42
1
Tərəflər himayədarlıq və uşaqları ziyarət hüquqlarının müəyyənləşdirilməsində
bu Konvensiyada nəzərdə tutulmuş zorakılıq hallarının nəzərə alınmasını təmin
etmək üçün zəruri hüquqi və ya digər tədbirlər görməlidirlər.
2
Tərəflər hər hansı ziyarət və ya himayədarlıq hüququnun icrasının zərərçəkmişin
və ya uşaqların hüquq və təhlükəsizliyinə xələl yetirmədiyini təmin etmək üçün
zəruri hüquqi və ya digər tədbirlər görməlidirlər.
Maddə 32 – Məcburi nigahların mülki fəsadları
Tərəflər məcburi surətdə bağlanmış nigahların zərərçəkmişin çiyinlərinə qeyri-
müvafiq maliyyə və ya inzibati yük qoymadan ləğv edilə və ya pozula biləcəyini
təmin etmək üçün lazımı hüquqi və ya digər tədbirlər görməlidirlər.
Maddə 33 – Psixoloji zorakılıq
Tərəflər məcbur etmə və ya hədə-qorxu vasitəsilə hər hansı bir şəxsin psixoloji
vəziyyətinə ciddi xələl yetirən qəsdən törədilmiş əməllərin cinayət əməli olmasını
təmin etmək üçün zəruri hüquqi və ya digər tədbirlər görməlidirlər.
Maddə 34 – Təcavüz məqsədli təqib
Tərəflər başqa şəxsə yönəldilmiş və onun öz təhlükəsizliyinə görə narahat
olmasına səbəb olan hədə-qorxu xarakterli davranışı məqsədli şəkildə və təkrarən
nümayiş etdirmənin cinayət əməli hesab edildiyini təmin etmək üçün zəruri
hüquqi və digər tədbirlər görməlidirlər
.
Maddə 35 – Fiziki zorakılıq
Tərəflər başqalarına qarşı qəsdən fiziki zorakılıq əməllərinin törədilməsinin
cinayət olduğunu təmin etmək üçün zəruri hüquqi və ya digər tədbirlər
görməlidirlər.
Maddə 36 – Zorlama da daxil olmaqla cinsi zorakılıq
1
Tərəflər aşağıda verilmiş məqsədli davranışların cinayət əməli hesab olunması
üçün zəruri hüquqi və ya digər tədbirlər görəcək:
43
a
bədənin hər hansı bir hissəsi və ya əşya ilə başqa şəxsin bədəninə onun
razılığı olmadan
cinsi xarakterli vaginal, anal
və ya oral müdaxilə etmə
b
hər hansı bir şəxslə onun razılığı olmadan digər cinsi xarakterli
münasibətdə olmaq;
c
başqa şəxsin üçüncü şəxslə onun razılığı olmadan cinsi xarakterli
münasibətə daxil olmasına səbəb olmaq.
2
Razılıq şəxsin ətrafındakı şərtlər əsasında qiymətləndirilən azad iradəsinin
nəticəsi olaraq könüllü şəkildə verilməlidir.
3
Tərəflər 1-ci bəndin müddəalarının, həmçinin beynəlxalq hüquqda müəyyən
edildiyi kimi, keçmiş və ya hazırkı həyat yoldaşları, yaxud partnyorlara qarşı
törədilən əməllərə şamil edilməsini təmin etmək üçün zəruri hüquqi və ya digər
tədbirlər görməlidirlər.
Maddə 37 – Məcburi nigah
1
Tərəflər yetkinlik yaşına çatmış şəxsi və ya uşağı nigaha daxil olmağa qəsdən
məcbur etmənin cinayət əməli olduğunu təmin etmək üçün lazımı hüquqi və ya
digər tədbirlər görməlidirlər.
2
Tərəflər yetkinlik yaşına çatmış şəxsi və ya uşağı nikaha daxil olmağa məcbur
etmək məqsədilə qəsdən aldadaraq yaşadığı ölkənin ərazisindən çıxarıb Tərəf və ya
Dövlətin ərazisinə gətirmənin cinayət olduğunu təmin etmək üçün zəruri hüquqi və ya
digər tədbirlər görməlidirlər.
Maddə 38 – Qadın sünnəti
Tərəflər aşağıda verilmiş məqsədli davranışların cinayət əməli hesab olunmasını
təmin etmək üçün zəruri hüquqi və ya digər tədbirlər görməlidirlər:
a
qadın cinsiyyət orqanının : böyük dodaqlar, kiçik dodaqlar və ya
klitorunun tam və ya hissəvi kəsilməsi, birləşdirilməsi və ya başqa şəkildə
sünnət edilməsi
b
qadını a bəndində sadalanan hallardan hər hansı birinə məruz
qalmağa məcbur etmək və ya sadalanan halların icrasına yardım etmək;
c
hər hansı qızın a bəndində qeyd edilən hallardan istənilən birinə
məruz qalmasını təmin etmək və ya onu buna məcbur və ya təhrik etmək
44
Maddə 39 – Məcburi abort və qısırlaşdırma
Tərəflər aşağıdakı məqsədli davranışların cinayət əməli olduğunu təmin etmək
üçün lazımı hüquqi və digər tədbirlər həyata keçirməlidirlər:
a
Öncədən məlumatlandırılmadan və razılığı alınmadan qadın
abort edilməsi
b
Öncədən məlumatlandırılmadan və razılığı alınmadan, həmçinin yerinə
yetiriləcək ənməliyyat haqqında tam şəkildə anlayışı olmayan hər hansı
bir qadında onun təbii nəsil vermə qabiliyyətini tükətmək məqsədi ilə
və ya buna səbəb oçla biləcək hər hansı cərrahi əməliyyatın aparılması.
Maddə 40 – Cinsi qısnama
Tərəflər hər hansı bir şəxsin ləyaqətini alçaltmaq məqsədi və ya təsiri ilə, xüsusilə
qorxuducu, düşməncə, alçaldıcı, təhqiredici və ya xoşagəlməz mühit yaradarkən
istənilən cinsi xarakterli sözlü, sözsüz və ya fiziki davranış formasına cinayət və
ya digər hüquqi cəzanın tətbiq edilməsini təmin etmək üçün lazımı hüquqi və ya
digər tədbirlər görməlidirlər.
Maddə 41 – Köməklik etmək və ya əlbir olmaq və buna cəhd etmək
1
Tərəflər bu Konvensiyanın 33, 34, 35, 36, 37, 38.a və 39-cu Maddələrinə
müvafiq olaraq müəyyən edilmiş zorakılıq əməllərinin törədilməsinə qəsdən
köməklik etmə və ya törətmək məqsədi ilə əlbir olmanın cinayət əməli hesab
edilməsi üçün lazımı hüquqi və ya digər tədbirlər görməlidirlər.
2
Tərəflər bu Konvensiyanın 35, 36, 37, 38.a və 39-cu Maddələrinə uyğun olaraq
müəyyən edilmiş əməlləri qəsdən törətmə cəhdlərinin cinayət əməli hesab
edilməsi üçün zəruri hüquqi və ya digər tədbirlər həyata keçirməlidirlər.
Maddə 42 – Cinayətlərə, o cümlədən “namus-şərəf” naminə törədilən
cinayətlərə qəbuledilməz bəraətin qazandırılması
1
Tərəflər bu Konvensiyanın əhatə dairəsinə daxil olan hər hansı zorakılıq aktının
törədilməsindən sonra başladılan cinayət araşdırmasında mədəniyyət, adət, din,
ənənə və ya “namus” kimi anlayışların bu cür əməllərin törədilməsi üçün bəraət
təşkil etməməsini təmin edəcək zəruri hüquqi və ya digər tədbirlər görməlidirlər.
Buraya, xüsusilə də qurbanın müvafiq davranışının mədəni, dini, sosial və ya
ənənəvi norma və ya adətləri pozması ilə bağlı iddialar daxildir.
2
Tərəflər hər hansı bir uşağın bir şəxs tərəfindən 1-ci bənddə istinad edilmiş
əməllərdən hər hansı birini törətməyə təhrik edilməsinin bu şəxsin törədilmiş