Ayb – shaxsning sodir etgan jinoyatiga oʻzining munosabati. Masalan, siz oʻrtogʻingizning ruchkasini unga bildirmasdan olib qoʻydingiz va sizda shu ishni qilganingizdan soʻng “Bekor qildim-da” degan tuygʻu paydo boʻldi. Mana shu “ayb” deyiladi.
Advokat – sizning huquqlaringizni himoya qiladigan shaxs. Masalan, kimdir uyingizni noqonuniy olib qoʻygan boʻlsa,
siz advokatga murojaat qilib, uning yordami bilan uyingizni qaytarib olishingiz mumkin.
Bezorilik – jamiyatdagi yurish-turish qoidalarini buzish va mensimaslik. Bunday bezori shaxslar taqiqlangan joylarda
alkogol ichimliklar ichadi, boshqa insonlarni haqoratli gaplar bilan soʻkadi. Yaʼni jamoat joylarida nomaqbul ishlarni qiladi.
Bitim – fuqaro va yuridik shaxslarning oʻzaro kelishuvga olib keladigan harakatlari.
Masalan, sizning doʻkonga borib, muzqaymoq sotib olishingiz bitim boʻladi.
Blog inglizcha “web log” soʻzidan qisqartirib yasalgan boʻlib, “internet kundalik”, “internet qaydnoma”, “onlayn bitik” kabi maʼnolarni anglatadi.
Bloger – oʻz sayti yoki ijtimoiy tarmoqlardagi sahifasi
orqali fikr-mulohazalarini,
munosabatlarini beruvchi, blog yurituvchi kishi.
Burch – bajarishimiz kerak boʻlgan ishlar. Masalan,
vatanimizni himoya qilishimiz,
harbiy xizmatga borishimiz, Konstitutsiya
va qonunlarga itoat etishimiz, ota-bobolari-
mizdan qolgan tarixiy, madaniy va maʼnaviy merosni asrab-avaylashimiz hamda bizni oʻrab turgan tabiatni ehtiyot qilishimiz bizning burchimiz hisoblanadi.
Buyruq – bajarilishi majburiy boʻlgan, bir kishi tomonidan chiqariladigan huquqiy hujjat. Masalan, maktab direktori tomonidan maktab hududini obodonlashtirish uchun chiqariladigan hujjat buyruq boʻladi va bu buyruqni maktab jamoasi va o‘quvchilar bajarishi shart.
Dostları ilə paylaş: