Davlat va xo‘jalik boshqaruv idoralari
Standartdashtirish bo‘yicha tayanch tashkilotlar
Yüklə 292,8 Kb. Pdf görüntüsü
|
| 1.3 Standartdashtirish bo‘yicha tayanch tashkilotlar
O„z SDT (O‟z DSt 1.0:1998) qoidalari bo„yicha iqtisodiyot tarmoqlarida va boshqa faoliyat sohalarida standartlashtirish bo„yicha ishlarni tashkillashtirish, rejalashtirish va muvofiqlashtirish uchun xos boshqaruv idoralari standartlashtirish buyicha tayanch tashkilotlarni tayinlaydi. O‟z RN 51-012:1993 da standartlashtirish buyicha tayanch tashkilotlar (STT) ni tayinlash tartibiga va ularning O„z SDT da ishlarni olib borish bo„yicha umumiy talablar o„rnatilgan. STT davlat va xo„jalik boshqaruv idoralari tomonidan, mahsulot turlari bo„yicha bosh tashkilotlar ichidan tayinlanadi va o„zlariga biriktirilgan mahsulotlar guruhi (yoki boshqa standartlashtirish obyektlari) ni standartlashtirish va sertifikatlashtirish bo„yicha ishlarga ilmiy- texnikaviy va tashkiliy-metodik rahbarlik qilish va respublikada bu ishlar bo„yicha texnikaviy birlilikni ta‟minlash uchun tuziladi. Mahsulot, xizmatlar, jarayonlar yoki STT ga biriktirilgan boshqa obyektlarni standartlashtirish bo„yicha ishlarga ilmiy-texnikaviy rahbarlik qilish, shuningdek standartlashtirish bo„yicha ishlarni bevosita bajarish uchun ilmiy-tadqiqot, konstruktorlik-texnologik bo„limlar, standartlashtirish sho„balari yoki laboratoriyalar tashkil etilishi mumkin. O„z SDT ga muvofiq standartlashtirish bo„yicha ish, asosiy ishlar qatoriga kiradi va tashkilotning tematik rejasidagi tarkibiy qism bo„lmish standartlashtirish bo„yicha ishlar rejasiga muvofiq STT ning bo„linmalari tomonidan bajariladi. STT o„z faoliyatida standartlashtirish bo„yicha davlat meyoriy-huquqiy hujjatlarga ham, mahkama meyoriy hujjatlariga ham amal qiladi. Bir ishni ikki joyda va takroriy bajarilishiga yo„l qo„ymaslik uchun STT o„z ishini boshqa mahsulotning yondosh guruhlarini STT bilan yaqindan o„zaro bog„langan holda olib borishi lozim. STT ning asosiy vazifalari sifatida quyidagilar belgilangan: – STT ga biriktirilgan korxonalar va tashkilotlar olib borayotgan standartlashtirish bo„yicha ishlarni muvofiqlashtirish, shuningdek biriktirilgan mahsulot guruhi bo„yicha texnik birlilikni ta‟minlash; – kompleks va oldindan standartlashtirishni ta‟minlovchi, biriktirilgan mahsulot guruhi bo„yicha standartlashtirishni rivojlashtirish asosiy yunalishlarini ishlab chiqish; – biriktirilgan mahsulot guruhiga muvofiq standartlar va standartlashtirish bo„yicha boshqa meyoriy hujjatlarning loyihalarini ishlab chiqish, ekspertiza qilish va kelishish, ularni o„z vaqtida joriy etish va qayta ko„rib chiqish bo„yicha takliflar va chora-tadbirlarni tayyorlash; – biriktirilgan mahsulot guruhiga muvofiq meyoriy hujjatda belgilangan ko„rsatkichlar va meyorlarning zamonaviy ilmiy-texnikaviy daraja, xavfsizlik, atrof muhitni muhofazalash va O„zbekiston Respublikasida amaldagi qonun talablariga muvofiqligini ta‟minlash; – standartlashtirish nazariyasi va amaliyoti sohasida ilmiy-metodik ishlarni, shuningdek STT ga biriktirilgan mahsulotning yangi namunalari loyihalarida standartlashtirishning maqbul darajasini o„rnatish va ta‟miinlash bo„yicha ishlarni olib borish; – mahsulotga meyoriy hujjatlarda keltirilgan ko„rsatkichlar va meyorlarning amaldagi standartlarning majburiy talablariga muvofiqligini o„rnatish maqsadida ushbu meyoriy hujjatlarni muttasil ravishda tekshiruvlarni o„tkazish; – standartlashtirish va sertifikatlashtirish bo„yicha rejalarni va chora- tadbirlarni ishlab chiqishda korxonalar va tashkilotlarga metodik yordam ko„rsatish.STT ning faoliyati iqtisodiyot tarmoqlari boshqaruv idoralari tomonidan yoki mahsulotning biriktirilgan turlari bo„yicha shartnoma asosida moliyalashtiriladi.STT tashkilotlar va korxonalardan o„z vazifalarini bajarishi uchun zarur bo„lgan standartlashtirish bo„yicha materiallar va boshqa ma‟lumotlarni talab qilishi va meyoriy hujjatlarni ilmiy-texnikaviy ekspertiza qilish natijalari bo„yicha yuqori tashkilotlarga takliflar kiritishi mumkin. STT o„rnatilgan tartibda standartlashtirish bo„yicha meyoriy hujjatlar jamg„armasini butlaydi, biriktirilgan tashkilotlar va korxonalarning standartlashtirish masalalari bo„yicha ishlarini, shuningdek biriktirilgan mahsulot guruhi bo„yicha meyoriy hujjatlarning talablarini joriy etish va bajarishni tekshiradi.STT belgilangan vazifalar va ishlarning bajarilishiga mas‟ul bo„ladi. 1 oktabr 2003 y. da O„zbekiston Respublikasida 17 ta STT faoliyat ko„rsatgan. Bular ichida “Podyomnik” aksiyadorlik jamiyati, SNTM aloqa va axborot agentligi, “Paxtasanoatilm”, “O„zneftgazLITI”, “KINAP” va boshqalar bor. Yüklə 292,8 Kb. Dostları ilə paylaş:
|