8
yazıb asini də cəzalandırması mövzusunda ixtilafa düşməmişlər. Çünki
Allah təala özünün əziz kitabında bizə bunu xəbər verir və bu, inanıl‐
ması və qəbul edilməsi baxımından zəruri dini borcdur.
Vaxtı ilə mötəzililərlə sünnilərin arasında bu məsələdə əhə‐
miyyətsiz mübahisələr yaranmışdı: görəsən, ağıl (əql) baxımından bunu
etmək (Allahın itaətkara savab yazıb asini isə cəzalandırması – mütərcim)
Allaha vacibdirmi?
Bu, xoşagəlməz sualdır, – onun barəsində ixtilafa düşmək isə
boşluq və hədər doğurur. Elə isə bu sayaq suallar əsasında məzhəb, firqə
qurmaq olmaz.
Odur ki, qətiyyətlə deyirik ki, müsəlmanlar Nil çayının ayrı‐ayrı
qolları kimi fərqli cəbhələrə parçalanmayıblar; dini parçalanma onlara
qətiyyən sirayət etməyib!
Belə də deyə bilərik: ortada yalnız və yalnız düşüncə məktəbləri,
fiqhi məzhəblər və tətbiqlə bağlı məhdud fikir ayrılıqları mövcuddur.
Biz bu ixtilafı donuqlaşdıran və ya qəlizləşdirən siyasi amilləri
aradan qaldırsaq da, fərq etməz, – dondurucu amillər olmasa da ixtilaf
yaşayacaqdır; qəlizləşdirici amillərin yoxluğu belə, onun mürəkkəbliyini
azaltmayacaqdır. Görünür, bu, adətkərdəliyə tuş gəlmiş ənənəvi prob‐
lemdir.
XX əsr boyu İngiltərədə hakimiyyət uğrunda üç böyük partiya
bir‐biri ilə ağlasığmaz şəkildə rəqabət aparmışdır. Biri iqtidara gələndə
digər ikisi müxalifət cəbhəsi yaratmışdır. Məgər bu, ingilis xalqının üç
hissəyə parçalanması deməkdirmi?!
Əgər islam ümmətinin yarandığı şərait daha münasib, daha
əlverişli və yaxşı olsaydı, tarix bu dərəcədə mürəkkəb ixtilafların şahidi
olmayacaqdı.
Fikir ayrılıqlarını gücləndirən, parçalanmalara rəvac verən mü‐
rəkkəb hadisələrə rəğmən, ümumilikdə ümmət sağ‐salamat qalmışdır;
İslamın böyük alimləri və imamları mö`təzili, xarici və ya şiə olmuş
mömin müsəlmanların dindən xaric edilməsinin yolverilməzliyini dönə‐
dönə vurğulamışlar.
9
“Ümmətin firqələrə bölünməsi” hədisi:
mahiyyəti və əhəmiyyəti
“Ümmətim 73 firqəyə bölünəcək. Biri istisna olmaqla digər bütün
firqələr cəhənnəmlikdir” hədisi qarşımıza belə bir sual qoyur: Xilas
olacaq firqəyə kimlər daxildir?
Bu firqə Peyğəmbərin (Ona Allahın xeyir‐duası və salamı olsun!)
və səhabələrinin yolu ilə gedən firqədir. Hədislərin birində deyilir ki,
qurtulacaq firqə camaat
∗
halında olan insanlardır.
Elə bir müsəlman tapılmaz ki, sözündə və əməlində Allahın
rəsulunun yolu ilə getmədiyini desin.
Sələflər, xələflər, sünnilər, şiələr, sufilər, islam filosofları – onların
hər biri islama xidmət göstərib Peyğəmbərə (Ona Allahın xeyir‐duası və
salamı olsun!) kömək etdiyini, dinin bayrağını daşıdığını düşünür:
– Ayələri və hədisləri hərfən izah edənləri (əl‐hərfiyyun)
inandırmaq çətindir ki, rasionalistlər (əl‐əqliyyun) haqqa daha yaxın‐
dırlar və əksinə...
– Qəlb əhlindən olan duyğupərəstləri rəhbərgötürülmə və ya
nümunəviliyə fəqihlərin daha layiq olmalarına inandırmaq və ya əksini
etmək müşkül məsələdir...
– Əhli‐beyt sevgisi içərisində itib‐batan şiələri razı salmaq
çətindir ki, Peyğəmbərə yaxın olub məsum sayılanların ətrafına cəm
olmaqdansa, imamı seçmə və ya istefaya göndərmədə respublika sistemi
daha münasibdir və əksinə...
Bizim yuxarıda adları çəkilənlərin məzhəblərinə münasibət
bildirmək niyyətimiz yoxdur. Şair gözəl deyib:
Hər kəs Leyliyə qovuşduğunu iddia edir,
Ancaq iddia ilə Leylinin vüsalına çatmaq mümkün deyil.
∗
Camaat: (ərəb. “topluluq”). Müsəlmanların din qardaşlığı prinsipinə əsasən təsis etdikləri və
üzv olduqları sosial-dini birlik, toplum; namaz zamanı imamın arxasında duranlar; bu və ya
digər əqidə və hərəkat nöqteyi-nəzərindən müsəlmanların yaratdığı birlik. Burada yuxarıdakı
mənalardan birincisi nəzərdə tutulub – tərcüməçinin qeydi.
10
Habelə, biz həqiqətin hər qaba görə rəngini dəyişən maye olması
fikrini rədd edirik. Həqiqətin konkret sərhədi yoxdur ki, bəziləri bundan
xəbər tutduğu halda, bəziləri də bixəbər qalsınlar.
11
“Allah yanında (haqq olan) din, əlbəttə, islamdır”
1
Özünü Allaha təslim edən, qəlbinə vəhdaniyyəti (tövhidi) aşı‐
layan, əzalarını rəbbinin əmrlərinə tabe etdirən hər bir kəs müsəlmandır.
Madam ki, o, Quranı təsdiqləyib əmr və buyruqlarından yararlanır,
Məhəmmədə (Ona Allahın xeyir‐duası və salamı olsun!) iman gətirib
onun yolu ilə gedir, elə isə onu yanıldığı ictihadında üzrlü saymaq
lazımdır.
Səmimiyyət bizə diktə edir ki, müxaliflərimizə rəy xətası nisbət
edək, onları fasiq və asi kimi təsvir etməyək.
Mən çox vaxt İmam Şeyxülislam Təqiyyədin ibn Teymiyyənin
∗∗
və İmam Hüccətülislam əbu Hamid əl‐Qəzalinin
∗∗∗
əsərlərini oxuyuram;
sanki özümü iki böyük şəxsiyyətin qarşısında hiss edirəm. O iki
şəxsiyyətin ki, onlar Allaha sadiq, haqqa da səmimi olmuş, müsəl‐
manlara daima tövsiyə vermişlər.
Buna baxmayaraq, onların fikirləri arasında dərin fərqlər,
metodikaları arasında isə aşkar uzaqlıq vardır.
Bu fərqlər və uzaqlığa görə, onlardan birini dinində ittiham
etməyə haqqım yoxdur. Çünki belə bir ittihamın irəli sürülməsi Allah
qarşısında böyük cəsarət tələb etməklə yanaşı, Onun seçilmiş qullarına
iftira olardı.
Bəli, mənim və ya qeyrisinin deməsi mümkündür ki, bu haqlıdır,
o biri isə yanılıb; Əbu Hamid yolunu azıb, İbn Teymiyyə də ifrata varıb.
Yanılma və haqlılıq geniş və əngin sahələrdir.
Ciddi araşdırmalar və tədqiqatçıların böyük əksəriyyətinin
zəhmətkeşliyi bir çox həqiqəti ortaya çıxarır. Halbuki, bu həqiqətlərin
səfeh mübahisələr və xoruzların döyüşdürülməsinə oxşayan disputlar
nəticəsində bizlərə əyan olması qeyri‐mümkündür.
İmam Müslimin rəvayət etdiyi və tərəfimizdən mötəbərliyi qəbul
1
“Ali-İmran” surəsi, 19-cu ayə.
∗∗
Təqiyyədin ibn Teymiyyə (1263-1328) böyük islam alimi, mütəfəkkiri və novatorudur –
tərcüməçinin qeydi.
∗∗∗
Əbu Hamid Məhəmməd ibn Məhəmməd əl-Qəzali (1058-1111) məşhur müsəlman
sxolastiki, mütəfəkkiri və ilahiyyatçısıdır – tərcüməçinin qeydi.
Dostları ilə paylaş: |