CÜMHURİYYƏTİN TƏHLÜKƏSİZLİK ORQANLARI (1918-1920)
150
İcraiyyə
Komitəsinin üzvü, I-III çağırış SSRİ Ali Sovetinin deputatı,
MK Siyasi Bürosu üzvlüyünə namizəd (1939-1946), Siyasi Büronun
üzvü
150
(1946-1953) kimi şöhrət kürsüsünə aparan yol öz başlanğıcını
AXC-nin təhlükəsizlik orqanlarından alır.
AXC-nin təhlükəsizlik orqanlarından biri kimi fəaliyyət göstərən
ƏMT-nin kadr tərkibinə fikir verdikdə məlum olur ki, həmin təşkilatda
müsavatçılar, hümmətçilər və digər partiyaların üzvləri, hətta bitərəflər
də çalışmışlar.
Biz burada ƏMT-nin kadr tərkibini və əməkdaşlarının siyasi
mənsubiyyətini araşdırmağı qarşımıza məqsəd qoymamışıq.
Məqsədimiz həmin təşkilatın rəisi Nağı bəy Şeyxzamanovun xatirələri
və Mir Cəfər Bağırovun istintaq materialları əsasında 1899-cu ildə
Suxumi yaxınlığındakı Merxouli kəndində doğulmuş Lavrenti
Pavloviçin həmin təşkilata gəlişi və fəaliyyəti ilə bağlı bəzi məqamları
araşdırmaqdan ibarətdir.
Qeyd
etdiyimiz kimi, N.Şeyxzamanov Türkiyədə mühacirətdə
olarkən Azərbaycanda baş verən ictimai-siyasi hadisələri bir daha
təhlil etmiş, bu hadisələrlə bağlı fikir və düşüncələrini, kitab halında
çap etdirmişdir. Bu əsərlər içərisində “Azərbaycan istiqlal xatirələri”
kitabı xüsusi ilə maraqlıdır. Bəhs etdiyimiz kitabda bizim üçün maraq
doğuran həm də Beriya ilə bağlı xatirələrdir. Sovet dövründə (xüsusilə
50-ci illərə qədər) böyük ehtiyatla adı çəkilən Beriyanın ƏMT-də
işləməsi özü tərəfindən uzun müddət gizlədilmişdir. Yalnız Beriyanın
və Bağırovun məhkəməsi zamanı bu məsələlər istintaq materialları
və şahid ifadələrinə əsasən açıqlanmışdır. Məlumdur ki, Beriyanın
mühakiməsi zamanı onun ƏMT-dəki fəaliyyəti də ittiham kimi irəli
sürülmüşdür. Təəccüblüdür ki, yüzlərlə insanın qanının axıdılmasında
əli olan Beriya məhkəmə prosesində ƏMT barədə demişdir:
“Mənim
ən ağır cinayətlərimdən biri “Müsavat” əks-kəşfiyyatında
iştirakımdır. Bu günahı mən tamamilə boynuma alıram”.
151
ƏMT-də işləməkdə özünü günahkar hesab edən Beriya rəhbər
vəzifələrdə olan zaman öz fəaliyyəti ilə bağlı
bir çox sənədi məhv
etdirmiş və ya əlaltıları vasitəsilə Moskvaya apartdırmışdır. Sənədlərin
150 Берия, Лаврентий Павлович. - https://ru.wikipedia.org/wiki/Берия,_Лаврентий_Павлович
151 Mir Cəfər Bağırovun məhkəməsi. Bakı, 1993, s. 21.
CÜMHURİYYƏTİN TƏHLÜKƏSİZLİK ORQANLARI (1918-1920)
151
Azərbaycandan aparılması müxtəlif dairələrdə onun bolşevik deyil,
müsavatçı olması kimi səciyyələndirilmişdir. Hətta 1953-cü il dekabr
ayının 23-də güllələnməyə məhkum edilən Beriyanı istintaq zamanı
fəhlə hərəkatına qarşı mübarizə aparmaqda ittiham etmişdilər.
Mir Cəfər Bağırovun istintaq işindəki ittihamnamədən oxuyuruq:
“M.C.Bağırovun işi üzrə istintaqdan məlum olmuşdur ki, 1921–
ci ildən (M.C.Bağırov 1921-ci il fevralın 19-da Azərbaycan ÇK-nın sədri
təyin edilmiş, 1927-ci il mayın 22-də həmin vəzifədən uzaqlaşdırılmışdır.
2-ci dəfə 1929-cu il dekabrın 7-də
Azərbaycan DSİ-yə sədr seçilmiş və
1930-cu il avqustun 6-nadək həmin
vəzifədə işləmişdir – C.Q.).
Bağırov
Bakı şəhərində Azərbaycan
Fövqəladə Komissiyasının sədri
olduğu vaxtdan etibarən Beriyanın
“Müsavat” əks-kəşfiyyatı ilə
bağlı cinayətkar fəaliyyətindən
tam xəbərdar imiş və cinayətkar
keçmişini ört-basdır etməkdə ona
yaxından köməklik göstərmişdir.
Bağırov bilirdi ki, “Müsavat” əks-
kəşfiyyatına Kommunist Partiyası
və ya digər inqilabi təşkilatlar
tərəfindən göndərilməyib. İngilis
kəşfiyyatının nəzarəti altında fəaliyyət göstərən “Müsavat”
əks-kəşfiyyat xidmətinə (bu təşkilatın ingilis kəşfiyyatının nəzarəti
altında fəaliyyət göstərməsi fikri bolşeviklərin AXC hökumətinə atdığı
böhtanlardan biri idi - C.Q.)
öz xoşu ilə daxil olub və inqilab
hərəkatına qarşı fəal mübarizə aparıb. Bağırov bütün bunları
bilə-bilə Beriyanı ifşa edəcək adamların aradan götürülməsində,
sənədlərin oğurlanıb məhv edilməsində, Beriyaya ötürülməsində
fəal iştirak edərək Beriyanın məsuliyyətdən kənar olmasına
köməklik göstərmişdir”.
152
Maraqlıdır ki, Beriya Azərbaycanda olarkən Azərbaycan ÇK
152 Yenə orada
Lavrenti Beriya XX əsrin 20-ci
illərinin əvvəlində
CÜMHURİYYƏTİN TƏHLÜKƏSİZLİK ORQANLARI (1918-1920)
152
əməkdaşları tərəfindən də həbs edilmişdir. DTX-nin arxivində Beriyanın
PR 21842 saylı istintaq qovluğu qorunub saxlanılır. Təəssüf ki, həmin
qovluqda cəmi 2 sənəd qalmışdır. Bu sənədlərdən birində göstərilir
ki, Beriya 1920-ci il sentyabrın 8-də həbs olunmuşdur. İkinci
sənəddə
isə Beriyanın 1920-ci ildəki istintaqı ilə bağlı materiallar 1932-ci ildə
Beriyanın göstərişi ilə ona göndərildiyi açıqlanır. Bütün bunlar göstərir ki,
Beriya ələ keçməsin deyə özü ilə bağlı sənədləri və istintaq materiallarını
toplamışdır. O, həqiqətən müsavatçı idimi, əgər müsavatçı deyildisə,
onda bu təşkilata necə gəlib düşmüşdü? Nağı bəyin xatirələrində bu suala
cavab tapdıq:
“Beriyanı “Hümmət” Partiyasının tapşırığı ilə işə qəbul
etmişdim... Beriya hər sosialist kimi çar rejiminin əleyhdarı idi.
İşimə yarayacağını bildiyimdən qəbul etmişdim”.
Eyni fikri vaxtilə Tbilisi şəhərində Beriyanın köməkçisi işləmiş
Merkulov da təsdiqləyir:
“Hələ Tiflisdə olarkən Beriya məni
yanına çağırdı və dedi ki, onun düşmənləri belə bir şaiyə yayırlar
ki, guya o, “Müsavat” əks-kəşfiyyatında xidmət edib”. Əslində isə
o, bolşeviklərə ruhən yaxın olan “Hümmət” Bakı təşkilatının üzvü
olub. Göründüyü kimi, Beriya həmin təşkilata istintaq zamanı ayrı-
ayrı şəxslərdən hədə-qorxu ilə aldıqları ifadələrdə göstərildiyi kimi öz
xoşu ilə deyil, ruhən bolşeviklərə yaxın olan “Hümmət” Partiyasının
zəmanətinə əsasən gəlmişdi.
Beriya agent kimi işə götürüldükdən sonra rəhbərliyin diqqətini
ciddiliyi, işgüzarlığı ilə cəlb etmiş, buna görə də az müddətdən
sonra onu işlədiyi yerin rəisi təyin etmişdilər. Nağı bəy bildirir ki,
Beriyanın son dərəcə ciddi olduğunu duydum
və onu senzor şöbəsinə
işə götürdüm. Az zamanda onun çalışqan olduğunu gördüm və onu
şöbənin rəisi təyin etdim. O, mənə bir anası olduğunu və çox ağır
vəziyyətdə yaşadığını söyləmişdi. Belə ki, 17 yaşlı bir oğlanın anasına
yazdığı məktuba görə bolşeviklərin Azərbaycana gəlməsindən bəhs
edilirdi. Beriya onun 13 yaşlı bacısının və anasının yalvarışını nəzərə
alaraq üç gün müddətində Azərbaycanı tərk etmək şərti ilə bağışlayan
Nağı bəyə deyir:
“Nağı bəy, sizin ruslarla düşmənçiliyinizin çox
zəif olduğunu gördüm. Necə oldu ki, siz o ilan balasını cəzasız
buraxdınız?” Nağı bəy isə cavabında:
“Beriya, mən isə səni bu
qədər xunxar və qəddar bilməzdim. Sənin haqqında əldə etdiyim