39
4
Xidmətlərin təminatı qurbanın hər hansı cinayətkara qarşı iddialar qaldırması və
ya şahidlik etməsindən asılı olmamalıdır.
5
Tərəflər beynəlxalq hüququn normaları əsasında götürdükləri öhdəliklərə uyğun
olaraq öz xalqlarının nümayəndələrinə və digər qurbanlara konsulluq və digər müdafiə və
yardım təmin etmək üçün müvafiq tədbirlər görməlidirlər.
Maddə 19 – Məlumat
Tərələr qurbanların mövcud dəstək xidmətləri və hüquqi tədbirlər haqqında başa
düşdükləri bir dildə adekvat və vaxtında məlumat aldığından əmin olmaq üçün
lazımı hüquqi və ya digər tədbirlər görməlidirlər.
Maddə 20 – Ümumi yardım xidmətləri
1
Tərəflər zərərçəkmişlərin zorakılığın nəticələrindən sağalmasını asanlaşdıran
xidmətlərə çıxışını təmin etmək üçün lazımı hüquqi və ya digər tədbirlər
görməlidirlər. Bu tədbirlərə, tələb olunarsa, hüquqi və psixoloji məsləhətləşmə,
maliyyə yardımı, sığınacaqla təmin olunma, təhsil, təlim və iş tapmaqda yardım
kimi xidmətlər daxil olmalıdır.
2
Tərəflər qurbanların səhiyyə və sosial xidmətlərə çıxışını və xidmətlərin lazımı
resurslarla təmin olunmasını, mütəxəssislərin zərərçəkmişlərə kömək etmələri
üçün təlimləndirilməsini və müvafiq xidmətlərə yönləndirilməsini təmin etmək
üçün zəruri hüquqi və ya digər tədbirlər görməlidirlər.
3
Maddə 21 – Fərdi/kollektiv şikayətlərlə bağlı yardım
Tərəflər qurbanların tətbiq olunan regional və beynəlxalq fərdi/kollektiv şikayət
mexanizmləri haqqında məlumatlı olmasını və onlardan istifadə edə bilməsini
təmin etməlidirlər. Tərəflər bu qəbildən olan hər hansı şikayətin təqdim
edilməsində həssas və bilikli yardımın təmin edilməsini təşviq etməlidirlər.
Maddə 22 – Mütəxəssislər tərəfindən yardım xidməti
1
Tərəflər bu konvensiya tərəfindən əhatə olunan hər hansı zorakılıq əməlinə məruz
qalmış qurbana müvafiq coğrafi bölgüdə təxirəsalınmaz, qısa və uzun müddətli
peşəkar yardım xidmətləri təmin etmək üçün zəruri hüquqi və ya digər tədbirlər
görməlidirlər.
2
Tərəflər bütün zorakılıq qurbanı olan qadınlar və onların uşaqların üçün peşəkar
yardım xidməti təmin və ya təşkil etməlidirlər.
40
Maddə 23 – Sığınacaqlar
Tərəflər qurbanlar, xüsusilə qadınlar və onların uşaqlarını təhlükəsiz yaşayış yeri
ilə təmin etmək və onlarla sıx əlaqə saxlamaq üçün kifayət sayda münasib,
asanlıqla çıxış əldə edilə bilən sığınacaqların yaradılmasını təmin edən lazımı
hüquqi və ya digər tədbirlər görəcək.
Maddə 24 – Telefon yardım xətləri
Tərəflər bu Konvensiyada nəzərdə tutulan bütün zorakılıq formaları ilə əlaqədar
məxfi və ya anonimliyin qorunması yolu ilə bütün ölkə miqyasında müraciət edən
şəxslərə gecə-gündüz (7/24) təmənnasız məsləhət verən telefon yardım xətlərinin
yaradılması üçün zəruri hüquqi və digər tədbirləri görməlidirlər.
Maddə 25 – Cinsi zorakılıq qurbanlarına dəstək
Tərəflər qurbanlara tibbi, məhkəmə ekspertizası, zədə yardımı və məsləhət
xidməti təmin etmək məqsədilə kifayət sayda münasib, asanlıqla çıxış əldə edilə
bilən zorlama böhran və ya cinsi zorakılıq mərkəzlərinin yaradılmadı üçün lazımı
hüquqi və ya digər tədbirlər görməlidirlər.
Maddə 26 – Uşaq şahidlərin müdafiəsi və onlara dəstək
1
Tərəflər qurbanları müdafiə və dəstək xidmətləri ilə təmin edərkən bu
Konvensiyada nəzərdə tutulmuş bütün zorakılıq formalarının uşaq şahidlərinin
hüquq və ehtiyaclarının nəzərə alınmasından əmin olmaq üçün zəruri hüquqi və
ya digər tədbirləri həyata keçirməlidirlər.
2
Bu maddə əsasında görülən tədbirlərə bu konvensiyada əhatə olunan bütün
zorakılıq formalarının uşaq şahidləri üçün yaşa uyğun psixi-sosial məsləhət
xidməti daxil edilməli və uşaqların əsas maraqlarına xüsusi diqqət yetirilməlidir.
Maddə 27 – Məlumat vermə
Tərəflər bu Konvensiya ilə əhatə olunan zorakılıq əməllərinin törədilməsinə
şahidlik etmiş, yaxud bu cür əməlin törədilə biləcəyinə və ya gələcəkdə zorakılıq
əməllərinin törədilməsinin ehtimal edilməsinə inanmaq üçün əsaslı səbəbləri olan
şəxsləri bu barədə səlahiyyətli təşkilat və orqanlara məlumat verməyə
həvəsləndirmək üçün lazımı tədbirlər görməlidirlər.
41
Maddə 28 – Mütəxəssislər tərəfindən məlumat vermə
Tərəflər beynəlxalq hüquqda müəyyən mütəxəssislər üçün nəzərdə tutulan
məxfilik qaydalarının, bu Konvensiya ilə əhatə olunan ciddi zorakılıq əməlinin
törədildiyinə və gələcəkdə də gözləndiyinə inanmaq üçün əsaslı səbəbləri olarsa,
onların müvafiq şərtlər altında səlahiyyətli təşkilat və ya orqanlara məlumat
verməsi üçün maneə təşkil etmədiyindən əmin olmaq üçün zəruri tədbirlər
görməlidirlər.
V Fəsil – Maddi hüquq
Maddə 29 – Mülki məhkəmə prosesləri və müdafiə vasitələri
1
Tərəflər qurbanları təqsirkarlara qarşı müvafiq mülki müdafiə vasitələri ilə təmin
etmək üçün lazımı hüquqi və ya digər tədbirlər görməlidirlər.
2
Tərəflər
beynəlxalq hüququn ümumi prinsipləri əsasında qurbanları,
səlahiyyətləri daxilində zəruri preventiv və müdafiə tədbirləri görə bilməmiş
Dövlət orqanlarına qarşı müvafiq mülki müdafiə vasitələri ilə təmin etmək üçün
zəruri hüquqi və ya digər tədbirlər həyata keçirməlidirlər.
Maddə 30 – Kompensasiya
1
Tərəflər qurbanların bu Konvensiyada təsbit edilmiş hər hansı əmələ görə
təqsirkardan kompensasiya tələb etmək hüququnu təmin etmək üçün lazımı
hüquqi və ya digər tədbirlər görməlidirlər.
2
Bədəndə ciddi zədələr və sağlamlığın pisləşməsi hallarında dəymiş ziyan
təqsirkar, sığorta və ya Dövlət tərəfindən maliyyələşən sağlamlıq və sosial
təminatlar tərəfindən qarşılana bilmədikdə adekvat Dövlət kompensasiyası
ödənilir.
3
Zərərçəkmişin təhlükəsizliyinə xüsusi diqqət yetirildiyi müddətcə bu, Tərəflərin
təqsirkar tərəfindən ödənilən təzminatı azaltma tələbində mane olmur.
4
2-ci bənd əsasında görülən tədbir münasib zaman çərçivəsində kompensasiyanın
verilməsini təmin edəcək.
Maddə 31 – Himayə, ziyarət hüquqları və təhlükəsizlik
Dostları ilə paylaş: |