|
CümhuriYYƏTİn təHLÜKƏSİZLİk orqanlari
CÜMHURİYYƏTİN TƏHLÜKƏSİZLİK ORQANLARI (1918-1920)
138
cu ilin əvvəllərində onlara qarşı çıxan bütün elementlərlə
mübarizə aparmaq üçün yaratmışdı. “Müsavat” hökumətinə
qarşı çıxmaqla şübhəli olan bütün şəxslər həbs edilirdilər.
Mənə körpülər, yəni İrandan və Petrovskdan gələn gəmilərə
nəzarət etmək tapşırılmışdı. İşə daxil olanda baş agentlərdən
kimsə mənə təlimat keçmişdi. Mənim vəzifəm Bakıya gələn
sərnişinlərin yüklərinə və əşyalarına baxmaqdan ibarət idi.
Bundan başqa, tapşırılmışdı ki, silah aşkar edildikdə müsadirə
olunmalıdır. Eyni zamanda təlimatlar verilirdi ki, şübhəli adama
rast gəldikdə onu tutmaq lazımdır. Mənim əks-kəşfiyyatda
işlədiyim dövrdə heç kim həbs olunmayıb və heç bir silah aşkar
edilməyib”.
146
Bolşeviklərin mübarizəsinə mane olan başqa əməkdaşları da
tapıb üzə çıxarmaq və onları ittiham etmək məqsədilə müstəntiqlər
tez-tez “ƏMT-nin üzvlərindən daha kimləri tanıyırsınız?” sualını
verirdilər. 1932-ci il mayın 11-də verilmiş bir ifadədə həmin təşkilatın
bir neçə əməkdaşının adı çəkilmişdir. ƏMT-nin, onun yerləşdiyi
yer, əməkdaşlarının fəaliyyəti və tərcümeyi-hallarının öyrənilməsi
baxımından xüsusi maraq kəsb etdiyini nəzərə alaraq həmin ifadəni
kiçik ixtisarla təqdim edirik.
(Təkrar olsa da, qeyd edirik ki, “agent”
ifadəsi bugünkü “əməkdaş” mənasında işlədilmişdir).
“Mən “Müsavat” əks-kəşfiyyat agentlərindən aşağıdakı
şəxsləri tanıyıram:
1. Dadaşov Məmmədtağı Teymur oğlu, Balaxanı əks-kəşfiyyat
bölməsinin rəisi. Naberejniy küçəsində yerləşən əks-kəşfiyyata
tez-tez gəlirdi.
2. Tahirov Qəmbər əks-kəşfiyyatın agenti, müsavatçı, hazırda
harada olduğunu bilmirəm. 1931-ci ildə onu Bakı şəhərində
tramvayda görmüşəm. Şəhər üzrə agent işləyirdi, agent kimi,
“Müsavat” əks
-kəşfiyyatının fikrincə, şübhəli olan müxtəlif
adamların həbsində və axtarışında iştirak edib. Əsasnaməyə
əsasən, “Müsavat” əks-kəşfiyyatının agenti “Müsavat”
hökumətinin əleyhinə çıxan hər hansı bir adamı həbs edə bilərdi.
Aydındır ki, Tahirov bu hüququndan istifadə edirdi. Tahirovun
146 DTX-nin arxivi, Sadıqov Mirzəbabanın istintaq qovluğu, № PR-39509.
CÜMHURİYYƏTİN TƏHLÜKƏSİZLİK ORQANLARI (1918-1920)
139
dəqiq olaraq kimi həbs etməsini hal-hazırda deyə bilmərəm,
belə ki, o vaxtdan xeyli müddət keçib, həm də ki mən Bakı şəhəri
Xəzər dənizinin 15, 16, 22 və 25 nömrəli körpülərində işləmişəm,
Tahirov isə şəhərdə işləyirdi.
3. Agent Mirzəbaba Sadıqov yadımdadır, ancaq xeyli vaxt
keçdiyindən qarışdırıram.
4. Seyfulla Əzimov – şəhərdəki “Müsavat” əks-kəşfiyyatının
şöbə müdiri, hal-hazırda həbsxanadadır.
5. Xeyrulla Əzimov – “Müsavat” əks-kəşfiyyatının agenti, 2-3
ildir ki, onu görmürəm.
6. Rzayev Kazım Hacı oğlu – “Müsavat” əks-kəşfiyyatının
agenti, bolşevik, “Müsavat” əks-kəşfiyyatına gizli AK(b)P MK
tərəfindən işləməyə göndərilmişdi, onu Bakıda bir neçə il bundan
əvvəl görmüşəm.
7. Qasım İsmayılov – bolşevik, “Müsavat” əks-kəşfiyyatının
əməkdaşı, “Müsavat” əks-kəşfiyyatına AK(b)P MK tərəfindən
gizli şəkildə işləməyə göndərilmişdi, Əksinqilabçılar tərəfindən
sovet hakimiyyəti dövründə öldürülmüşdür.
8. Heydərbala Həsənov – “Müsavat” əks-kəşfiyyatının agenti,
müsavatçı, şəhər üzrə işləyirdi. Əks-kəşfiyyatda “Müsavat”
hökumətinə qarşı çıxan adamların həbsi və axtarışı hüququna
malik idi. Şəxsən mən onun həbs etdiyi adamları görməmişəm,
ancaq güman edirəm ki, o həbslər aparmışdır.
9. Fətəliyev - “Müsavat” əks-kəşfiyyatının agenti, hal-hazırda
harada olduğunu bilmirəm.
10. Əliyev Qulam Hüseyn Hacı oğlu - “Müsavat” əks-
kəşfiyyatının agenti, müsavatçı, Bakı şəhərində hakimiyyət
çevrilişindən sonra ölüb.
11. Hüseynov Hüseynqulu Nurməmməd oğlu – müsavatçı,
“Müsavat” əks-kəşfiyyatının agenti. “Müsavat” əks-kəşfiyyatının
təqib etdiyi adamların həbsi və axtarışı hüququna malik idi.
Onun fəaliyyəti haqqında demək olar ki, heç nə məlum deyil,
ancaq, mənim fikrimcə, o, öz hüquqlarından istifadə edirdi.
12. Bağırzadə Süleyman – “Müsavat” əks-kəşfiyyatının agenti,
Gəncə şəhərində anadan olub, 6 il bundan əvvəl Bakı şəhərində
CÜMHURİYYƏTİN TƏHLÜKƏSİZLİK ORQANLARI (1918-1920)
140
olmuşdur. Əks-kəşfiyyat agentinin bütün hüquqlarından istifadə
edirdi.
13. Həsənov Seyid Həsən oğlu – “Müsavat” əks-kəşfiyyatının
agenti, müsavatçı.
14. Nəsirov Mirzəağa – “Müsavat” əks-kəşfiyyatının agenti,
müsavatçı, 2-3 il bundan əvvəl Bakı şəhərində vəfat edib.
15. Şeyxzamanov Nağı bəy – 1919-cu ilin ikinci yarısında
əks-kəşfiyyatın rəisi, “Müsavat” əks-kəşfiyyatının əvvəlki rəisi
Şeyxzamanov Məmmədbağırın qardaşı, müsavatçı, bolşeviklərin
qatı düşməni.
16. Yusifxanov Müslimbəy – “Müsavat” əks-kəşfiyyatının
agenti, əks-kəşfiyyat agentinin bütün hüquqlarından istifadə
edirdi.
17. Hacıyev Məmməd – “Müsavat” əks-kəşfiyyatının baş
agenti, gəncəli, əks-kəşfiyyat rəhbərliyi yanında nüfuza malik
idi”.
Təqdim olunmuş siyahıdan da göründüyü kimi, ƏMT-nin
tərkibində bolşeviklər də var idi. Həmin bolşeviklər gələcəkdə
hakimiyyəti ələ keçirmək üçün, şübhəsiz ki, bildikləri məlumatları
digər kommunistlərlə bölüşürdülər.
Bu bolşeviklər nəinki AXC dövründə, həmçinin sovetləşmədən
sonra da Vətəninin müstəqilliyi uğrunda mübarizə aparanları məhv
etmək üçün onlara iftira və böhtanlar ataraq, bolşevikləri incitmələri
barədə müstəntiqlərə siyahılar təqdim edirdilər ki, bu da müttəhimlər
haqqında ağır qərar çıxarmağa imkan verirdi. Belə qərəzli və çirkin
məqsədlə 1932-ci il iyunun 4-də verilmiş bir şahid ifadəsində
oxuyuruq:
“Əks-kəşfiyyatda xidmət etdiyim dövrdə bolşeviklərə və
fəhlələrə qarşı repressiya siyasəti yürüdən “Müsavat” əks-
kəşfiyyatçılarından aşağıdakıları tanıyıram:
1. Sadıqov Mirzəbaba Kəlbəli oğlu – inqilabdan əvvəl və sonra
ev sahibi olub. Hal-hazırda Bakı şəhəri Mixaylov xəstəxanası
ilə üzbəüz şəxsi evi vardır. Məncə, “Müsavat” Partiyasının üzvü
idi. “Müsavat” əks-kəşfiyyatında Sadıqov teatrlarda, körpülərdə
və küçələrdə agent idi. Əks-kəşfiyatda onun yarandığı gündən
Dostları ilə paylaş: |
|
|