42
Afinada faqat to`la huquqli fuqarolar tashabbusi bilan sud ishlari boshlanishi mumkin edi.
Ayollar va voyaga yetmaganlar uchun - oila boshlig`i,
meteklar uchun - uning homiysi,
qullar uchun - uning xo`jayini sud ishlarini yuritish chog`ida harakat qilgan.
Yuqorida ta’kidlanganidek, Afinada sud ishlarining ikki turi: 1) dike va 2) graphe
bir- biridan farqlangan. Dike jarayoni jabrlanuvchi yoki uning qonuniy vakili -kyrios
shikoyati bo`yicha boshlangan. Graphe jarayoni esa har qanday to`la huquqli afinalik fuqaroning shikoyati bilan
boshlanishi mumkin edi. Dike tartibida sud jarayonini boshlagan da’vogar sud qaror chiqargunicha ishni bekor qilish
huquqiga ega bo`lgan, graphe tartibida boshlangan jarayon esa oxirigacha yetkazilishi lozim edi. Agar shikoyat qilgan
shaxs ishda yutqazsa, 1000 draxma jarima to`lagan.
Afinada ba’zi kishilar maxsus
kasbkor xabar beruvchilar - sikofontlar vazifasini o`taganlar va graphe
tartibidagi ayblovni qo`llaganlar.
Ayblanuvchi yoki javobgar sudga davlat organlari tomonidan emas, balki ayblovchi (da’vogar)ning o`zi
tomonidan guvohlar oldida chaqirilgan. Bunda ayblovchi (da’vogar) unga qaysi mansabdor oldiga, qachon va qaysi
vaqtda borishi lozimligi ko`rsatilgan. Agar kelmasa, ish uning ishtirokisiz sirtdan ko`rilgan.
Tomonlar ish bo`yicha zarur bo`lgan barcha dalillarni sudga o`zlari taqdim etganlar.
Guvohlarning
ko`rsatmalari, daliliy ashyolar (masalan, hujjatlar) va
qasam sudda
dalil hisoblangan.
Dastlabki tergov (anakrisis) tugagandan so`ng barcha dalillar, jumladan, guvohlarning yozma ko`rsatmalari
maxsus mis yoki loy idishlar (yexinlar)ga solinib qulflab qo`yilgan, endi boshqa dalillar taqdim etish mumkin
bo`lmagan. Faqat yexinlarda saqlanayotgan dalillarga havola qilish mumkin bo`lgan.
Anakrisis tugagandan so`ng sud majlisining kuni tayinlangan. Sud majlisida kotib ayblovchi (da’vogar)ning
shikoyati va boshqa tomonning e’tirozini ma’lum qilgan.
Sud majlisi sudyalarning yashirin ovoz berish yo`li orqali chiqargan qarorlari bilan tugagan. Agar ovoz berish
vaqtida biron sudya betaraf, ovozlar teng bo`lib qolsa, sudlanuvchi oqlangan.
Sud
qarorini
bajarish
uchun javobgarga ma’lum muddat berilgan. Agar jarobgar ko`rsatilgan muddatda
jarimani to`lamasa, da’vogar javobgarning mol-mulkini
tortib olishi mumkin edi, agar bunda qarshilik ko`rsatilsa,
qarorni ijro etish haqidagi jarayon (dike exoules) boshlangan, bunda yutqazgan javobgar xazina foydasiga da’vo
summasiga teng jarima ham to`lashi lozim edi.
Sud ishlarini
yuritish
43
QADIMGI RIM DAVLATINING TASHKIL TOPISHI VA RIVOJLANISHI
REJA:
1. Qadimgi Rimda davlatning tashkil topishi
2. Respublika davrida Rimning ijtimoiy-siyosiy tuzumi
3. Respublikaning qulashi va imperiyaga o`tish
4. Rim imperiyasi
Tavsiya etiladigan adabiyotlar.
1. Karimov. I.A Tarixiy xotirasiz kelajak yo`q. T., "Sharq" NMK, 1998.
2. П.Н.Гaлaнзa. История государство и право зарубежных стран. M.1998.
3. Z.Muqimov.Chet mamlakatlar davlati va huquqi tarihi. Samarqand.1992.
4. K.Н.Батыр и E.В.Поликарпова. Всеобщая хрестоматия истории государство и право. M. 1996.
5. Черниловский З.M. Всеобщая история государство и право . M.1996.
6. O.A.Жидкова. Н.A.Карашениникова. История государство и право зарубежных стран. Нoрмa.M.2004. 1-
частъ.
7. O.A.Жидкова. Н.A.Карашениникова. История государство и право зарубежных стран. Нoрмa.M.2004. 2-
частъ.
8. H.Muhamedov Horijiy mamlakatlar davlat va huquqi tarihi.T., Adolat.1999.1- qism
9, H.Muhamedov Horijiy mamlakatlar davlat va huquqi tarihi.T.,TDYuI..2005.1- qism
Qadimgi
Rim davlati tarixini quyidagi davrlarga bo`lib o`rganamiz:
1. Ibtidoiy jamoa tuzumining yemirilishi va quldorlik davlatining tashkil topishi davri. Bu davr miloddan
avvalgi 753 yilda Rim shahriga asos solinishidan to miloddan avvalgi 509 yilda oxirgi Rim podshosi Tarkviniy
Superbning Rim aholisi tomonidan haydab yuborilishigacha bo`lgan vaqtga to`g`ri keladi.
2. Respublika davri. Miloddan avvalgi 509-27 yillar. Bu davrning o`zi ham 2 bosqichga bo`linadi: ilk
respublika (miloddan avvalgi V
-III
asrlar) va kechki respublika (Miloddan avvalgi III - I asrlar).
3. Monarxiya davri. Miloddan avvalgi 27 yildan Milodning 476 yiligacha. Bu davr ham 2 bosqichga: prinsipat
(miloddan avvalgi 27 yildan to milodning 284 yillarigacha) hamda dominat, ya’ni mutlaq yakka hokimlik (milodning
284-476 yillari)ga bo`linadi.
Bundan keyingi davr Rim quldorlik davlatining inqirozi davri bo`lib, milodning 476 yilida g`arbiy Rimni frank
qabilalari bosib olganlar. Sharqiy Rim esa Vizantiya nomi bilan usmonli turklar 1453 yilda Konstantino-polni bosib
olgunlariga qadar yashaydi.
1. Qadimgi Rimda davlatning tashkil topishi
Miloddan avvalgi 753 yilda Rim shahriga asos solingan. Bu yerda uchta qabila: qadimgi lotin, sabin va
etrusklarning xuddi Afinadagi sinoykizmga o`xshab urushlar yo`li bilan birlashtirilishi natijasida Rim jamoasi tashkil
topgan. Qadimgi rim urug`larining a’zolari patritsiylar deb atalgan.
Chorvachilik va dehqonchilikning rivojlanishi mulkiy tabaqalanishga olib kelgan va xususiy mulkning paydo
bo`lishiga sabab bo`lgan. Patriarxal qulchilik kelib chiqqan.
Urug`lardan alohida boy aristokratik oilalar ajralib chiqqan. Shu bilan birga jamochilarning kambag`allashgan
qismidan
kliyentlar guruhi paydo bo`lgan. Kliyentlar, shuningdek, urug`ga qabul qilingan kelgindilardan va ba’zan
erkinlikka chiqarilgan qullardan tashkil topgan. Kliyentlar shaxsan ozod bo`lib, lekin huquqlarda cheklab qo`yilgan edi.
Ular patritsiylardan iborat patronlarning homiyligida bo`lganlar va buning uchun o`z patronlariga
mulkiy va shaxsiy
xizmat o`tashlari lozim bo`lgan.
Rimga ko`chib kelgan kelgindilar plebeylar deb atalib, ular Rimda yerga egalik qilish huquqidan mahrum
bo`lgan.
Plebeylar erkin, shaxsan ozod bo`lib qolaverganlar, Lekin ularning mulkiy va shaxsiy huquqlari cheklangandi.
Plebeylar faqat erkin jamoa yerlaridan ba’zi patritsiylarning yoki butun urug`ning homiyligiga o`tib, o`z homiylari
("patron"lari)dan chek yer olishi mumkin edi.
Plebeylar fuqarolik huquqidan foydalanmagan, jamoa a’zolari bilan nikohga
kira olmagan, jamoa ishlarini
boshqarishda ishtirok etish ymkoniyatidan mahrum bo`lgan.
Rim
jamoasi
tepasida senat tomondan saylanib qo`yiladigan boshliq-
reks (rex -
podsho) turgan.
Rim jamoasining muhim boshqaruv organi urug`larning
oqsoqollar kengashi -
senat bo`lgan. Har bir
urug`ning boshlig`i senatga a’zo bo`lib kirgan. Senat sud vazifasini ham bajargan. Rim jamoasi dastlab
uch yuz
urug`dan tashkil topganligidan eng qadimgi zamonlarda senat ham uch yuz senatordan tashkil topgan.
Rim jamoasining umumiy masalalari
xalq yig`inida ko`rilgan. Rimda
qabilalar "tribalar" deb atalib,
urug`lar birlashmasidan, ya’ni "kuriyalar"dan tashkil topgan. Har bir kuriyada o`ntadan urug`, tribada esa o`ntadan
kuriya bo`lgan. Xalq yig`inlarining ham kuriyalar bo`yicha ("kuriyalar komitsiyasi") chaqirilishi yuqoridagi fikrlarni
tasdiqlaydi.
Har bir kuriya bir ovozga ega bo`lib, bunda fuqarolarning ovozlari emas, balki
kuriyalarning ovozi bilan
qarorlar qabul qilingan. Kuriyalar komitsiyasi urush e’lon qilish yoki sud tuzish, senatning qarorlarini tasdiqlash,
mansabdor shaxslarni tayinlash kabi muhim masalalarni hal qilgan.