5, 1950-ci il) və onun Protokolları, Avropa Sosial Xartiyası (ETS No. 35, 1961-ci il, 1996-cı ildə yenidən baxılmış, ETS No. 163), Avropa Şurasının İnsan Alveri əleyhinə Fəaliyyətə dair Konvensiyası (CETS No. 197, 2005-ci il) və Avropa Şurasının Uşaqların Cinsi İstismar və Cinsi İstifadədən Müdafiəsinə dair Konvensiyasını (CETS No. 201, 2007-ci il) xatırlayaraq; Nazirlər Komitəsinin Avropa Şurasının üzv Dövlətlərinə aşağıdakı tövsiyələrini: Qadınların zorakılıqdan müdafiəsinə dair Rec(2002)5 saylı Tövsiyə, Gender bərabərliyi norma və mexanizmlərinə dair CM/Rec(2007)17 saylı Tövsiyə, Münaqişələrin qarşısının alınması və həll olunmasında, sülhün bərqərar edilməsində qadın və kişilərin roluna dair CM/Rec(2010)10 saylı Tövsiyə və digər müvafiq tövsiyələri xatırlayaraq; Qadınlara qarşı zorakılıq sahəsində əhəmiyyətli normalar yaradan Avropa İnsan Hüquqları Məhkəməsinin genişlənən presedentlərini diqqətə alaraq; Mülki və Siyasi Hüquqlar haqqında Beynəlxalq Pakt (1966-cı il), İqtisadi, Sosial və Mədəni Hüquqlar haqqında Beynəlxalq Pakt (1966-cı il), BMT-nin “Qadınlara qarşı ayrı-seçkiliyin bütün formalarının ləğv olunması haqqında” Konvensiyası (“CEDAW”, 1979-cu il) və onun Fakültativ Protokolu (1999-cu il), o cümlədən CEDAW Komitəsinin qadınlara qarşı zorakılıqla bağlı 19 saylı Ümumi Tövsiyəsi, BMT-nin Uşaq Hüquqları haqqında Konvensiyası (1989-cu il) və onun Fakültativ Protokolları (2000-ci il) və “Əlilliyi olan şəxslərin hüquqları haqqında” BMT Konvensiyasının (2006-cı il) müddəalarını diqqətə alaraq; Beynəlxalq Cinayət Məhkəməsinin Roma Statutuna (2002-ci il) nəzər salaraq; Beynəlxalq humanitar qanunvericiliyin, xüsusilə də Müharibə dövründə mülki şəxslərin müdafiəsi ilə əlaqədar Cenevrə Konvensiyasının (IV) və onun I və II Əlavə Protokollarının (1977-ci il) təməl prinsiplərini xatırlayaraq; Qadınlara qarşı zorakılığın və məişət zorakılığının bütün formalarını pisləyərək; Qadınlarla kişilər arasında de-yura və de-fakto bərabərliyin bərqərar edilməsinin qadınlara qarşı zorakılığın qarşısının alınmasında əsas element olduğunu qəbul edərək; Qadınlara qarşı zorakılığın qadınlarla kişilər arasında tarixən qeyri-bərabər səlahiyyət bölgüsünün təzahürü olduğunu və bunun kişilərin qadınlar üzərində üstünlüyü və kişilər tərəfindən qadınlara qarşı ayrı-seçkilik, qadınların tam şəkildə tərəqqisinin qarşısını alması ilə nəticələndiyini qəbul edərək; Qadınlara qarşı zorakılığın struktur xüsusiyyətinin gender zəminli zorakılıq olduğunu və qadınlara qarşı zorakılığın kişilərə nisbətdə qadınların ikinci dərəcəli mövqedə qalmasını ən mühüm sosial mexanizmlərindən biri olduğunu qəbul edərək; Qadınların və qızların insan hüquqlarının ciddi şəkildə pozulmasına səbəb olan və qadınlarla kişilər arasında bərabərliyə nail olmaq üçün maneə törədən məişət
32 zorakılığı, cinsi qısnama, zorlama, məcburi nikah, namus cinayətləri və qadın sünnəti kimi ciddi zorakılıq formalarına tez-tez məruz qaldıqlarını böyük narahatçılıqla qəbul edərək; Silahlı münaqişələr zamanı mülki əhaliyə, xüsusilə də qadınlara geniş yayılmış və ya sistemli zorlama və cinsi zorakılıq formasında təsir edən insan hüquqlarının davamlı olaraq pozulması hallarının və həm münaqişələr zamanı, həm də onlardan sonra artan gender zəminli zorakılıq potensialının olmasını qəbul edərək; Qadınların və qızların kişilərlə müqayisədə daha çox gender zəminli zorakılıq riskinə məruz qaldıqlarını qəbul edərək; Məişət zorakılığının qadınlara qeyri-bərabər təsir etdiyini və kişilərin də məişət zorakılığı qurbanına çevrilə biləcəyini qəbul edərək; Uşaqların ailədə zorakılığa şahidlik etmə halları daxil olmaqla məişət zorakılığı qurbanları olduğunu qəbul edərək; Qadınlara qarşı zorakılıqdan və məişət zorakılığından azad bir Avropa yaratmaq ümidindən ilham alaraq, Aşağıdakılar barədə razılığa gəlmişlər:
1 Bu Konvensiyanın məqsədləri aşağıdakılardır: a qadınları zorakılığın bütün formalarından müdafiə etmək, qadınlara qarşı zorakılığın və məişət zorakılığının qarşısını almaq, təqib etmək və aradan qaldırmaq; b qadınlara qarşı ayrı-seçkiliyin bütün formalarının aradan qaldırılmasına yardım etmək və qadınların səlahiyyətlərinin genişləndirilməsi də daxil olmaqla qadınlarla kişilər arasında mülki bərabərliyi təşviq etmək ; c bütün qadınlara qarşı zorakılıq və məişət zorakılığı qurbanlarının müdafiəsi və onlara yardım üçün hərtərəfli qanunvericilik bazası, siyasət və tədbirlər hazırlamaq; d qadınlara qarşı zorakılıq və məişət zorakılığını aradan qaldırmaq istiqamətində beynəlxalq əməkdaşlığı təşviq etmək; e
qadınlara qarşı zorakılıq və məişət zorakılığının aradan qaldırılmasına vahid yanaşma qəbul etmək məqsədilə təşkilat və hüquq-mühafizə orqanlarına effektiv əməkdaşlıq üçün yardım etmək. 2 Konvensiyanın müddəalarının onu imzalayan Dövlətlər tərəfindən effektiv şəkildə həyata keçirilməsini təmin etmək məqsədilə xüsusi monitorinq mexanizminin yaradılması nəzərdə tutulur. Maddə 2 – Konvensiyanın əhatə dairəsi 1 Bu Konvensiya məişət zorakılığı da daxil olmaqla, qadınlara qeyri-mütənasib formada təsir edən qadınlara qarşı zorakılığın bütün formalarına şamil olunur. Yüklə 0,7 Mb. Dostları ilə paylaş:
|