248
DƏDƏ QORQUD ARAŞDIRMALARI
– Göytürklərin başçıları bilici xan olmuş, igid xan olmuş, buyruq-
çuları da bilici olmuş, şücaətli olmuş, bəyləri də, xalqları da düz
(ilqarlı) olmuş, ona görə el birliyini beləcə qoruyub saxlamış, eli
əldə saxlayıb qanun-qayda yaratmışlar». (1; 223)
Beləliklə, Göytürk dövlətinin möhkəmlənməsində xanların
və bəylərin bilici, tədbirli olmasının vacib şərt kimi vurğulanma-
sının şahidi oluruq. Bundan əlavə elin birliyinə inam, dövlət quru-
culuğu ilə bağlı məsələlər içərisində xalqa, torpağa məhəbbət və
bu məhəbbətin dəfələrlə vurğulanması ictimai davranış norması
halında mənəvi tərbiyə üsulu kimi üzə çıxır. Qədim türk yazılı
mənbələrində dəfələrlə rastımıza çıxan «müqəddəs vətən» ifadəsi
altında türk xalqlarının dövlətçilik siyasətində vətənpərvərlik
tərbiyəsinin özünə sabit bir mövqe aldığını müşahidə etmək müm-
kündür. Məsələn: «Yuxarıda türk tanrısı, müqəddəs türk vətəni
belə demiş: Türk xalqı yox olmasın deyə, (özü azad) xalq olsun
deyə atam İltəris xanı, anam İlbilgə xatunu tanrı yuxarıdan idarə
edərək yüksəltmiş». (1; 234) Və yaxud Yenisey abidələrindən
oxuyuruq: «Adım-El Doğan tutuk. Mən müqəddəs elimə elçi
idim, altı qəbiləli xalqın bəyi idim» (2; 217); «Müqəddəs elimdən
Ulun-Şada qəhrəmanımdan ayrıldım» (2; 243); «Tanrı, Umay,
müqəddəs Vətən bizə qələbə bəxş etdilər. Biz nə üçün də qaç-
malıyıq. Nə üçün onlar çoxdur, biz azıq – deyə qorxmalıyıq» (1;
252).
Məşhur pedaqoqlardan olan A.Həsənov, Ə.Ağayev əxlaq
tərbiyəsi məsələlərinə toxunduqda vətənə layiqli vətəndaş tərbiyə
etməyi tərbiyənin bir növünün başlıca komponenti hesab edir
və vətənə məhəbbətin təbliğini əxlaq tərbiyəsinin əsası kimi
qiymətləndirərək onun aşağıdakı komponentlərini diqqət önünə
çəkirlər: vətənpərvərliyin tərbiyəsi, milli iftixar hissinin tərbiyəsi,
humanizmin tərbiyəsi, böyüklərə, ata və analara hörmətin
tərbiyəsi, şərəf və ləyaqətin tərbiyə edilməsi; şüurlu intizamın
tərbiyə edilməsi (8; 58) əxlaq tərbiyəsinin həyata keçirilməsi
249
Pedaqogika, Fəlsəfə, Psixologiya
işində nəzərdə tutulan pedaqoji məqamlardır. Məhz bunun
vasitəsilə də qədim türk yazılı abidələrinin mətnində müşahidə
etməyimiz qədim türk psixologiyasının milli zəmində mövcud
möhkəmliyini izah etmək mümkündür.
II. Orxon-Yenisey yazılı türk abidələrində türk elinin xa-
rici dövlətlərlə və xalqlarla münasibətlərindəki güclü milli
təəssübkeşlik hissləri vasitəsilə əksini tapan türk xan və bəylərinin
ictimai həyatda və siyasi tarix arenasındakı davranış tərzi mü-
asir zamanımızda davranış tərbiyəsinin aşılanmasında mühüm
əhəmiyyət daşıya bilər. Burada müxtəlif keyfiyyətli məsələlər
müşahidə edə bilərik:
a) türk eli və xalqının ümumiləşmiş obrazının yaranmasını
Kül-tiginin şərəfinə yazılmış abidədən görə bilirik: «Türk xalqla-
rı öz möhkəm kişiliklərini tabğac xalqına qul etdilər. Təmiz qa-
dınlarını kəniz etdilər, öz türk adlarını unudub Tabğac bəyliyini,
tabğac adını qəbul edərək Tabğac xanlığına tabe olmuş, əlli il öz
iş-güclərini (bu yolda) sərf etmişlər… (Sonra) bütün türk xalqı
belə demiş: Eli olan xalq idim, indi elim hanı? El birliyini kimin
üçün əldə edirəm: Öz işimi-gücümü hansı xana sərf edirəm? – de-
miş; belə deyib Tabğac xanlığına düşmən olmuşlar» (1; 234); və
yaxud, «…şad atam beləcə düşünmüş: tanrı kimi (atamı) əsir al-
mazlar… xalq o zaman onu (əsir olmağa) qoymamaq üçün ayağa
qalxmış» (1; 214). Burada daxili ziddiyyətlər və xarici təsirlərin
türklər arasında ixtilafa, parçalanmaya gətirib çıxardığını görü-
rük. Eyni zamanda müdrik xalqın milli təəssübkeşlik hisslərinin
tamamilə məhv edilmədiyinin də şahidi oluruq. Nəticə etibarilə,
abidə gələcək nəsillərə bir örnək rolu oynayaraq mətnlik,
dönməzlik və mübarizə ruhunun itirilməməsinə bir nümunə kimi
dəyərli tərbiyəvi xüsusiyyətlər daşıyır. Pedaqoji ədəbiyyatda
tərbiyənin xüsusi vasitələri ilə milli ləyaqət hissinin tərbiyəsi mü-
hüm mövqeyə malikdir: «Xeyirxahlıqla yoğrulmuş milli ləyaqət
ana torpaqla, ana vətənlə sıx bağlıdır. İnsanlığa bəxş edilən ən