CÜMHURİYYƏTİN TƏHLÜKƏSİZLİK ORQANLARI (1918-1920)
147
Sual: Hansı şəraitdə siz Azərbaycanın kommunist xadimi Qasım
İsmayılov ilə əlaqə yaratmış və tanış olmusunuz?
Cavab: “
Müsavat” əks-kəşfiyyatına daxil olmazdan bir az əvvəl
dənizkənarı parkda mənim yanımda mənə tanış olmayan bir vətəndaş
əyləşdi. O, mənim şəxsi vəziyyətimlə tanış olduqdan sonra (onda mən
işsiz idim), “
Müsavat” əks-kəşfiyyatına işə daxil olmağımı məsləhət
gördü və bu işin xüsusiyyətlərini başa saldı. Bu vaxta qədər mən o idarəni
tanımırdım və onun haqqında təsəvvürüm də yox idi. Həmin şəxs özünü
mənə Qasım İsmayılov kimi təqdim etdi. Mən sonralar bildim ki, o,
Azərbaycan Kommunist Partiyasının görkəmli xadimidir. Bu haqda
sonralar “
Müsavat” əks-kəşfiyyatında işləyərkən o, özü mənə danışmışdı.
Beləliklə də mən onu tanıdım.
Sual: “
Müsavat” əks-kəşfiyyatında hansı işləri (funksiyaları) yerinə
yetirirdiniz?
Cavab: “
Müsavat” əks-kəşfiyyatında agent (oxu “əməliyyat işçisi” –
C.Q.)
işləyərkən mənim funksiyama hərbi geyimdə olan şəxslərin tutulub
saxlanılması və nəzarəti daxil idi. Bu şəxsləri mən tutub saxlayır, onlarda
axtarış edir, lazım gəldikdə isə əks-kəşfiyyatın yerləşdiyi yerə aparırdım.
Sonralar mən Bakıya gəmi ilə gələn şəxslərin axtarış edilməsində və tutulub
saxlanılmasında iştirak etmişəm. Bu axtarışlarda məqsəd Mahaçqaladan,
Dərbənddən, Həştərxandan Bakıya gələn denikinçilərin və bolşeviklərin
aşkar edilməsi idi. Mən evlərdə aparılan axtarışlarda da iştitrak etmişəm,
lakin şəxsən kimin evində yadımda deyil. Axtarışlarda məqsəd silah və ya
hər hansı yazışmaların (məktublaşmaların) aşkar edilməsi idi”
XDTK-nın müstəntiqi başqa bir dindirmə zamanı Yusifxanovu
antisovet təbliğatı aparmaqda təqsirkar sayırdı. Bu məsələ ilə bağlı 9
iyun 1941-ci il tarixli dindirmə protokolundan oxuyuruq:
Sual: İstintaqa məlumdur ki, siz zəhmətkeşlərin maddi-məişət
vəziyyətləri haqqında böhtanlar danışırsınız. Siz kiminlə və nə vaxt bu
mövzuda danışmısınız?
Cavab: Mən bunları inkar edirəm. Mən bu mövzuda heç vaxt, heç
kimə, heç nə deməmişəm. Mən belə hesab edirəm ki, bu, mənə böhtan
atmaqdır.
Sual: Siz sovet hakimiyyətinə qarşı böhtanlar atmısınız. Bu haqda
CÜMHURİYYƏTİN TƏHLÜKƏSİZLİK ORQANLARI (1918-1920)
148
kiminlə danışmısınız?
Cavab: Mən sovet hakimiyyətinə heç yerdə böhtan atmamışam. Kim
ki, bunu mənim haqqımda deyir, yəqin ki, o, özü böhtan atır. Mən bu
ittihamı təsdiq etmirəm.
Sual: İstintaqa məlum olduğu kimi, siz sovet hakimiyyətinin
dağılmasının mümkün olması haqqında fikirlər söyləmisiniz. Hansı
səbəblərə görə sizdə belə bir əqidə (fikir) yaranmışdır?
Cavab: Məğlubiyyətçilik fikirləri və əhvali-ruhiyyə məndə heç vaxt
olmayıb və bu haqda mən heç nə danışmamışam.
Sual: İstintaqda məlumat var ki, siz sovet hökuməti və ÜK(b)P-nin
bəzi rəhbərləri əleyhinə yönəldilmiş qəzəbli əksinqilabi çıxışlar etmisiniz.
Bu barədə kiminlə danışmısınız?
Cavab: Mən heç vaxt hökumət üzvləri ÜK(b)P-nin rəhbərləri əleyhinə
əksinqilabi çıxışlara yol verməmişəm və buna görə də mənə qarşı yönəldilən
ittihamı inkar edirəm.
Sual: İstintaq materiallarından görünür ki, siz bir neçə dəfə
Azərbaycan K(b)P MK-nın rəhbərləri əleyhinə yönəldilmiş terrorçu fikirlər
söyləmisiniz. Niyə və hansı səbəbdən sizdə belə fikirlər yaranmışdır?
Cavab: Qəti surətdə bildirirəm ki, mənim heç vaxt, heç bir terrorçuluq
niyyətim olmayıb və yoxdur. Bu ittihamı qəti surətdə inkar edirəm və
özümü günahkar hesab etmirəm.
Sual: Əsassız olaraq inkar etmək sizə məsuliyyətdən kənarda qalmağa
imkan vermir. Sizi əksinqilabi antisovet təbliğatı aparmağa nə vadar etmişdir?
Cavab: Bir daha bildirirəm ki, mən antisovet təbliğatı aparmamışam
və terrorçuluq niyyətində olmamışam. Deyilənləri rədd edirəm və özümü
müqəssir hesab etmirəm”.
Azərbaycan SSR CM 18/70 və 72-ci maddəsinin birinci
hissəsi ilə məsuliyyətə cəlb edilən M.Yusifxanova 15 iyun 1941-
ci il tarixində istintaqın başa çatdığı elan edildi. M.Yusifxanov
Azərbaycan SSR XDTK-nın istintaq rəisinə 1941-ci il sentyabrın
4-də yazdığı ərizəsində göstərirdi ki, 1941-ci il mayın 7-dən həbs
olunmuşam, lakin həbs olunmağımın səbəbini hələ də bilmirəm. O,
yazdığı bir neçə ərizəsində tuperkulyoz xəstəliyinə tutulduğundan,
eləcə də günahsız olduğundan azadlığa buraxılmasını acizanə
CÜMHURİYYƏTİN TƏHLÜKƏSİZLİK ORQANLARI (1918-1920)
149
surətdə xahiş etmiş və bildirmişdir ki, orada verilən yemək az və
keyfiyyətsizdir.
Ona görə də, o, bütün qüvvəsini itirmişdir. Elə bir
vəziyyət yaranmışdır ki, 20 dəqiqəlik gəzintiyə belə çıxmağa taqəti
qalmamışdır.
Özünün və həyat yoldaşının etdiyi xahiş və yalvarışlara baxmayaraq
onu həbsxanadan azad etmədilər. Əvəzində Xalq Dövlət Təhlükəsizlik
Komitəsi (NKQB) yanında Xüsusi Müşavirənin iclasını keçirtdilər.
3 oktyabr 1941-ci il tarixli 72 saylı iclas protokolundan çıxarışda
oxuyuruq:
“EŞİDİLDİ: Azərbaycan SSR XDTK 989 nömrəli iş. İttiham olunan
1889-cu il təvəllüdlü, Yuxarı Yaraqlar kəndində anadan olmuş Yusifxanov
Müslüm bəy Ömər oğlu.
QƏRARA ALINDI: Antisovet təbliğatı apardığına görə Yusifxanov
Müslüm bəy Ömər oğlunun müddəti 7 may 1941-ci ildən hesablanmaqla
8 il müddətinə islah əmək düşərgəsinə göndərilsin”.
Bu hökmdən təxminən 2 ay sonra M.Yusifxanov həbsxanada
vəfat etmişdir. Sovet həbs düşərgəsində belə inləyərək ölənlər az
olmamışdır. Onun ölümü ilə bağlı 1941-ci il dekabrın 27-də növbətçi
həkim İsrailyan belə bir akt tərtib etmişdir ki, Bakı şəhəri XDTK-nın
1 nömrəli həbsxanasında saxlanılan məhbus Yusifxanov Müslüm
Ömər oğlu xəstəxanada 58 yaşında 1941-ci il dekabrın 4-də,
gündüz
saat 11.40 dəqiqədə ağ ciyərlərin və onurğa sütununun vərəmi
xəstəliyindən vəfat etmişdir.
1959-cu il iyunun 18-də Azərbaycan SSR Ali Məhkəməsinin cinayət
işləri üzrə Məhkəmə Kollegiyası Müslüm Ömər oğlu Yusifxanovun
istintaq işinə yenidən baxaraq ona bəraət vermişdir.
IV.6. L.Beriya Əksinqilabla Mübarizə Təşkilatında
Lavrenti Pavloviç Beriyanı Baş Dövlət Təhlükəsizliyi Komissarı
(1941), Sosialist Əməyi Qəhrəmanı (1943), SSRİ Dövət Müdafiə
Komitəsi sədrinin müavini (1944-1945), Sovet İttifaqı Marşalı (1945),
SSRİ Nazirlər Soveti Sədrinin müavini (1946-1953), SSRİ Nazirlər
Soveti Sədrinin birinci müavini (1953), VII çağırış SSRİ Mərkəzi