CÜMHURİYYƏTİN TƏHLÜKƏSİZLİK ORQANLARI (1918-1920)
144
“inqilabçı” adlandırdı və köməklik göstərmədi”.
148
Qeyd edək ki, Usmiyevləri Azərbaycanla
bağlayan bəzi cəhətlər
də vardır. Belə ki, knyaz Nuxu bəy Usmiyev, fikrimizcə, hamının xan
qızı kimi tanıdığı, XIX əsrin böyük şairələrindən biri Xurşid banu
Natəvanın həyat yoldaşı Xasayxan Usmiyevin xələflərindəndir. Bu
faktın gələcəkdə tədqiqatçıların marağına səbəb olacağını nəzərə
alaraq, N.Usmiyevlə bağlı dindirmə protokolundakı parçanı oxuculara
təqdim edirik:
“Sual: Usmiyevlərdən kimləri tanıyırsınız, Bakı şəhərində onlardan
kimlər yaşayır?
Cavab: Usmiyevlər Dağıstanda iri zadəgan mülkədarlarından idilər.
Bu nəslin nümayəndələrinin bəziləri 1919-cu ildə Dağıstandakı burjua-
millətçi “Qafqaz dağlıları” hökumətinin başında dururdular. Bakıda
onlardan aşağıdakıları tanıyıram:
1. Usmiyeva Raziyə xanım – Böyük dəniz küçəsi 5, 45 nömrəli
mənzildə yaşayır, evdar qadındır.
2. Usmiyev – adı və atasının adı yadımda deyil, daha doğrusu,
Məhəmməd bəy oğlu, güman ki, onlar başqa familiya daşıyırlar”.
149
Dağıstanda Nuxu bəy Usmiyev tərəfindən müsbət qarşılanmayan
Müslüm Tiflis şəhərində qubernatorun mühafizə xidmətində çalışan
dayısı Məmmədbəy Həşimbəyovun yanına gedir. Çox az bir müddətdən
sonra isə gizli yolla Türkiyəyə keçir. Orada Sevask qubernatoru Ələddin
Paşanın vasitəsilə Konstantinopol canişininin yanına gedir. Canişinin
köməkliyi ilə bir müddət top zavodunda usta işləyir. Beləliklə də, uzun
müddət işsiz və pulsuz qalan M.Yusifxanov iş tapmaqla müvəqqəti də
olsa, ehtiyaclarını ödəyə bilir.
O, 1910-1912-ci illərdə Balkan-Türk müharibəsinə silah ustası kimi
səfərbər edilir. 1912-ci ilin əvvəllərində
rəsmi vizaya əsasən Türkiyə-
dən Moskvaya qayıdır və 1914-cü ilə kimi orada yaşayır. M.Yusifxa-
nov Dağıstana gəlişini və burada baş vermiş hadisələri belə xatırlayır:
“1914-cü ildə, imperialist müharibəsinin əvvəllərində Dağıstana
qayıtdım. Orada dayım Həşimbəyov Məmməd bəyə mənə kömək
etməsi üçün müraciət etdim və ondan köhnə borclarımı tələb et-
148 Yenə orada
149 DTX-nin arxivi, Müslüm Yusifxanovun istintaq qovluğu, № PR-30834.
CÜMHURİYYƏTİN TƏHLÜKƏSİZLİK ORQANLARI (1918-1920)
145
dim. O, Dağıstanda Qubin vilayətinin rəisi polkovnik Pepelyaye-
vin köməkçisi idi. Burada məni tutub, yatabla hərbi qubernator
knyaz Dadeşkianinin yanına göndərdilər. Teymur-Xan-Şurada
məni həbsxanada nəzarət altında saxladılar. Sonra Petrovsk-Port
şəhər həbsxanasına gətirdilər. Buradan məni yatabla polis nəzarə-
ti altında Ryazana göndərdilər. Yatab olunmamışdan əvvəl məni
jandarm idarəsində dindirdilər. Orada məni Türkiyənin xeyrinə
casusluqda və ora icazəsiz getməkdə günahlandırdılar. 1917-ci
ilin fevral inqilabından sonra sürgündən azad edildim, ancaq
vətənə qayıtmadım, Yekaterinoslava getdim. 1918-ci ildə Xarkov
şəhərinə köçdüm.
Orada milliyyətcə
qabardin olan hə-
kim Caur bəy Uruso-
vun silahlı dəstəsinə
qoşuldum. Qafqaza
keçməyi nəzərdə
tutan və orada türk-
lərlə birləşərək o
vaxtlar Qafqaza gəl-
miş ingilislərə qarşı
mübarizə aparmaq
məqsədilə Urusov öz dəstəsinə Ukraynadan, Şimali Qafqazdan
və digər yerlərdən olan dağlıları toplayırdı. Bizim dəstəmiz han-
sısa kreyserə dolduruldu, o da bizi Sevastopoldan Poçiyə apardı.
Orada gürcü hakim dairələrinin icazəsi ilə kreyserdən düşdük və
Tiflis şəhərinə yollandıq, oradan da Kürdəmirə kimi getdik. Bu-
rada mən dəstədən ayrıldım və piyada Axtidən keçərək Dərbən-
də, sonra isə Teymur-Xan-Şuraya gəldim”.
M.Yusifxanov 1919-cu ildə Azərbaycana gələrək Gəncə dəmir yolu
DEPO-sunda
bir müddət çilingər işləmiş, sonra isə Bakıda – ƏMT-
də fəaliyyət göstərməyə başlamışdır. O, 1920-ci ildə Azərbaycan
ÇK tərəfindən həbs edilmiş, 40 günə qədər nəzarət altında həbsdə
saxlanıldıqdan sonra İnqilabi Tribunal Məhkəməsi tərəfindən
Müttəhim Yusifxanov Müslüm
CÜMHURİYYƏTİN TƏHLÜKƏSİZLİK ORQANLARI (1918-1920)
146
əməllərində cinayət tərkibi olmadığından azad edilmişdir. Azad
edildikdən sonra bir müddət silah ustası, milis şöbəsində gözətçi və s.
yerlərdə işləmişdir.
ƏMT-də işlədiyinə görə o, hökumətin gözündə suçlu bir adam
kimi daim nəzarətdə olmuşdur. Dediklərimizi 1941-ci il aprelin 7-də
onun barəsində çıxarılan qərar da təsdiq edir. Qərarda göstərilirdi ki,
əks-kəşfiyyatın
(ƏMT nəzərdə tutulur - C.Q.)
əməkdaşı Yusifxanov
Müslüm Ömər oğlu bir neçə dəfə Türkiyədə olmuş və türkpərəstlik
edərək ətrafdakılar arasında antisovet təbliğatı aparmışdır. ÜK(b)
P-nin və sovet dövlətinin rəhbərləri haqqında böhtanlar yaymış,
eləcə də AK(b)P-nin katiblərindən birinə qarşı terror aktı hazırlamaq
niyyətində olmuşdur.
Bunlara əsasən qərara alınmışdır ki, Ağamalı oğlu küşəsi, 5 nömrəli
evdə yaşayan Yusifxanov Müslüm Ömər oğlu həbsə alınmalı və
evində axtarış aparılmalıdır.
(Dövlət Təhlükəsizliyinin kiçik leytenantı
Arutyunov tərəfindən hazırlanmış bu qərarı Azərbaycan SSR Xalq Dövlət
Təhlükəsizlik Komissarı (XDTK) Yemelyanov təsdiq etmişdir).
Elə həmin gün imzalanmış 115 nömrəli orderə əsasən Yusifxanov
Müslüm Ömər oğlunun evində axtarış aparılmış və onu həbs etmişlər.
İstintaq zamanı müstəntiqlər onu daha çox ƏMT-də işlədiyinə görə
sorğu-suala tutmuşdular. 1941-ci il mayın 13-də aparılan dindirmə
zamanı o, ƏMT-yə necə gəlməsini və orada hansı
işlərlə məşğul
olduğunu XDTK-nın leytenantı Polqunova belə izah etmişdir:
Sual: “
Müsavat” əks-kəşfiyyatına nə vaxt və necə daxil olmusunuz?
Cavab: “
Müsavat” əks-kəşfiyyatına təxminən 1919-cu ilin sentyabrında
daxil olmuşam. Daxil olarkən əks-kəşfiyyatın rəisi Şeyxzamanovun adına
rəsmi ərizə vermişəm.
Sual: “
Müsavat” əks-kəşfiyyatına kimin zəmanəti ilə daxil olmusunuz?
Cavab: “
Müsavat” əks-kəşfiyyatına orada işləyən görkəmli kommunist
Qasım İsmayılovun zəmanəti ilə daxil oldum. O, məni bu işə getməyə
inandırdı və bu işə gedərkən dayım, general Haşımbəyov ilə qohumluq
əlaqələrimdən də istifadə etməyi məsləhət gördü. Mən də istifadə etdim. Əks-
kəşfiyyata daxil olmağıma bir səbəb də o vaxtlar mənim işsiz olmağım idi.