47
2)
Dominat (III-V asrlar) "dominus" -"xo`jayin", hukmdor so`zidan olinib, bu imperatorning
mutlaq
hokimiyati batamom tan olinganligini anglatardi.
Davlatni boshqarishni prinsepsga o`tishi unga imperium oliy hokimiyatining in’om qilinishi
tufayli yuz bergan. imperium oliy hokimiyati eng asosiy mansabdor shaxslarni tayinlash,
magistraturalardan alohida chinovniklik apparatini tashkil etish va butun armiyaga qo`mondonlik
qilishni prinsepsga o`tganligini anglatar edi.
Oktavian imperium hokimiyatiga ega bo`lib, butun armiyaga qo`mondonlikni, urush e’lon qilish, sulh tuzish va
xalqaro shartnomalar imzolash, shaxsiy gvardiya (pretoriylardan tuzilgan kogortalar) saqlash huquqini, oliy jinoiy va
fuqarolik sud qilish huquqini, qonunlarni sharxlash huquqini olgan. Prinsepsning qarorlari qonun kuchiga ega bo`lgan
hujjat sifatida ko`rila boshlangan.
Prinsepslar respublika an’analariga zid
ravishda bir vaqtda konsullar, senzorlar va xalq tribunlari etib
saylanganlar. Prinseps konsul sifatida intersessiya huquqidan foydalanib, har qanday magistrat qarorini bekor qila
olgan, senzor sifatida senatni o`z tarafdorlaridan tuza olgan, tribun sifatida senat yoki magistrat qaroriga veto qo`ya
olgan.
Senat vakolatlari juda o`zgargan. I asrdan boshlab senat qarorlari - senatus - konsultlar qonuniy kuchga ega
bo`lgan. II asrdan boshlab senat amalda faqat prinsepsning qarorini tasdiqlagan xolos.
Respublika magistraturalari bilan bir vaqtda imperatorning chinovniklik apparati tashkil etilgan. Uning
tepasida
prinseps kengashi va devonxonasi turgan.
Rim davlatining tarkibiy qismi bo`lib qolgan provinsiyalarni boshqarish qayta tashkil etilgan. Ular imperator
va senatga tegishli provinsiyalarga ajratilgan. Imperatorga tegishli provinsiyalar prinseps tayinlagan
legatlar tomondan
idora etilgan. Senatga tegishli provinsiyalarni senat tomonidan tayinlanadigan prokonsullar
va senatorlardan qur’a tashlash yo`li bilan saylanuvchi va senat hamda prinsepsga - (ikki
tomonlama) bo`ysunuvchi
propretorlar idora qilgan.
Imperatorlik provinsiyalaridan keladigan daromadlar esa prinseps xazinasi
-fiskka
kelib tushgan.
Professional armiyaga o`tgandan so`ng armiya korporotiv (o`z
manfaatlari bilan
cheklangan) tashkilotga aylangan. Pretoriylar kogortasi imtiyozli mavqega ega bo`lib,
jangchilarining maoshlari legionerlarnikiga nisbatan 3,5 baravar ortiq edi. Pretoriylar 16 yil
xizmat qilgan. Legionlarning qo`mondonlari - legatlar va katta qo`mondonlar - harbiy tribunlar
imperator tomonidan tayinlangan. Legionlarning xizmat muddati 20 yil edi. Ulardagi jangchilarning soni 200 ming
kishiga yetgan. Bu jangchilar -
allarning xizmat muddati 25 yil qilib belgilanib, maoshlari
legionerlarnikidan uch
baravar kam edi.
Perinsipat davridayoq Rimda quldorlik tuzumi tushkunlikka uchray boshlagan, II-III asrlarda esa
uning inqirozi pishib yetilgan. Erkin kishilarni ijtimoiy va tabaqaviy qatlamlarga ajralishi chuqurlashgan, yirik yer
egalarining nufuzi kuchaygan, kolonlar mehnatining ahamiyati o`sgan va
qul mehnatining roli pasaygan, munitsipal
tuzum tanazzulga yuz tutgan, polis ideologiyasi yo`qolgan, an’anaviy rim xudolariga ibodat qilish o`rniga xrestianlik
kelgan.
Dominatning rasmiy boshlanishi 284 yilda o`zini Lottiz (dominus) - uy egasi, xo`jayin
deb atashga buyruq bergan Diokletianning hokimiyat tepasiga kelishi bilan belgilanadi.
Imperatorning unvonlari – Avgust va Dominus uning hokimiyatini cheklanmagan
xarakterini ko`rsatadi. Qoida bo`yicha, imperatorlar ilohiylashtirilgan, ularning ba’zilari esa o`lganlaridan so`ng o`z
dinlarining xudolari deb e’lon qilinganlar. Imperiya aholisi fuqarolardan imperatorning fuqarolariga aylantirilgan.
Ularga
imperatorning qullari - servlar sifatida qaralardi.
Prinsipat davrida mavjud bo`lgan prinseps kengashi
davlat kenga-shi - konsistoriumga aylangan.
Iyerarxiyaga va mansablarning bosqichma-bosqich ko`tarilishi qoidalariga asoslangan, ranglar (darajalar)ga bo`lingan
va ancha rivojlangan chinovniklik apparati tashkil topgan.
Prinsipatdan farqli o`laroq eski respublika muassasalari har qanday umumdavlat ahamiyatini yo`qotgan. Rimni
imperator tayinlagan va unga bo`ysunadigan
prefekt boshqara boshlagan.
Diokletian iqtisodiy, harbiy va ma’muriy islohotlar o`tkazgan. To`la qimmatga ega bo`lgan oltin va
kumush monetalar chiqargan. Soliqlarning katta
qismi natura tarzida emas, pul bilan olinadigan bo`lgan. Chegara
va
harakatlanuvchi qo`shinlarni tashkil etishni mustahkamlovchi harbiy islohot armiyaga ko`ngillilardan olish bilan birga
rekrut yig`imini joriy etdi.
Davlat to`ntarishlari Diokletianni 285 yilda o`ziga
hokimdosh-sezar tayinlashga majbur etgan.
Imperiya g`arbiy va Sharqiy qismlardan iborat ikki qismga bo`lingan. Natijada yuzta provinsiyani o`z ichiga olgan to`rt
qismdan iborat
tetrarxiya kelib chiqqan.
Konstantin Diokletianning iqtisodiy islohotlarini davom ettirgan. Uning pul islohoti ancha muvaffaqiyatli
chiqqan va pul muomalasining barqarorlashuviga olib kelgan.
476 yilda german qabilalari g`arbiy Rim imperiyasini bosib olganlar va o`zlarining qo`mondonlari
Odoakrni
qirol deb e’lon qilganlar. Shu tariqa Rimning so`nggi imperatori 15 yoshli bola Romul Avgustul taxtdan ag`darib
tashlangan va imperator unvoni nishonlari Konstantinopolga yuborilgan. G`arbiy Rim imperiyasi tugatilgan.
Prinsipat
Mahalliy
boshqaruv
Armiya
Dominat