26
onun mövcudluğu yuxarıdakı dərəcələrdən birinə uyğun gələcəkdir.
Şərt deyil ki, bu, dərketmə baxımından ən asan olan və yuxarıdakı
birinci varlıq dərəcəsi olsun.
Peyğəmbər (Ona Allahın xeyir‐duası və salamı olsun!) deyib:
“Qiyamət günü ölüm qoyun surətində gətirtdirilər. Cənnətlə cəhən‐
nəmin arasında kəsilər. Bir səs eşidilər: “Ey cənnət əhli, ölümsüz həyat
(var)! Ey cəhənnəm əhli ölümsüz həyat (var)!” (İmam Əhməd, İbn
Macə).
Bəzi alimlər bu hədisi dəlil kimi gətirərək bildirmişlər ki, ölüm
“ərəz”dir (aksidensiyadır), maddi deyildir. Elə isə ölüm maddi olan
üçündür, aksidensiyalar üçün deyil. Çünki aksidensiyanın cisim kimi
hərəkəti qeyri‐mümkündür.
Bu səbəbdən hədisi belə yozmuşlar: nəzərdə tutulan şey budur
ki, Qiyamət günü insanlar ölüm olduğu zənn edilən surət görəcəklər.
Əslində, bu, onların hisslərində mövcud olacaq, obyektiv aləmdə deyil!
Bu, varlığın yuxarıda qeyd edilmiş ikinci dərəcəsidir.
Bəziləri isə bu hədisə əsasən “ərəz”in cövhər (substansiya) kimi
hərəkətinin mümkünlüyünü söyləyərək deyirlər ki, ölüm də qoyun kimi
hərəkət etdirilir və kəsilir.
Belə alimlərin görüşü həqiqətdən uzaq olsa da, biz onlara kafir
deyə bilmərik. Çünki onlar hədisin zahiri mənasına inanaraq bu fikrə
gəlmişlər. Bunun isə, qarşıda söyləyəcəyimiz kimi, heç bir zərəri yoxdur.
Allah təala buyurur:
“...Allahın əli onların əllərinin üstündədir...” (əl‐Fəth, 10).
Əlin hiss üzvləri ilə dərk edilən orqan olması dəlilinə əsaslanaraq
Allah təalanın əlinin olmamasını düşünənlər ayəni belə yozurlar ki,
nəzərdə tutulan şey hisslərlə deyil, ağılla dərk edilən əldir.
Odur ki, deyilir: “Unudulmamalıdır ki, əl hərəkət edir, zərbə
vurur, verir, mane olur. Deməli, nəzərdə tutulan budur ki, Allahın
qüdrəti onların gücləri üzərindədir”.
Belə bir dəlilə əsaslanmayanlar isə deyirlər: “Allahın həqiqi əli
var, amma o, bizim əlimiz kimi deyildir. O, mahiyyətini yalnız Allahın
özünün bildiyi “eşitmə” və “görmə” kimi atributlar qəbilindəndir”.
Habelə, Peyğəmbər (Ona Allahın xeyir‐duası və salamı olsun!)
deyib: “Birinizin itirdiyi şeyi taparkən sevindiyi kimi, Allah da qulunun
tövbə etməsini gördüyü zaman şad olur”
1
.
1
Səhih olan bu hədisi Əbu Hüreyrəyə istinadən Tirmizi və İbn Macə rəvayət etmişdir.
27
Uca Allah buyurur:
“...Allahın qəzəbinə düçar oldular...” (əl‐Bəqərə, 61).
Pak və Uca Allahın sevinib qəzəblənməyəcəyini inkar edənlərin
dəlili budur ki, fərəh – daxildə baş verən bir şeyə görə qəlbin açılması,
qəzəb isə qisas üçün qəlbdə qanın qaynaması, cuşa gəlməsidir.
Fərəh və qəzəbi Allaha nisbət edənlər isə deyirlər: “Fərəh dedik‐
də razılıq nəzərdə tutulur. Qəzəb isə intiqam istəyi və ya intiqamın
özüdür”.
Belə bir isbatı qəbul etməyənlər də deyirlər: “Allahın fərəh və
qəzəb atributlarının olması bir əngəl yaratmır. Ancaq biz onların
mahiyyətindən xəbərsizik”.
Bunları öyrəndikdən sonra bil ki, Hökmqoyanın dediklərini
yuxarıdakı formalarda yozanlar doğru danışanlardır. Hökmqoyanın
bildirdiyi varlıq dərəcələrinə uyğun şeyləri inkar etmək və: “Hökm‐
qoyanın dediklərinin heç bir mənası yoxdur və o, nəzərdə tutduğu
şeydən insanların diqqətini yayındırmaq üçün uydurulmuş xalis
yalandır”, – demək isə yalançılıqdır.
Elə isə kim ki, tə`vil edir (yozur), ona kafir demək olmaz. Tə`vilçi
necə kafir adlandırıla bilər ki, bütün müsəlman məzhəbləri və firqələri
tə`vil etməyə məcbur olmuşlar. Hətta insanları tə`vildən uzaqlaşdıran
Əhməd ibn Hənbəl belə, tə`vil etmişdir. Mötəbər hənbəli alimləri
demişlər ki, İmam Əhməd olduqca az məqamda tə`vilə baş vurmuşdur.
Bəzi hənbəlilərə görə belə məqamların sayı üçdür.
Buraya Peyğəmbərin (Ona Allahın xeyir‐duası və salamı olsun!)
bu hədislərinə dair yozumlar daxildir: “Qara daş Allahın yer üzündəki
sağ əlidir”;“Möminin qəlbi Rəhmanın iki barmağı arasındadır” (Müslim,
Tirmizi, İmam Əhməd, İbn Macə).
Mənanın zahirən başa düşülməsi qeyri‐mümkün olduğu zaman
İmam Əhməd (Allah rəhmət etsin!) tə`vilə əl atmışdır. Belə ki, o, “Qara
daş” hədisi haqda demişdir: “Bir kəsin hörmətini qazanmaq üçün adətən
onun əli öpüldüyü kimi, əmrinə tabe olub Allaha yaxınlaşmaq məqsədilə
Qara daş da öpülə bilər.
Qara daş sağ əl kimidir, amma o, mahiyyəti və xassələrinə görə
deyil, ərəz (aksidensiya) olmasına görə ələ oxşardır. Ərəzolma isə təzim
göstərməklə əmr sahibinə yaxınlaşmaqda ifadə olunub.”
Habelə, “sinələrində ürəklərinin mövcudluğunu hiss edənlərin
orada hansı isə barmaqların olduğunu hiss etməmələri” dəlili ilə Allah
təalanın qəlbləri oynadan iki barmağının mövcudluğunu qəbul etməyən
28
İmam Əhməd əqli yozuma əl atmış və bildirmişdir ki, barmaqlar, əslində
əşyaları bir haldan digərinə keçirmə qüdrəti deməkdir.
Nəzərdə tutulan məna budur ki, qəlblər Pak Allahın əmri
altındadır və O, onlara istədiyini edər. Mərhum İbn Hənbəl geniş
tə`villərə baş vurmayıb. Çünki o, tə`vilə baş vurduğu məhz bu
məqamlarda zahiri mənanı qəbul etməyib. Rəhmətlik özlərini əqli
müzakirələrlə hədsiz məşğul edənlərdən deyildi. O da başqaları kimi
diqqətlə araşdırsaydı, doğru yozumlar edərdi.
Pak və Uca Allahın səmada olması ayəsi də bu qəbildəndir:
“(Ey insanlar!) Göydə olanın (Allahın) yer hərəkətə gəlib
çalxalandığı zaman sizi onun dibinə batırmayacağına əminsinizmi?!” (əl‐
Mulk, 16).
Allahın üçüncü şəxsin dördüncüsü, dördüncü şəxsin beşincisi...
olması kimi ayəni də yada salaq:
“...Aralarında gizli söhbət gedən üç adamın dördüncüsü, beş
adamın altıncısı Odur. Onlar bundan az da, çox da olsalar və harada
olsalar, (Allah) yenə də onların yanındadır...” (əl‐Mücadələ, 7).
Bu səbəbdən görürük ki, əş`ərilər və mö`təzililər daha çox əqli
müzakirələrə əl atmış, bir çox ayə və hədisin zahiri mənalarını tə`vil
etmişlər.
Məsələn, əl‐Əş`əri “Qiyamət günü ölüm qoyun surətində
gətirtdirilər. Cənnətlə cəhənnəmin arasında kəsilər. Bir səs eşidilər: “Ey
cənnət əhli, ölümsüz həyat (var)! Ey cəhənnəm əhli ölümsüz həyat
(var)!” və “Əməllər Qiyamət günü (mizan‐tərəzidə) çəkiləcəkdir” hədis‐
lərini tə`vil edərkən deyib: “Əməllər dünya ilə sona yetmiş ərəzlərdir
(aksidensiyalardır), (mizan‐tərəzidə) çəkilən isə əməllərin yazıldığı vərə‐
qələrdir”.
Mö`təzililər isə mizan‐tərəzinin özünü tə`vil etmişlər. Onlar
düşünürlər ki, hər bir kəsin əməlini aşkar edən şeyin ifadəsi üçün təşbeh
olaraq “mizan‐tərəzi” sözü işlədilir. Bu yozum əş`ərilərinkinə daha
yaxındır.
Yuxarıda deyilənlərdən öyrənirsən ki, zahiri mənalarda hədsiz
mühafizəkarlıq göstərənlər olsa da, bütün islam firqələri tə`vildən
istifadə etməyə məcbur olmuşdur. Belə olmasaydı, onlar kütbeyinlik
həddini adlaya bilməz və deyərdilər ki: “Qara daş Allahın həqiqi sağ
əlidir; ölüm ərəz olsa da, əslində cismə çevrilir.”
Kim cahilliyin bu həddinə vararsa, deməli, ağıldankəmdir”.
Dostları ilə paylaş: |